చైనా.. కరోనా.. ‘విలయం’ వెనుక ఇంత దారుణమా.!

కరోనా వైరస్‌ (కోవిడ్‌ 19) అసలు ఎలా పుట్టింది.? ఈ ప్రశ్నకు సమాధానం ఇంతవరకు దొరకలేదు. గబ్బిలాల నుంచి వచ్చిందంటారు.. సీ ఫుడ్స్‌ నుంచి వచ్చి వుండొచ్చంటున్నారు.. పాంగోలిన్‌ ఈ వైరస్‌కి కారణమని అంటున్నారు.. ఇవేవీ కాదు, చైనా సైన్యం ఆధీనంలో నడుస్తోన్న ఓ ‘ల్యాబ్‌’ నుంచి ఇది బయటకు వచ్చిందని అంటున్నారు. ఏది నిజం.? ఈ వైరస్‌ ప్రపంచ వ్యాప్తంగా దాదాపు లక్ష మందిని ఇప్పటికే బలిగొంది. ఇది అధికారిక లెక్క మాత్రమే. అనధికారికంగా కరోనా మరణాలు ఎన్ని.? అంటే, అది అంచనాలకు అందదేమో.!

ఇంతకీ, ‘కరోనా’ వెనుక అసలు వాస్తవాలేంటి.? ఆ వాస్తవాలు ఎప్పటికైనా వెలుగు చూస్తాయా.? చూడవా.? ఈ ప్రశ్నలకు సమాధానం వెతికేందుకు ప్రయత్నాలు జరుగుతున్నాయి. అయితే, చైనాలోని ప్రముఖ నగరాల్లో ఒకటైన వుహాన్‌ నుంచే ఈ వైరస్‌.. ప్రపంచ వ్యాపితమయ్యింది. ఆ వుహాన్‌ని ‘లాక్‌డౌన్‌’ చేసి.. కరోనా వైరస్‌ని అదుపులోకి తెచ్చినట్లు చెబుతోంది. కానీ, ఆ ‘లాక్‌డౌన్‌’ వెనుకాల కూడా ‘సాక్ష్యాల్ని మాయం’ చేసేసిన పెద్ద కుట్ర దాగి వుందనే అనుమానాలు వ్యక్తమవుతున్నాయి.

చైనాకి చెందిన ముగ్గురు వ్యక్తులు గత కొంతకాలంగా కన్పించడంలేదు. ఆ ముగ్గురిలో ఒకరు చైనాకి చెందిన మాజీ విదేశాంగ మంత్రి కావడం గమనార్హం. ఇంకొకరు రియల్‌ ఎస్టేట్‌ రంగ ప్రముఖుడు. మూడో వ్యక్తి ఓ సోషల్‌ యాక్టివిస్ట్‌. ఈ ముగ్గురూ చైనా అధ్యక్షుడికి వ్యతిరేకంగా గళం విప్పారు.. కరోనా వైరస్‌ ప్రబలిన అనంతరం. ఆ ముగ్గురు ఇప్పుడు సజీవంగా వున్నారా.? లేదా.? అన్నదానిపై ‘సీక్రెట్‌ ఆపరేషన్‌’ జరుగుతోందట.

కరోనా వైరస్‌ వ్యాప్తిపై చైనా ప్రభుత్వాన్ని ఈ ముగ్గురూ ప్రశ్నించడంతోనే, వారిని అక్కడి ప్రభుత్వం ‘గ్రిల్‌’ చేసిందనే వాదనలు విన్పిస్తున్నా.. వారి ఆచూకీమాత్రం దొరక్కపోవడం గమనార్హం. ‘ఈ అనర్ధానికి కారణం మీరే..’ అంటూ ఆ ముగ్గురూ చైనా అధ్యక్షుడి వైపు వేలెత్తి చూపించడం.. వారికి మద్దతుగా 140 కోట్ల మంది చైనా ప్రజలు నినదించడం జరిగిందట. కానీ, చైనా ప్రభుత్వం కనుసన్నల్లో నడిచే అక్కడి మీడియా.. వాస్తవాల్ని కప్పిపుచ్చినట్లు తెలుస్తోంది.

వుహాన్‌ మార్కెట్‌ సహా మొత్తం వుహాన్‌ నగరాన్ని ‘క్లీన్‌’ చేయడం వెనుక, సాక్ష్యాల్ని మాయం చేయడమే అసలు ఉద్దేశ్యమట. కరోనా వైరస్‌కి సంబంధించి తొలి నాటి వైద్య పరీక్షల వివరాల్ని కూడా మాయం చేసేశారంటే.. అసలు ‘కుట్ర’ ఏంటో అర్థం చేసుకోవడం పెద్ద కష్టమేమీ కాదు. ఇప్పుడు ప్రపంచ దేశాలకి మాస్క్‌లు, మెడికల్‌ కిట్స్‌ సరఫరా చేస్తున్నట్లు చైనా చెబుతున్నా, అందులోనూ పెద్ద కుట్ర దాగి వుందనే ఆరోపణలు విన్పిస్తున్నాయి. ప్రపంచ వినాశనం దిశగా చైనా చేసిన భారీ కుట్రలో భాగమే ‘కరోనా వైరస్‌’ అన్న అనుమానాలు రోజురోజుకీ మరింత బలపడుతున్నాయి.