సినిమా రివ్యూ : ఎవరు

నటీనటులు : అడవి శేష్, రెజినా, నవీన్ చంద్ర తదితరులు ..
రేటింగ్ : 3 / 5
సంగీతం : శ్రీచరణ్ పాకాల
ఎడిటింగ్ : గ్యారీ బి ఎచ్
కెమెరా : వంశీ పచ్చిపులుసు
దర్శకత్వం : వెంకట్ రామ్ జి
నిర్మతలు : పరమ్ వి పొట్లూరి, వి పొట్లూరి, కెవిన్ అన్నే

భిన్నమైన సినిమాలతో మంచి విజయాలు అందుకుంటూ దూసుకుపోతున్నాడు అడవి శేష్. తాజగా అయన చేసిన మరో ప్రయత్నమే ఎవరు. మర్డర్ మిస్టరీ నేపథ్యంలో తెరకెక్కిన ఈ సినిమాలో రెజినా హీరోయిన్ గా నటించింది. కొత్త దర్శకుడు వెంకట్ రామ్ జి తెరకేకించిన ఈ మర్డర్ మిస్టరీ ఈ రోజు విడుదలయింది. మరి ఆ మర్డర్ ని ఎవరు చేసారో, అసలు కథేమిటో అన్నది తెలియాలంటే కథలోకి వెళ్లాల్సిందే ..

కథ :

అశోక్ కృష్ణ ( నవీన్ చంద్ర ) మర్డర్ కేసులో సమీరా ( రెజినా ) అరెస్ట్ అవుతుంది. ఆ తరువాత జరిగిన ఆసక్తికర సంఘటనల అనంతరం ఈ కేసును డీల్ చేయడానికి వస్తాడు పోలీస్ అధికారి విక్రమ్ వాసుదేవ్ ( అడవి శేష్ ). రంగంలోకి దిగిన అయన ఈ కేసును ఛేదించే విషయంలో అనేక ఆసక్తికర విషయాలు బయటపడతాయి. కేసు క్లోజింగ్ సమయానికి సమీరా పై ఓ మిస్సింగ్ కేసు కూడా పడుతుంది. అసలు మిస్సింగ్ కేసుకు సమీరాకు ఉన్న సంబంధం ఏమిటి ? అసలు సమీరా ఎందుకు అశోక్ కృష్ణ ను చంపింది అన్నది మిగతా కథ.

నటీనటుల ప్రతిభ :

మర్డర్ మిస్టరి నేపథ్యంలో తెరకెక్కిన ఈ సినిమా పూర్తిగా సస్పెన్స్ థ్రిల్లర్ గా తెరకెక్కింది. ఆద్యంతం ఆసక్తికరంగా సాగిన ఈ సినిమాలో ఇన్వెస్టిగేషన్ అధికారిగా అడవి శేష్ మంచి మార్కులు కొట్టేసాడు. పాత్ర తాలూకు వేరియేషన్ చూపించి ఆకట్టుకున్నాడు. సమీరా పాత్రలో రెజినా బాగా చేసింది. నటనతో పాటు కొన్ని బోల్డ్ సీన్స్ తో మంచి మైలేజ్ ఇచ్చింది . ఓ మర్డర్ కేసు విషయంలో ముద్దాయిగా ఆమె నటన హైలెట్ గా నిలిచిందని చెప్పాలి. నవీన్ చంద్ర కూడా తనదైన పాత్రలో బాగా చేసాడు. అతని ఎమోషన్స్ బాగా ఆకట్టుకున్నాయి. ఇక మిగతా పాత్రల్లోని నటీనటులు వారి వారి పాత్రల మేరకు బాగానే చేసారు. క్రైం థ్రిల్లర్ నేపథ్యంలో మిస్సింగ్ అండ్ మర్డర్ మిస్టరీ గా తెరకెక్కిన ఈ సినిమా ఆద్యంతం ఆసక్తికరంగా సాగుతూ ప్రేక్షకులను బాగా ఆకట్టుకునేలా చేసింది. ముఖ్యంగా అడవి శేష్ .. పాత్ర ట్ తాలూకు భిన్నమైన షేడ్స్ ప్రత్యేక ఆకర్షణగా నిలిచాయి.

టెక్నీకల్ హైలెట్స్ :

టెక్నీకల్ విషయాలను పరిశీలిస్తే ఈ సినిమాకు ప్రధాన ఆకర్షణ ఫోటోగ్రఫి, వంశీ అందించిన కెమెరా హైలెట్ అని చెప్పాలి. కొన్ని సన్నివేశాల్లో కెమెరా పనితనం సూపర్. అలాగే శ్రీచరణ్ అందించిన సంగీతం, ఆర్ ఆర్ బాగా సెట్ అయింది. కథను నడిపించేందుకు ఆర్ ఆర్ బాగా తోడ్పడింది. ఎడిటింగ్ పరవాలేదు .. కొన్ని సన్నివేశాలు ఇంకాస్త ట్రిమ్ చేయాల్సింది. నిర్మాణ విలువలు బాగున్నాయి. ఇక దర్శకుడు వెంకట్ తీసుకున్న కథ, కథనాలు కొత్తవి కాకున్నప్పటికీ దాన్ని కొత్తగా నడిపించే ప్రయత్నం చేసాడు. అయితే సినిమా మొత్తం ఇన్వెస్టిగేటివ్ నేపథ్యంలో సీరియస్ గా సాగడం, కొన్ని సన్నివేశాలు కన్ఫ్యూజ్ చేస్తాయ్, ఇలాంటి కొన్ని అంశాలు బోర్ కొట్టిస్తాయి. పైగా చాలా సన్నివేశాల్లో డ్రామా ఎక్కువైంది. కావాలని సీన్స్ రాసుకున్నట్టుగా ఉన్నాయి తప్ప .. నాచురాలిటీ గా అనిపించవు. రెజినా గ్లామర్ కాస్త రిలీఫ్ ఇచ్చే అంశాలు.

విశ్లేషణ :

క్రైం నేపథ్యంలో థ్రిల్లర్ గా తెరకెక్కిన ఈ సినిమా సస్పెన్స్ అంశాలతో ఆసక్తికరంగా సాగింది. నవీన్ చంద్ర నటన, రెజినా గ్లామర్ హైలెట్ గా నిలిస్తే .. విక్రమ్ వాసుదేవ్ గా అడవి శేష్ నటన ప్రధాన ఆకర్షణగా నిలిచింది. దర్శకుడు రాసుకున్న కథ పాతదే అయినప్పటికీ దానికి సంబందించిన కథనం .. కొత్తగా సాగింది. కొన్ని సన్నివేహాలు బోర్ కొట్టించడం. మరి కొన్ని సన్నివేశాలు కావాలని పెట్టినట్టుగా ఉండడం లాంటివి బోర్ కొట్టే అంశాలు. మొత్తానికి ఎవరు అంటూ క్రైం నేపథ్యంలో తెరకెక్కిన ఈ సినిమా థ్రిల్లర్స్ ని ఇష్టపడే ప్రేక్షకులకు కచ్చితంగా నచ్చుతుంది.

ట్యాగ్ లైన్ : ఆకట్టుకునే థ్రిల్లర్ !