చిరు ఇన్వాల్వ్‌ అవ్వడం వల్ల బాలయ్య, మోహన్‌బాబులు సైలెంట్‌ అయ్యారా?

ఈ కరోనా విపత్తు సమయంలో టాలీవుడ్‌ నుండి పలువురు స్టార్స్‌ తమ మంచి మనసును చాటుకుని భారీ విరాళాలను ప్రకటించిన విషయం తెల్సిందే. సీఎం పీఎం సహాయ నిధికి మాత్రమే కాకుండా సినీ కార్మికుల కోసం కూడా భారీగా విరాళాలు ఇస్తున్నారు. చిరంజీవి ఆధ్వర్యంలో కరోనా క్రైసిస్‌ ఛారిటీ అంటూ ఏర్పాటు చేయడం జరిగింది. ఇప్పటి వరకు ఆ ఛారిటీకి ఏడు కోట్ల వరకు విరాళాలు వచ్చినట్లుగా సమాచారం అందుతోంది.

ఆ ఛారిటీలో టాలీవుడ్‌ సినియర్‌ స్టార్‌ అయిన బాలకృష్ణ, మోహన్‌బాబులతో పాటు మరికొందరు జాయిన్‌ అయ్యేందుకు, ఆ ఛారిటీకి విరాళాలు ఇచ్చేందుకు ఆసక్తి చూపడం లేదు. అందుకు కారణం ఆ ఛారిటీని చిరంజీవి ఆధ్వర్యంలో నడిపించడమే అంటూ కొందరు అనుమానాలు వ్యక్తం చేస్తున్నారు. ఛారిటీకి విరాళాలు ఇవ్వాలనుకున్నా కూడా చిరు ఉండటంతో వారి ఈగో అడ్డువస్తు ఉంటుందని కొందరు అంటున్నారు.

చిరంజీవి, బాలకృష్ణ గతంలో చాలా సందర్బాల్లో కలిశారు, షేక్‌ హ్యాండ్‌ ఇచ్చుకున్నారు. మీడియా ముందు మాట్లాడుకున్నారు. కాని వారిద్దరి మద్య అంతర్గతంగా చాలా ఈగో ఉంటుందనే విషయం ప్రతి ఒక్కరికి తెల్సిందే. ఆ కారణంగానే ఇప్పుడు చిరు ప్రాతినిధ్యం వహిస్తున్న సీసీసీ కి బాలయ్య విరాళం ఇవ్వడం లేదేమో అనే అనుమానాలు కొందరు వ్యక్తం చేస్తున్నారు. మరి ఇతరులు ఎందుకు ఈ ఛారిటీకి విరాళాలు ఇవ్వడం లేదు అనేది మాత్రం వారే చెప్పాలి. వేలాది మంది లక్షల్లో కోట్లల్లో పారితోషికాలు తీసుకునే స్టార్స్‌ మన ఇండస్ట్రీలో ఉన్నారు. కాని ఇప్పటి వరకు విరాళాలు ఇచ్చింది మాత్రం అతి కొద్ది మందిమాత్రమే. వారికి ఏం అడ్డు పడుతుందో వారే చెప్పాలి.