దేశంలో చట్టాలెన్ని వచ్చినా.. అతివలపై ఆగడాలు ఆగడంలేదు. నిర్భయ వంటి కఠిన చట్టాలు తెచ్చినా.. కామాంధుల దురాగతాలకు కళ్లెం పడటంలేదు. మన చట్టాల పదును తగ్గడమే ఇందుకు కారణమా అంటే ఔననే సమాధానం వినిపిస్తోంది. శిక్షలు ఎంత కఠినంగా ఉంటే నేరాలు అంత తక్కువగా జరుగుతాయి. కానీ మన దేశంలో పరిస్థితి పూర్తిగా భిన్నం. దేశ రాజధాని ఢిల్లీలో జరిగిన నిర్భయ ఉదంతంలో ఎంత మందికి శిక్ష పడింది? ప్రధాన నిందితుడు ఆత్మహత్య చేసుకోగా.. మైనర్ అనే కారణంతో కీలకమైన దోషి మూడేళ్ల శిక్ష తర్వాత బయటకు వచ్చేశాడు.
మిగిలిన దోషులు దర్జాగా జైలులో గడిపేస్తున్నారు. ఇలాంటి పరిస్థితుల్లో మన దేశంలో అమలవుతున్న శిక్షలు ఈ నరరూప రాక్షసులకు కొంచెమైనా భయం కలిగిస్తాయా? అంటే సమాధానం మనమే చెప్పేయొచ్చు. పైగా ఇలాంటి కేసుల్లో అరెస్టు అయినా.. అవి కోర్టులో తేలి శిక్ష పడేసరికి చాలా జీవితం గడిచిపోతుంది. శిక్ష పడిన తర్వాత కూడా అప్పీలుకు వెళ్లడం ద్వారా మరికొంత కాలం గడిపేయొచ్చు. ఇలాంటి వెసులుబాట్లు చాలా ఉండటంతోనే మన దేశంలో నేరాల సంఖ్య తగ్గడంలేదు. ఈ నేపథ్యంలోనే జనాగ్రహం పెల్లుబుకుతోంది.
నాడు నిర్భయ ఘటన జరిగినప్పుడు దేశం ఎలా స్పందించిందో.. ఇప్పుడు ప్రియాంకారెడ్డి కేసులోనూ అదే విధంగా ఆగ్రహం వ్యక్తంచేస్తోంది. ఇలాంటి క్రూరులను చట్టప్రకారం కాకుండా చట్టానికి అతీతంగా శిక్షించాలని ముక్తకంఠంతో డిమాండ్ చేస్తోంది. అత్యంత కిరాతకంగా ప్రియాంకను చంపిన నిందితులకు ఒక్క క్షణం కూడా జీవించే అర్హత లేదని నినదిస్తోంది. పోలీసులు ఎన్కౌంటర్ చేసినా సరే.. లేకుంటే తమకు అప్పగించినా సరే.. ఏం చేసినా పర్లేదని, వారి గొంతులో ప్రాణం మాత్రం ఉండకూడదని తీర్మానిస్తోంది. అయితే, చట్టాన్ని చేతుల్లోకి తీసుకోవడం సరికాదని వాదించేవారూ లేకపోలేదు.
చట్టప్రకారమే నిందితులను శిక్షించాలని కోరేవారూ ఉన్నారు. కానీ ప్రస్తుతం ఉన్న చట్టాల ప్రకారమైతే నిందితులకు సరైన శిక్షలు పడటంలేదనేది మెజార్టీ అభిప్రాయంగా వినిపిస్తోంది. ఎప్పుడో బ్రిటిష్ కాలం నాటి చట్టాలనే మనం ఇంకా అనుసరిస్తున్నామని, మారిన కాలంతోపాటు వాటిని కూడా మార్చాల్సిన అవసరం ఉందని ఎక్కువమంది అభిప్రాయపడుతున్నారు. ఆడపిల్ల వైపు కన్నెత్తి చూడాలంటేనే భయపడే విధంగా కఠిన చట్టాలు తీసుకురావాలని పేర్కొంటున్నారు.
అప్పుడే ఓ నిర్భయ, ఓ ప్రియాంక, ఓ మానస ఘటనలు జరగవని చెబుతున్నారు. కేంద్ర హోంశాఖ సహాయమంత్రి కిషన్రెడ్డి సైతం ఇదే అభిప్రాయం వ్యక్తంచేశారు. బ్రిటిష్ కాలంనాటి చట్టాలను మారుస్తామని.. ట్రయల్ కోర్టు తీర్పును హైకోర్టులో సవాల్ చేసే అవకాశం లేకుండా మార్పులు తీసుకొస్తామని పేర్కొన్నారు. ట్రయల్ కోర్టు తర్వాత నేరుగా సుప్రీంకోర్టులోనే తేల్చుకునే విధంగా చట్టం తీసుకొస్తామని చెప్పారు. మరోసారి ఇలాంటి ఘటనలు జరగకుండా ఉండాలంటే మన చట్టాలకు పదును పెట్టక తప్పదు.
500728 202473You produced some decent factors there. I looked on the internet for the issue and identified most individuals will go along with together with your site. 578050
848340 302871It is difficult to get knowledgeable men and women within this topic, however, you appear to be guess what happens youre dealing with! Thanks 418399
841001 490561This web page might be a walk-through like the data you wanted concerning this and didnt know who want to. Glimpse here, and you will certainly discover it. 591431
964751 615137Superb read, I just passed this onto a colleague who was performing slightly research on that. And he actually bought me lunch as I discovered it for him smile So let me rephrase that: Thank you for lunch! 748171