అగ్రరాజ్యాధినేతని భారతదేశానికి తీసుకురావడం గొప్ప విషయమే. అయితే, ఇదేమీ చరిత్రలో ఇంతకు ముందెన్నడూ జరగనిది కాదు. అయితే, ‘నరేంద్ర మోడీ నాకు మంచి మిత్రుడు’ అని అమెరికా అధ్యక్షుడు డోనాల్డ్ ట్రంప్ చెప్పడం, రాజకీయంగా నరేంద్ర మోడీకి కాస్త ‘ఊరట’ అనే భావించాలి. కానీ, ఇండియాలో తిని.. పాకిస్తాన్కి మేలు చేసినట్లున్నారు అమెరికా అధ్యక్షుడు.. అనే చర్చ సర్వత్రా జరుగుతోంది.
యుద్ధ హెలికాప్టర్లను భారతదేశానికి విక్రయించేందుకు వీలుగా అమెరికా అధ్యక్షుడు డోనాల్డ్ ట్రంప్, భారతదేశంతో ఒప్పందం కుదుర్చుకోవడం సంగతెలా వున్నా, ‘ట్రేడ్ డీల్’ విషయంలోనే గందరగోళం కొనసాగుతోంది. అమెరికా కాకపోతే, ఇంకో దేశం నుంచి యుద్ధ హెలికాప్టర్లను కొనుక్కునే అవకాశం భారతదేశానికి వుంది. సో, ఇదేమీ అంత గొప్ప విషయం కాదు.
ఇదిలా వుంటే, నరేంద్ర మోడీ.. నానా తంటాలూ పడి, ట్రంప్ని రప్పించుకున్నారుగానీ, ట్రంప్ తనకు పాకిస్తాన్ మీద వున్న అభిమానాన్ని భారతదేశంంలో చెప్పడం, పాకిస్తాన్కి లాభించే అంశమంటూ పాకిస్తాన్ మీడియా కథనాల్ని వండి వడ్డిస్తోంది. అయితే, పాకిస్తాన్ని తీవ్రవాద దేశంగా ట్రంప్ ఇప్పటికే పలుమార్లు ప్రకటించారు, భారతదేశంలో పర్యటించినప్పుడూ అదే మాట చెప్పారు. అది పాకిస్తాన్ చెవిన పడలేదు, పడదు కూడా.
పాక్ సంగతి పక్కన పెడితే, ట్రంప్.. భారత పర్యటనతో దేశానికి ఒరిగిందేమీ లేదు. ట్రంప్ సేవలో మోడీ సర్కార్ మునిగి తేలడంతో.. దేశ రాజధాని ఢిల్లీలో అనూహ్యంగా అల్లర్లు చెలరేగాయి. 20 మందికి పైగా ప్రాణాలు కోల్పోయారు ఈ అల్లర్లలో. కనీ వినీ ఎరుగని స్థాయిలో విధ్వంసం చోటు చేసుకుంది ఢిల్లీలో. దీనికి నైతిక బాధ్యత వహించాల్సింది ఎవరు.? కేంద్ర హోంమంత్రిగా అమిత్ షానే బాధ్యత తీసుకోవాలి.
అదే విషయాన్ని విపక్షాలు ప్రస్తావిస్తే, ‘ఇలాంటి నీఛ రాజకీయాలు చేయడం తగదు’ అంటూ విపక్షాలపై దుమ్మెత్తి పోసేస్తోంది అధికార పక్షం. నిజానికి, ట్రంప్ పర్యటన సందర్భంగా అల్లర్లు జరిగేందుకు అధికార బీజేపీ ఆస్కారమిస్తుందని అనుకోలేం. కానీ, నిర్లక్ష్యం ఇక్కడ సుస్పష్టం. ట్రంప్ వచ్చాడన్న ఆనందం బీజేపీకి ఒక్క రోజు కూడా మిగల్లేదు. ఆ స్థాయిలో ఢిల్లీలో జరిగిన అల్లర్లపై అందరి ఫోకస్ పడింది. బీజేపీకే కాదు.. దేశానికే మాయని మచ్చగా మిగిలిపోతుంది ఢిల్లీలో తాజా అల్లర్ల వ్యవహారం. ఎలా చూసినా.. ట్రంప్ ఎపిసోడ్, బీజేపీకి.. ప్రధాని నరేంద్ర మోడీకీ అతి పెద్ద ఎదురు దెబ్బలానే భావించాల్సి వుంటుంది.
106676 346942Perfectly composed content material , thankyou for entropy. 480968
905876 861146An intriguing discussion will probably be worth comment. I think that you basically write significantly a lot more about this topic, it may well become a taboo subject but normally consumers are inadequate to communicate in on such topics. To an additional. Cheers 902937