సినిమా రివ్యూ: కౌసల్య కృష్ణమూర్తి

నటీనటులు : ఐశ్వర్య రాజేష్, రాజేంద్ర ప్రసాద్, ఝాన్సీ, శివ కార్తికేయన్, కార్తీక్ రాజు తదితరులు ..
రేటింగ్ : 3 / 5
సంగీతం : దిబు నైనన్ థామస్
సమర్పణ ; కె ఎస్ రామారావు
దర్శకత్వం : భీమనేని శ్రీనివాస రావు
నిర్మాత : కే ఏ వల్లభ

తమిళంలో క్రేజీ హీరోయిన్ గా ఇమేజ్ తెచ్చుకున్న ఐశ్వర్య రాజేష్ కాన్సెప్ట్ బేస్డ్ నేపథ్యంలో సినిమాలు చేస్తూ నటిగా మంచి గుర్తింపు సంపాదించుకుంది. తాజగా తెలుగులోకి ఎంట్రీ ఇస్తూ ఐశ్వర్య నటించిన చిత్రం శైలజ కృష్ణమూర్తి. తమిళంలో కాణా పేరుతొ విడుదలైన చిత్రాన్ని తెలుగులో రీమేక్ చేసారు. మొదటి నుండి భారీ అంచనాలు పెంచుకున్న ఈ సినిమాతో ఐశ్వర్యకు మంచి ఓపెనింగ్ దక్కింది. లేడి క్రికెటర్ నేపథ్యంలో తెరకెక్కిన ఈ సినిమాలో కౌసల్య ఎలా క్రికెటర్ గా రాణించింది. అన్నది తెలియాలంటే కథలోకి వెళ్లాల్సిందే.

కథ:

ఇరగవరం అనే ఊరిలో కృష్ణమూర్తి ( రాజేంద్ర ప్రసాద్ ) వ్యవసాయం చేస్తూనే క్రికెట్ అంటే చాలా ఇష్టం. తన తండ్రి చనిపోయినా కూడా క్రికెట్ చూసేంత పిచ్చి అతనికి. అలాంటి సమయంలో అతని కూతురు కౌసల్య ( ఐశ్వర్య రాజేష్ ) నేను పెద్దయ్యాక క్రికెటర్ అవుతునని చెప్పడంతో ఆమెను పెద్ద క్రికెటర్ గా చేసి, ఇండియా టీమ్ తరపున ఆడించాలనే లక్ష్యంతో కౌసల్యను తీర్చిదిద్దే ప్రయాత్నం చేస్తుంటాడు. ఈ ప్రయత్నంలో అమ్మాయిని క్రికెటర్ గా చేస్తాననడం, ఓ ఆడపిల్ల ఆటలంటూ బయటికి రావడం, సమాజం చిన్న చూపు చూడడం, పొరుగు వాళ్ళు హేళనలు .. ఇలా ఎన్నో కష్టాలనుండి కౌసల్య క్రికెటర్ గా ఎలా రాణించింది. ఆమె ఇండియన్ టీమ్ కు ఆడిందా లేదా అన్నది మిగతా కథ.

నటీనటుల ప్రతిభ :

తన తండ్రికి క్రికెట్ అంటే ఉన్న ఇష్టాన్ని చూసి తన తండ్రి కల కోసం పాటుపడే అమ్మాయిగా ఐశ్వర్య రాజేష్ చక్కని నటన ప్రదర్శించింది. ఆమెకు తన తండ్రి పై ఉన్న ప్రేమ, అతని కోసం తాను చేసే రిస్క్ లాంటి విషయాల్లో ఐశ్వర్య చాలా కష్టపడింది. ఎక్కువ శాతం కళ్ళతోనే ఆమె హావబావాలు పలికించడం, ఎమోషన్స్ ని బాగా పలికించింది. ప్రొఫెషన్ క్రికెటర్ గా కనిపించడం కోసం చాలా హార్డ్ వర్క్ చేసిందని చుస్తే అర్థం అవుతుంది. కౌసల్య గా నూటికి నూరు మార్కులు కొట్టేసింది ఐశ్వర్య. ఇక రైతు గా రాజేంద్ర ప్రసాద్ జీవించేసాడు. భూమి అంటే ప్రాణంగా నమ్మే రైతు గా నేటి రైతు కష్టాలను కళ్ళకు కట్టినట్టు చెప్పాడు. ఇక కౌసల్య తల్లి పాత్రలో ఝాన్సీ బాగా చేసింది. కౌసల్య ను ప్రేమిస్తూ ఆమె లక్ష్యం కోసం సపోర్ట్ అందించే ప్రియుడి పాత్రలో సాయి కృష్ణ పాత్రలో కార్తీక్ రాజు చక్కగా నటించాడు. గెస్ట్ గా కనిపించిన శివ కార్తికేయన్ ఉన్నంత సేపు ఆకట్టుకున్నాడు. మొత్తానికి ఇందులో నటీనటులు అందరు చక్కగా చేసారు.

టెక్నీకల్ హైలెట్స్ :

ఈ సినిమా విషయంలో మ్యూజిక్ ఆకట్టుకుంది. కథను నడిపించడంలో మ్యూజిక్ తోడ్పడింది. అలాగే ఫోటోగ్రఫి కూడా ఆకట్టుకునేలా ఉంది. ఎడిటింగ్ ఓకే. అయితే తమిళ కాణా సినిమాలోని చాలా సన్నివేశాలు అలాగే వాడుకున్నారు. ఇక దర్శకుడు భీమనేని శ్రీనివాస్ రావు చాలా రోజుల తరువాత మంచి సినిమా చేసాడు. మొదటి నుండి రీమేక్ సినిమాల దర్శకుడిగా ఇమేజ్ తెచ్చుకున్న అయన మరోసారి రిమేక్ సినిమాతో విజయాన్ని అందుకున్నాడు. దర్శకుడిగా చక్కని రీమేక్ ని ఎంచుకుని దాన్ని అద్భుతంగా మలిచాడు. ఇక ఈ సినిమా విషయంలో కథ కొత్తదేమీ కాదు .. తెలిసిన కథే .. దాన్ని నడిపించిన తీరు బాగుంది.

విశ్లేషణ :

క్రీడా నేపథ్యంలో ఇప్పటికి చాలా సినిమాలు వచ్చాయి. క్రికెట్ కథ కొత్తది కాకపోయినప్పటికీ అందులో రైతుల కష్ఠాలను చూపిస్తూ అల్లుకున్న కథ అందరిని ఆలోచింపచేసేలా ఉంది. తమిళంలో సూపర్ హిట్ అయిన కాణా సినిమాను తెలుగు నేటివిటీకి తగ్గట్టుగా రీమేక్ చేసారు. ఆసక్తి కలిగించే కథ, జీవితంలో ఓ లక్ష్యాన్ని సాధించాలనే యువతికి ఎదురైనా ఆటంకాలను ఎదుర్కొని ఎలా విజయం అందుకుంది అన్న పాయింట్ సూపర్. నటిగా ఐశ్వర్యా మంచి మార్కులు కొట్టేసింది. ఎమోషన్స్ తో పాటు నిజమైన క్రికెటర్ గా కనిపించేందుకు ఆమె ఎంతో హార్డ్ వర్క్ చేసిందో తెలిసిపోతుంది. మ్యూజిక్, కెమెరా ఆకట్టుకునే అంశాలు. తెలిసిన, కథ .. నెక్స్ట్ ఏమి జరుగుతుందో ముందే ఊహించే అంశాలు కాస్త మైనస్ గా అనిపిస్తాయి .. మొత్తానికి కౌసల్య కృష్ణమూర్తి ఓ మంచి ప్రయత్నం అని చెప్పాలి.

ట్యాగ్ లైన్ : కౌసల్య .. ఆకట్టుకుంది !