తెలుగుదేశం పార్టీకి ప్రస్తుతం టైం ఏమీ బాగోలేదు. తెలంగాణలో ఎప్పుడో చాప చుట్టేసిన ఆ పార్టీ.. ఏపీలోనూ దారుణ పరాజయం పాలైంది. ఇదే అదనుగా ఆ పార్టీని నిర్వీర్యం చేసి తాను పాగా వేయాలని బీజేపీ ప్రయత్నాలు చేస్తోంది. ఇలాంటి సమయంలో ఆచితూచి అడుగులు వేయాల్సిన టీడీపీ అధినేత బొక్కబోర్లా పడుతున్నారు. తనకు తానుగా ఇబ్బందికర వాతావరణం కొని తెచ్చుకుంటున్నారు. హైదరాబాద్ ను అభివృద్ధి చేసి తప్పు చేశానంటూ తాజాగా ఆయన చేసిన వ్యాఖ్యలో సొంత పార్టీలోనే కలకలం సృష్టిస్తున్నాయి.
ఇప్పటికే తెలంగాణలో పార్టీ దాదాపు కనిపించని స్థితికి చేరిపోగా.. చంద్రబాబు చేసిన వ్యాఖ్యలతో మరింత చేటు తప్పదనే ఆందోళన వ్యక్తమవుతోంది. అసలు చంద్రబాబు ఏ ఉద్దేశంతో ఈ వ్యాఖ్యలు చేశారో తెలియక వారు తలలు పట్టుకుంటున్నారు. ఇప్పటికే తెలంగాణ వ్యతిరేకిగా బాబుపై ముద్ర పడిపోయింది. తాజా వ్యాఖ్యలతో అది మరింత ఎక్కువవుతుందని, ఇక తెలంగాణలో పార్టీ కోలుకునే పరిస్థితి ఉండదని ఆందోళన చెందుతున్నారు. వాస్తవానికి చంద్రబాబు ఎక్కడకు వెళ్లినా హైదరాబాద్ ను తానే అభివృద్ధి చేశానని చెబుతుంటారు.
హైటెక్ సిటీ కట్టింది తానేనని, సైబరాబాద్ నిర్మించింది కూడా తానేనని, రింగు రోడ్డు, శంషాబాద్ విమానాశ్రయం కూడా తన ఘనతే అని క్రెడిట్ తీసుకుంటుంటారు. అలాంటిది హైదరాబాద్ ను అభివృద్ధి చేసి తప్పు చేశానంటూ తాజాగా వ్యాఖ్యానించడం రాజకీయ వర్గాల్లో ముఖ్యంగా తెలంగాణ టీడీపీ నేతల్లో కలకలం రేపింది. ఉమ్మడి రాష్ట్ర రాజధానిగా హైదరాబాద్ ఉన్నప్పుడు అభివృద్ధి మొత్తం అక్కడ కేంద్రీకృతమైంది. అందులో ఎలాంటి తప్పూ లేదు.
ఫలితంగా రెండు ప్రాంతాలకు చెందిన లక్షలాది మంది ప్రజలు అక్కడ నివసిస్తున్నారు. విభజన తర్వాత భౌగోళికంగా తెలంగాణలో ఉన్న హైదరాబాద్ కొత్త రాష్ట్రానికి రాజధాని అయింది. ఏపీకి అమరావతిని రాజధానిగా ఎంపిక చేశారు. ఈ నేపథ్యంలో తాను హైదరాబాద్ ను అభివృద్ధి చేసినందుకు పశ్చాత్తాపపడుతున్నానని చంద్రబాబు వంటి సీనియర్ నేతలు వ్యాఖ్యానించడం సరికాదని అంటున్నారు. అది తెలంగాణ ప్రజల మనోభావాలకు విరుద్దంగా మాట్లాడటమే అని పేర్కొంటున్నారు. తనకు, పార్టీకి నష్టం కలిగించే ఈ వ్యాఖ్యలపై బాబు ఎలాంటి వివరణ ఇస్తారో చూడాలి.
859963 225832so a lot amazing details on here, : D. 20717
630205 942425Hey, you used to write fantastic, but the last few posts have been kinda boringK I miss your great writings. Past few posts are just a bit out of track! come on! 905799
595065 695714Thank you for sharing with us, I conceive this web site truly stands out : D. 502500