దేశంలో ఏ రాష్ట్రానికీ లేని విధంగా ఆంధ్రప్రదేశ్‌కి మూడు రాజధానుల్ని ప్రకటించేసుకున్నారు ముఖ్యమంత్రి వైఎస్‌ జగన్‌ మోహన్‌ రెడ్డి. ఎన్నికల్లో తమ పార్టీకి అత్యధిక మెజార్టీని ప్రజలు కట్టబెట్టారనీ, 151 మంది ఎమ్మెల్యేల బలం వున్న తమ పార్టీ ఎలాంటి నిర్ణయమైనా తీసుకోగలదనీ, ఆ నిర్ణయాన్ని రాష్ట్ర ప్రజలంతా శిరసావహించాలనీ ‘రాచరిక’ ఆలోచనని వైఎస్‌ జగన్‌ మోహన్‌రెడ్డి తెరపైకి తెచ్చారు.
ఏ విషయంలో అయినా, వైఎస్‌ జగన్‌ ఆలోచనలు ఇలానే వుంటున్నాయి. కీలక నిర్ణయాలు తీసుకునేటప్పుడు ప్రజాభిప్రాయం అన్న ‘నైతిక సూత్రాన్ని’ ఆయన పాటించడంలేదు. ‘నేను ముఖ్యమంత్రిని కాబట్టి, రాష్ట్రానికి మూడు రాజధానులు పెడతా.. రాష్ట్ర ఎన్నికల ప్రధాన అధికారిని కులం పేరుతో దూషిస్తా.. శాసన మండలిని రద్దు చేస్తా..’ అంటే ఎలా కుదురుతుంది.?
రేప్పొద్దున్న ఇంకొకాయన ముఖ్యమంత్రి పదవిలో కూర్చుంటారు.. మూడు కాదు, ముప్పÛయ్‌ రాజధానులని చెబుతారు.. ఒప్పుకుంటామా.! ఛాన్సే వుండదు. మూడు రాజధానుల వ్యవహారం శాసన మండలి దగ్గర ఆగింది. కానీ, తమకున్న విశేషాధికారాలతో (అన్నట్టు, విశేషాధికారాలన్న పదం ముఖ్యమంత్రిగారికి నచ్చదండోయ్‌..) కర్నూలుకి కొన్ని ముఖ్యమైన కార్యాలయాల్ని తరలించాలని వైఎస్‌ జజగన్‌ నిర్ణయించేశారు. కానీ, హైకోర్టు మొట్టికాయలేసింది.. ఆ ప్రయత్నానికి బ్రేకులేస్తూ తాజాగా తీర్పునిచ్చింది.
ప్రభుత్వం జారీ చేసిన జీవోని కొట్టి పారేసింది. ఇదొక్కటే కాదు, ఇంగ్లీషు మీడియం విషయంలోనూ హైకోర్టు, ప్రభుత్వానికి మొట్టికాయలేసిన విషయం విదితమే. ఈ మొట్టికాయల లిస్ట్‌ చాలా పెద్దదే వుంటుంది. అందులో, ప్రభుత్వ కార్యాలయాలకు వైసీపీ రంగుల ఎపిసోడ్‌ కూడా వుంది. మొన్నటికి మొన్న స్థానిక ఎన్నికల వాయిదాని ప్రశ్నిస్తూ, జగన్‌ ప్రభుత్వం సుప్రీంకోర్టుకి వెళితే, అక్కడా పరిస్థితులు అనుకూలించలేదాయె.
ఒకదాని తర్వాత ఒకటి షాక్‌లు తగులుతోంటే, ఇంకెవరన్నా అయితే ఆత్మవిమర్శ చేసుకుంటారు. కానీ, ఇక్కడ వైఎస్‌ జగన్‌ మోహన్‌రెడ్డి మరింత అహంకారం ప్రదర్శిస్తున్నారు. పాలకుడికి అహంకారం ఎక్కువైతే, ప్రజల పరిస్థితి అగమ్యగోచరంగా మారిపోతుంది. అన్నట్టు, కర్నూలు వ్యవహారంలోనే ప్రభుత్వానికి పరిస్థితులు అనుకూలించనప్పుడు, విశాఖకు అడ్మినిస్ట్రేటివ్‌ క్యాపిటల్‌ని తరలించడానికి పరిస్థితులు ఎలా అనుకూలిస్తాయట.? అంటే, ఇంకో మొట్టికాయకి వైఎస్‌ జగన్‌ ప్రభుత్వం సిద్ధమయిపోయినట్లే.
496398 517870Spot up for this write-up, I truly believe this web web site requirements an excellent deal much more consideration. Ill likely to end up again to read a lot more, numerous thanks for that data. 233252
532519 990805You know, many persons are looking around for this information, you could aid them greatly. 401044
31585 390238Great day! This post could not be written any better! Reading this post reminds me of my previous room mate! He always kept chatting about this. I will forward this write-up to him. Fairly certain he will have a good read. Thanks for sharing! 46526