తెలుగు రాష్ట్రాల్లో చాలామంది సీనియర్ సిటిజన్లకు ఉదయాన్నే కాఫీ లేకపోయినా పర్వాలేదు కానీ చేతిలో వార్తాపత్రిక లేకపోతే మాత్రం ఏదో కోల్పోయిన ఫీలింగ్ తో ఉంటారు. ఏడాదిలో మూడు రోజులు మాత్రమే ప్రెస్ హాలీడే కారణంగా పత్రిక రాదు.. అయినా ఆ రోజుల్లో కూడా వారు ఏదో తెలియని వెలితితో కనిపిస్తారు. అలాంటిది కరోనా మహమ్మారి కారణంగా గత రెండు వారాలుగా పేపర్ రావడంలేదు. మీడియా సంస్థలు పత్రికను యథావిధిగా ప్రింట్ చేస్తున్నా హాకర్లు పంపిణీ చేయడంలేదు. దీంతో జనం పరిస్థితులకు అలవాటుపడుతున్నారు.
అయితే, కరోనా అదుపులోకి వచ్చిన తర్వాత పత్రికల పరిస్థితి ఎలా ఉంటుందనే అంశంపై పలువురికి ఆందోళన నెలకొంది. నిజానికి నేటి యువతరం పత్రికలను అంతగా పట్టించుకోదు. వారికి స్మార్ట్ ఫోన్ ఒక్కటుంటే చాలు. ఇక పత్రికలను చదివేది రాజకీయ నాయకులు, వివిధ సంఘాల నేతలు, ఉద్యోగులు, సీనియర్ సిటిజన్లు మాత్రమే. ప్రస్తుతం పత్రిక ఇంటికి రాని తరుణంలో వీరు కూడా ఈపేపర్ చదవడానికి అలవాటు పడుతున్నారు.
ఈ నేపథ్యంలో కరోనా సంక్షోభం ముగిసి పత్రికలు మళ్లీ ఇంటికి రావడం మొదలైన తర్వాత మునుపటిలాగే వాటిని ఆదరిస్తారా లేక ఇంకా కరోనా అనుమానాలతో కాలం వెళ్లదీస్తారా అనేది ఇప్పుడే చెప్పలేని పరిస్థితి నెలకొంది. వాస్తవానికి పత్రికలతో కరోనా వ్యాపించదని, పైగా తమ పత్రికను శానిటైజేషన్ చేసి మరీ ఇస్తున్నామని పెద్ద పత్రికలు ఘోషిస్తున్నా.. జనంలో మాత్రం అనుమానాలు పోవడంలేదు.
ఇప్పటికే యాడ్ రెవెన్యూ లేకపోవడంతో తీవ్ర ఒడిదొడుకులకు గురైన పత్రికారంగం.. పలు మార్పులకు శ్రీకారం చుట్టింది. పేజీల సంఖ్యను కుదించేసింది. టాబ్లాయిడ్ తీసేసి వాటిని కూడా మెయిన్ లో కలిపేసింది. ఇక ఆదివారం మేగజైన్ కూడా తీసేసింది. తద్వారా ప్రింటింగ్ వ్యయాన్ని తగ్గించుకుంది.
ఇక సిబ్బంది కుదింపుపై యాజమాన్యాలు దృష్టి పెట్టినట్టు సమాచారం. 30 శాతం నుంచి 50 శాతం మందిని తొలగించే దిశగా ప్రధాన పత్రికలు యోచిస్తున్నట్టు తెలుస్తోంది. ఇప్పటికే దీనికి సంబంధించిన కసరత్తు కూడా మొదలుపెట్టారని చెబుతున్నారు. మరోవైపు లాక్ డౌన్ మరికొంత కాలం కొనసాగిన పక్షంలో ముద్రణకు అవసరమైన పేపర్ కు తీవ్ర కొరత ఏర్పడే అవకాశం ఉంది. దీంతో పత్రిక ప్రింట్ అయ్యే పరిస్థితి ఉండదు.
సాధారణంగా మనదేశంలోని పెద్ద పత్రికలు యూరప్ నుంచి ముడి కాగితాన్ని దిగుమతి చేసుకుంటాయి. రెండు మూడు నెలలకు అవసరమైన పేపర్ ను ఒకసారి కొనుగోలు చేస్తుంటాయి. లాక్ డౌన్ కారణంగా ప్రస్తుతం అంతర్జాతీయ సరిహద్దులు మూసివేసి ఉండటం.. అవి ఎప్పుడు తెరుచుకుంటాయో ఇంకా క్లారిటీ లేకపోవడంతో ఇప్పట్లో పేపర్ దిగుమతి అయ్యే అవకాశాలు లేవు. ఇది పత్రిక ముద్రణపై ప్రభావం చూపిస్తుందని చెబుతున్నారు.
713723 577100Hey! Great stuff, please keep us posted when you post something like that! 929934
345854 436835Top rated lad speeches and toasts, as effectively toasts. might really nicely be supplied taken into consideration producing at the party consequently required to be slightly more cheeky, humorous with instructive on top of this. best man speeches funny 462577