ఒకప్పుడు బాలీవుడ్ ఫ్రాంచైజీ మూవీస్ కి పెట్టింది పేరు. ఇప్పుడు ఆ కల్చర్ మెల్లగా సౌత్ ఇండస్ట్రీకి పాకింది. ఏదైనా ఒక సినిమా సూపర్ హిట్ అయితే వెంటనే దాన్ని సీక్వెల్ పై నిర్ణయం తీసుకుంటున్నారు. ఈ మధ్యకాలంలో అయితే సినిమా ఎండ్ కార్డ్స్ లోనే సీక్వెల్ ఉంటుందని అనౌన్స్ చేసేస్తున్నారు. అయితే గతంలో సూపర్ హిట్ అయిన సినిమాలకి ఇప్పుడు సీక్వెల్స్ ప్లాన్ చేస్తున్నారు. సూపర్ స్టార్ రజినీకాంత్( Rajnikanth)- శంకర్( Shankar)కాంబినేషన్లో వచ్చిన ‘రోబో( Robo)’ ఎంతటి సెన్సేషనల్ హిట్ అయ్యిందో తెలిసిందే. ఆ హిట్ జోరులో ‘రోబో 2’ తెరకెక్కింది. ఇప్పుడు ఆ సినిమాకి మూడో పార్ట్ కూడా రానుందట.
‘రోబో 3’ కోసం శంకర్ కథ రెడీ చేసుకుంటున్నారని కోలీవుడ్ మీడియా చెబుతోంది. శంకర్ ప్రస్తుతం గ్లోబల్ స్టార్ రామ్ చరణ్( Ram Charan) తో ‘గేమ్ చేంజర్’ ని పూర్తి చేసే పనిలో ఉన్నారు. ఆ వెంటనే కమల్ హాసన్ తో ‘ఇండియన్-2’ కూడా పూర్తి చేయాల్సి ఉంది. ఈ రెండు ప్రాజెక్టుల తర్వాత ‘రోబో 3’ ఉంటుందట. దీనిపై అధికారిక ప్రకటన రావాల్సి ఉంది. రజిని ఇటీవలే ‘జైలర్’ తో హిట్ అందుకున్నారు. నెల్సన్ దిలీప్ కుమార్ దర్శకత్వం వహించిన ఈ సినిమా బాక్సాఫీస్ వద్ద రూ.650 కోట్లు వసూలు చేసింది.