వరుణ్ తేజ్ ని బాగా ఇబ్బంది పెడుతున్న కరోనా.!

మెగా ఫ్యామిలీ నుంచి హీరోగా పరిచయమై కమర్షియల్ హీరో అనే యాంగిల్ లో కాకుండా డిఫరెంట్ స్క్రిప్ట్స్ తో తనకంటూ ఓ సెపరేట్ ఇమేజ్ ని కెరియేట్ చేసుకున్న హీరో మెగా ప్రిన్స్ వరుణ్ తేజ్. ‘గద్దలకొండ గణేష్’తో సూపర్ హిట్ అందుకున్న వరుణ్ తేజ్ తన తదుపరి సినిమాని బాక్సింగ్ నేపథ్యంలో చేస్తున్న సంగతి తెలిసిందే. ఇప్పటికే ఒక మేజర్ షెడ్యూల్ ని కూడా ఫినిష్ చేశారు. కానీ కరోనా వచ్చి సినిమా షూటింగ్స్ ఆపేయడం సంగతి అటు ఉన్నా వరుణ్ తేజ్ ని మాత్రం బాగా ఇబ్బందుల్లో పెట్టేసింది.

ఈ క్వారంటైన్ టైంలో అందరూ ఇంట్లో ఉండి రిలాక్స్ అవుతుంటే వరుణ్ తేజ్ కి మాత్రం రిలాక్సింగ్ కి ఛాన్స్ లేకుండా పోయింది. అలాగే హోమ్ ఫుడ్ ఫుల్ గా ఎంజాయ్ చేసే అవకాశం కూడా మిస్ అయ్యింది. బాక్సింగ్ బ్యాక్ డ్రాప్ సినిమా కోసం వరుణ్ తేజ్ ఫుల్ డైట్ లో ఉంటూ, రోజుకి 5 గంటలు జిమ్ అండ్ ట్రైనింగ్ తీసుకుంటున్నారు. అన్నీ అనుకున్నట్టు జరిగితే జూన్ కల్లా సినిమా పూర్తయ్యేది కాబట్టి అప్పటికల్లా తన డైట్ మరియు బాక్సింగ్ ట్రైనింగ్ ముగిసేది. కానీ ఈ లాక్ డౌన్ ఎప్పుడు ముగుస్తుందో తెలియకపోవడం వల్ల ఈ క్వారంటైన్ టైం లో కూడా రోజూ 5 గంటల ట్రైనింగ్, ఓన్లీ డైట్ ఫుడ్ మాత్రమే తీసుకుంటూ గడపాల్సి వస్తోంది.

అనుకున్న టైం కంటే ఎక్కువ రోజులు ట్రైనింగ్ అంటేనే కష్టంగా ఉంటుంది కానీ ఈ టైంలో ఇంకా ఎన్ని రోజులు ఇలా లాక్ డౌన్ ఉండాలో తెలియక, ఎప్పటికి షూటింగ్ పూర్తవుతుందో కూడా క్లారిటీ లేకుండా రోజూ కంప్లీట్ ట్రైనింగ్ మోడ్ లో ఉంటూ, డైట్ ఫాలో అవుతూ ఉండడం వరుణ్ కి చాల కష్టమవుతోందని తన సిస్టర్ నిహారిక తెలిపింది. మరి షూటింగ్ లేని టైం లో కూడా రిలాక్సింగ్ లేకుండా ఇలా లాక్ అవ్వడం అంటే కష్టమేమరి.. మరి ఈ కరోనా ఎప్పటికి కనికరించేనో? వరుణ్ తేజ్ ఎప్పటికీ ఫ్రీ అయ్యేనా??