శ్రీహాన్‌తో సిరి.! ఈ ముద్దుల గోలేంటి బిగ్ బాస్.!

అసలే బిగ్ బాస్ రియాల్టీ షో మీద ‘బ్రోతల్ హౌస్’ అనే విమర్శలు వచ్చాయి, వస్తూనే వున్నాయి. ఆ విమర్శలు అత్యంత జుగుప్సాకరమే అయినా, ఆ మచ్చని చెరిపేసుకునేందుకు ఏమాత్రం ప్రయత్నించడంలేదు బిగ్ బాస్ నిర్వాహకులు. మరీ, అంత దారుణమైన కామెంట్స్ బిగ్ బాస్ మీద చేయడం ఎంతవరకు సబబు.? అన్నది వేరే చర్చ.

అసలు విషయానికొస్తే, బిగ్ బాస్ రియాల్ట షో ఆరో సీజన్ తాజా ఎపిసోడ్‌లో హౌస్ మేట్స్‌ని కుటుంబ సభ్యులు, సన్నిహితులు కలిసే వ్యవహారాలు నడుస్తున్నాయి. కంటెస్టెంట్ శ్రీహాన్‌ని కలిసేందుకు అతని ప్రియురాలు సిరి వచ్చింది. తన వెంట, ఓ చిన్న బాబుని కూడా తీసుకొచ్చింది సిరి. పేరు చైతూ. ‘డాడీ..’ అంటూ శ్రీహాన్‌ని పిలిచాడు చైతూ. సిరిని ‘మమ్మీ’ అంటున్నాడు.

ఇంతకీ ఎవరా చైతూ.? సిరి మేనమామ కొడుకు అట. గత సీజన్‌లోనే ఈ విషయమై క్లారిటీ వచ్చేసింది. అప్పట్లో సిరి కంటెస్టెంట్‌గా వుండేది. ఆ సమయంలో సిరి, షన్నూతో నడిపిన ‘బిగ్ బాస్ రొమాన్స్’ పెను సంచలనం. కానీ, శ్రీహాన్ – సిరి మధ్య ప్రేమ తగ్గలేదు. శ్రీహాన్ కోసం అతని పేరుని తన మెడ మీద పచ్చబొట్టుగా వేయించుకుంది.

బ్లాక్ శారీలో సిరి ఏంజెల్‌లా వుందనడం అతిశయోక్తి కాదేమో. ఇక, శ్రీహాన్ – సిరి.. ఇద్దరూ మద్దుల కాంపిటీషన్ పెట్టుకున్నారు. ఎడాపెడా ముద్దుల్లో మునిగిపోయారు. మరోపక్క, బుడ్డోడు చైతూ, హౌస్‌లోని కంటెస్టెంట్లందర్నీ ఇమిటేట్ చేసి పడేశాడు.. బోల్డంత ఫన్ ఇచ్చాడు. బుడ్డోడేగానీ.. మమా గట్టోడు చైతూ.

కీర్తి భట్ కోసం ఆమె స్నేహితుడు మహేష్ వచ్చాడు. ఇద్దరి మధ్యా ‘మనోహరా..’ అంటూ సాగే సాంగ్ వేసుకున్నాడు బిగ్ బాస్. చాలా ఎమోషనల్ అయ్యింది కీర్తి భట్. ‘టైటిల్ గెలవాలి’ అంటూ మహేష్ ఆకాంక్షించాడు కీర్తిని ఉద్దేశించి. మరో కంటెస్టెంట్ ఇనాయాకి ఆమె తల్లి రాకతో పట్టరాని ఆనందం కలిగింది.

ఇవి కాక, యోగా టీచర్‌గా రేవంత్, ఫ్లర్టింగ్ టీచర్ శ్రీహాన్.. టాస్కులు చేశారు.. కంటెస్టెంట్లు ఓ మోస్తరుగా ఈ టాస్కుల్లో అలరించారు.