శివ కందుకూరి ‘చూసీ చూడంగానే’ మూవీ రివ్యూ

నటీనటులు: శివ కందుకూరి, వర్ష బొల్లమ్మ, మాళవిక సతీషన్..
నిర్మాత: రాజ్ కందుకూరి
దర్శకత్వం: శేష సింధు రావు
సినిమాటోగ్రఫీ: వేదరామన్
మ్యూజిక్: గోపి సుందర్
ఎడిటర్‌: రవితేజ గిరజాల
రన్ టైం: 1 గంట 53 నిముషాలు
విడుదల తేదీ: జనవరి 31, 2020

‘పెళ్లి చూపులు’, ‘మెంటల్ మదిలో’ సినిమాలతో సూపర్ హిట్స్ అందుకున్న నిర్మాత రాజ్ కందుకూరి ఈ సారి తన కుమారుడు శివ కందుకూరిని హీరోగా పరిచయం చేస్తూ చేసిన రొమాంటిక్ ఎంటర్టైనర్ ‘చూసీ చూడంగానే’. ఎప్పటిలానే రాజ్ కందుకూరి ఈ సినిమా ద్వారా నూతన దర్శకురాలైన శేష సింధు రావు ని పరిచయం చేశారు. పలువురు టాలెంటెడ్ టెక్నీషియన్స్ కి లైఫ్ ఇచ్చిన రాజ్ కందుకూరి తన కుమారుడు శివ కందుకూరికి హిట్ ఇచ్చాడా? లేదా? అనేది ఇప్పుడు చూద్దాం..

కథ: అనగనగా ఓ కుర్రాడు. ఆ అబ్బాయి పేరు సిద్ధు (శివ కందుకూరి). తెలుగు రాష్ట్రాల్లో చాలామంది అబ్బాయిల్లాగా…. ఎన్నో తెలుగు సినిమాల్లో ప్రేక్షకులు చూసిన హీరోల్లాగా ఇంటర్ లో, ఎంసెట్ లో మార్కులు తక్కువ వచ్చాయని తల్లి (పవిత్రా లోకేష్) దగ్గర తిట్లు తింటాడు. ఇష్టం లేకపోయినప్పటికీ ఇంట్లో అమ్మ బలవంతం చేసిందని ఇంజినీరింగ్ జయినవుతాడు. మళ్లీ మన తెలుగు సినిమా హీరోల్లాగా అక్కడ ఒక అమ్మాయి ఐశ్వర్య (మాళవిక సతీషన్)తో ప్రేమలో పడతాడు. ఎన్నో తెలుగు సినిమాల్లో చూసినట్టు ప్రేమలో పడగానే అమ్మాయికి నచ్చిన బట్టలు వేసుకుంటాడు. అమ్మాయి అడిగిందని గడ్డం పెంచుతాడు. అమ్మాయికి ఇష్టం వచ్చిన పనులు చేస్తాడు. స్నేహితులకు దూరం అవుతాడు. అయినా… అమ్మాయి బ్రేకప్ చెబుతుంది. ఏ అమ్మాయి అంత సిల్లీ రీజన్ చెప్పదేమో? ‘ఇంట్లో మా నాన్నకు విషయం తెలిసింది సిద్దు. వర్కవుట్ అవ్వదు’ అని వెళ్లిపోతుంది. మూడేళ్ల తర్వాత… హీరో వెడ్డింగ్ ఫొటోగ్రాఫర్ అవుతాడు. మరో అమ్మాయి శ్రుతి (వర్ష బొల్లమ్మ) పరిచయం అవుతుంది. కట్ చేస్తే… ఆ అమ్మాయిది కూడా సిద్ధు కాలేజీయే. ఐశ్వర్యకు స్నేహితురాలే. ఇవేవీ సిద్ధుకి తెలియవు. అతడు కాలేజీలో ఐశ్వర్యను ప్రేమిస్తే, ‘ప్రేమకథా చిత్రమ్’లో నందితా శ్వేతలా హీరో వెనుకే తిరుగుతూ సిద్ధూను ప్రేమిస్తుంది శ్రుతి. అతడు ఐశ్వర్యను ప్రేమిస్తున్నాడని తెలిసి తన ప్రేమను చెప్పడం మానేస్తుంది. మూడేళ్ల తర్వాత ఇవన్నీ సిద్ధుకి తెలుస్తాయి. ఆ ప్రభావమో.. మరొకటో… శ్రుతిని సిద్ధు ప్రేమిస్తాడు. శృతికి కూడా సిద్ధు మీద ఫీలింగ్స్ కలుగుతాయి. బట్, రైటర్ గా త్రివిక్రమ్ రాసిన సినిమాల్లో హీరోయిన్ లాగా మరో అబ్బాయికి ఎంగేజ్మెంట్ కి శ్రుతి రెడీ అవుతుంది. రొటీన్ తెలుగు సినిమా టైపు హ్యాపీ ఎండింగ్ ఉంటుందని ఈపాటికి ఈ రివ్యూ చదువుతున్న మీకు ఒక ఐడియా వచ్చేసి ఉంటుంది.

తెర మీద స్టార్స్..

ఏమాత్రం కొత్తదనం లేకుండా పరమ రొటీన్ కథ, సన్నివేశాలతో సాగిన ఈ సినిమాలో కాస్తో కూస్తో ఆకట్టుకున్నది ఎవరైనా ఉన్నారంటే వర్ష బొల్లమ్మ ఒక్కరే. అదీ సెకండాఫ్ లో మాత్రమే. ఫస్టాఫ్ లో ఆ అమ్మాయి చేత కూడా కొన్ని చెత్త సన్నివేశాలు చేయించారు దర్శకురాలు శేష సింధు రావ్. సెకండాఫ్ లోనూ రొటీన్ సీన్స్ ఉన్నప్పటికీ… కొంతవరకూ తన నటనతో వర్ష బొల్లమ్మ గట్టెక్కించింది. ఆ అమ్మాయి బాధ పడుతుంటే… ప్రేక్షకులు కొంతవరకు ‘అయ్యో పాపం!’ అనుకుంటారు. వర్ష బొల్లమ్మ కళ్లు చాలా ఎక్స్‌ప్రెస్సివ్. అవి సినిమాకు, సన్నివేశాలకు ప్లస్ అయ్యాయి. వర్ష తర్వాత ఆకట్టుకున్నది కమెడియన్ వెంకటేష్ కాకుమాను. సినిమాలో అక్కడక్కడా ఎడారిలో వర్షం పడినట్టు నవ్వులు పడ్డాయంటే అది వెంకటేష్ కాకుమాను వల్లే. అతడి కామెడీ టైమింగ్ పర్వాలేదు. శివ కందుకూరి ఓకే అనిపించుకుంటాడు. యాక్టర్ గా ఇంప్రెసివ్ చేసిన సీన్స్ ఏం లేవు. అవసరాల శ్రీనివాస్ గెస్ట్ రోల్ చేశాడు. అదేమంత ఎఫెక్టివ్ గా లేదు. ఆ క్యారెక్టర్ కి కథలో ఇంపార్టెన్స్ కూడా లేదు. హీరో మదర్ అండ్ ఫాదర్ గా పవిత్రా లోకేష్, అనీష్ కురువిల్ల కనిపించచారు. వాళ్ల క్యారెక్టర్స్ రొటీన్ కావడంతో రొటీన్ సినిమాలో ఎలా నటించాలో అలా నటించారు. మరో హీరోయిన్ మాళవికా సతీషన్ ఒక పాటకు, రెండు మూడు సన్నివేశాల్లో కనిపిస్తుందంతే.

తెర వెనుక టాలెంట్..

ఆఫ్ ది స్క్రీన్ బెస్ట్ అవుట్ పుట్ ఇచ్చింది మ్యూజిక్ డైరెక్టర్ గోపిసుందర్ ఒక్కరే అని చెప్పుకోవాలి. మెలోడీ సాంగ్స్ బావున్నాయి. కొన్ని లిరిక్స్ కూడా! సినిమాటోగ్రాఫర్స్ గా కొత్తవాళ్లతో తీసిన సినిమాకు బెస్ట్ అవుట్ పుట్ ఇచ్చిన రవితేజ గిరిజాల, వేదరమణ్… ఎడిటింగ్ విషయంలో ఎఫెక్టివ్ అవుట్ పుట్ ఇవ్వలేకపోయారు. సినిమాలో ల్యాగ్ సీన్స్ చాలా ఉన్నాయి. సుకుమార్, క్రిష్ దగ్గర పని చేసిన శేష సింధు రావ్ దర్శకురాలిగా తొలి సినిమాకు ఫ్రెష్ ఫీల్ ఉన్న కథ రాసుకోవడంలో ఫెయిల్ అయ్యారు. రొటీన్ కథను ఫ్రెష్ గానూ చెప్పలేకపోయారు.

విజిల్ మోమెంట్స్:

– భయ్యా… పెద్దగా ఏం లేవు.
– చెప్పుకోవాలంటే… మిడ్ నైట్ హీరో, తర్వాత కమెడియన్ ఫ్లాట్ కి వెళ్లి హీరోయిన్ డిస్టర్బ్ చేసే సీన్

బోరింగ్ మోమెంట్స్:

– చెప్పుకోవాలంటే చాలా ఉన్నాయి. కొన్ని మాత్రమే చెప్పాలంటే…
– పాటలు తప్ప ఫస్టాఫ్ అంతా
– నో ఎమోషన్స్
– క్లైమాక్స్

విశ్లేషణ: రొటీన్ కథతో రొటీన్ సినిమా ఎలా తీయాలో చెప్పడానికి బెస్ట్ ఎగ్జాంపుల్ ‘చూసీ చూడంగానే’. కొత్త దర్శకురాలు తీసిందని, సినిమాలో కొత్తదనం ఉంటుందని థియేటర్ కి వెళితే… చప్పగా చల్లారిన పిజ్జా, మెత్తబడిన పాప్ కార్న్ తిన్నట్టు ఉంటుంది. సినిమాలో కొత్త కథ లేదు. కొత్తగానూ తీయలేదు. షార్ట్ ఫిలింకి ఎక్కువ, ఫీచర్ ఫిలింకి తక్కువ అన్నట్టు ఉంది. లవ్ సీన్స్ కూడా కొత్తగా లేవు. చాకోలెట్స్ బదులు అబ్బాయిని అమ్మాయి విస్కీ అడగడం, బర్త్ డే కి కేక్ రెడీ చేయడం కొత్తదనం అని దర్శకురాలు, నిర్మాత ఫీల్ అయితే ఎవరూ ఏమీ చేయలేరు.

ఇంటర్వల్ మోమెంట్: ఇదో ట్విస్టా? అఘోరించాం లే! సెకండాఫ్ ఎలా ఉంటోందో??

ఎండ్ మోమెంట్: ఏదో తీశారంటే సినిమా తీశారంతే! పాటలు ఓకే. బిలో ఏవరేజ్ బొమ్మ

చూడాలా? వద్దా?: ఎందుకు భయ్యా? టైమ్ వెస్ట్!

బాక్స్ ఆఫీస్ రేంజ్: అందరూ కొత్తవాళ్లు చేసిన సినిమా కాబట్టి ఓపెనింగ్స్ వీక్ గా ఉండొచ్చు. మౌత్ టాక్ మీద సినిమా కలెక్షన్స్ డిపెండ్ అవుతాయి.

గమనిక: మా బాక్స్ ఆఫీస్ రేంజ్ అనేది సినిమా రేటింగ్ మీదే పూర్తిగా డిపెండ్ అవ్వకుండా హీరో స్టార్డం, భారీ రిలీజ్ మరియు రిలీజ్ అయిన సీజన్ ని కూడా కలుపుకొని చెబుతాం.

తెలుగుబుల్లెటిన్ రేటింగ్: 1.5/5