ఉదయాన్నే బ్రేకింగ్ న్యూస్లు దర్శనమిచ్చాయి యంగ్ హీరో రాజ్ తరుణ్ యాక్సిడెంట్కి గురయ్యాడని. రాజ్ తరుణ్ కాదు, తరుణ్ రోడ్డు ప్రమాదానికి గురయ్యాడన్నది ఆ తర్వాత విన్పించిన బ్రేకింగ్ న్యూస్ల సారాంశం. మొదట ఓ యువ హీరో యాక్సిడెంట్లో గాయపడ్డాడని ప్రచారం జరిగింది. కానీ, రోడ్డు ప్రమాదం జరిగిన మాట వాస్తవం.. తృటిలో తప్పించుకున్న యువ హీరో.. అని తేలింది.
కాగా, రాజ్ తరుణ్కీ ఈ యాక్సిడెంట్కీ అసలు సంబంధం లేదని క్లారిటీ వచ్చింది. తరుణ్ వైపు నుంచి కూడా ఇదే తరహా స్పష్టత వచ్చింది. కానీ, అక్కడ రోడ్డు ప్రమాదం అయితే చోటు చేసుకుంది. కారు నెంబర్ కూడా స్పష్టంగా కన్పిస్తోంది. అది ఎవరి కారు.? యాక్సిడెంట్ ఎలా అయ్యింది.? అన్న విషయాలపై పోలీసులు విచారణ చేపట్టారు.
అర్థరాత్రి వేళ అతి వేగంతో ఔటర్ రింగ్ రోడ్డుపై దూసుకెళుతూ ఆ కారు రోడ్డు ప్రమాదానికి గురయ్యిందట. వాహనాన్ని నడుపుతున్న వ్యక్తి మద్యం మత్తులో వున్నాడంటూ తొలుత ఊహాగానాలు విన్పించాయి. సాధారణంగా ఇలాంటి ఘటనలు జరిగినప్పుడు, డ్రైవ్ చేసే వ్యక్తి తప్పించుకుపోవడం చూస్తుంటాం. ఇక్కడ కూడా అదే జరిగింది. సినీ నటుడి కారుకి ప్రమాదం అనగానే.. ఆ వార్తకి విపరీతమైన హైప్ ఏర్పడుతుంటుంది. ఇక్కడా అదే జరిగింది.
పైగా, ఇటీవలి కాలంలో వరుసగా రోడ్డు ప్రమాదాలు చోటు చేసుకుంటున్నాయి. నటీనటుల కార్లు ప్రమాదాలకు గురవుతున్నాయి. దాంతో, ఆయా వార్తలకు క్రేజ్ మాత్రమే కాదు, అభిమానుల్లోనూ ఆందోళన రేకెత్తుతుంటుంది. ఇటీవలి కాలంలో తరుణ్ అసలు సినిమాలు చేయడంలేదు. రాజ్ తరుణ్, సినిమాలు చేస్తున్నాడుగానీ.. మరీ అంత యాక్టివ్గా లేడు. ఈ యాక్సిడెంట్ వార్తలతో ఇద్దరి పేర్లూ మీడియాలో గట్టిగా విన్పిస్తున్నాయంతే. మొత్తమ్మీద, రాజ్ తరుణ్, తరుణ్.. ఇద్దరూ హ్యాపీ.. అంతకన్నా కావాల్సిందేముంది.?
462670 564638I visited a great deal of website but I conceive this 1 holds something extra in it in it 290720