సినిమాల్లో కొత్తదనం కోరుకునే ఆడియన్స్ కోసం ప్రత్యేకంగా రూపొందుతున్న చిత్రం అనంత. డిఫరెంట్ స్టోరీ లైన్ తీసుకొని గతంలో ఎప్పుడు చూడని కోణంలో కథను తెరపై ఆవిష్కరించబోతున్నారు డైరెక్టర్ మధు బాబు. సైంటిఫిక్ థ్రిల్లర్ గా అనంత అనే మూవీని రూపొందిస్తున్నారు. ఈ సినిమాలో ప్రశాంత్ కార్తీ హీరోగా నటిస్తున్నాడు. గతంలో రామ్ గోపాల్ వర్మ రూపొందించిన కొండా చిత్రంలో నక్సలైట్ నాయకుడు RK రోల్ పోషించి ఆకట్టుకున్న ప్రశాంత్ కార్తీ ఈ సినిమాతో మరో డిఫరెంట్ క్యారెక్టర్ తో ప్రేక్షకుల ముందుకు రాబోతున్నాడు.
ఈ చిత్రానికి మధు బాబు దర్శకత్వం వహిస్తుండగా A ప్రశాంత్ నిర్మాతగా వ్యవహరిస్తున్నారు. చిత్రంలో ప్రశాంత్ కార్తీ సరసన రిత్తిక చక్రవర్తి హీరోయిన్ గా నటిస్తోంది. అనీష్ కురువిళ్ళ, లయ సింప్సన్, శ్రీనివాస్ J గడ్డం, రమేష్.కే, అనిల్ కుమార్, కీర్తి ఇతర ముఖ్యపాత్రలు పోషిస్తున్నారు. ఘంటసాల విశ్వనాధ్ సంగీతం అందిస్తున్నారు.
ఇప్పటికే ఈ సినిమా టీజర్ రిలీజ్ చేసి ప్రేక్షకుల్లో ఆసక్తి పెంచిన యూనిట్.. తాజాగా అనంత ట్రైలర్ రిలీజ్ చేశారు. ఒక నిమిషం 46 సెకనుల నిడివితో కట్ చేసిన ఈ ట్రైలర్ లో ఆసక్తికర సన్నివేశాలు చూపిస్తూ సినిమా కథను రిఫ్లెక్ట్ చేశారు. మనిషి పుట్టిన మరు క్షణం నుంచే ఆ శరీరం మరణం వైపు ప్రయాణం చేస్తుంటుంది అనే డైలాగ్ సినిమా సోల్ ఏంటో తెలుపుతోంది. మనిషి ఆయుష్షు నేపథ్యంలో ఈ మూవీ కథ సాగుతుందని అర్థమవుతోంది. ఇన్వెస్టిగేషన్ తో పాటు థ్రిల్లింగ్ ఎలిమెంట్స్ టచ్ చేస్తూ ఈ ట్రైలర్ రిలీజ్ చేశారు. ఇదో డిఫరెంట్ కథ అని ట్రైలర్ ద్వారా తెలుస్తోంది.
సెన్సార్ పూర్తి చేసుకొని U సర్టిఫికెట్ పొందిన ఈ సినిమాను జూన్ 9వ తేదీన థియేటర్స్ లో రిలీజ్ చేస్తున్నారు.