అభిమానులు తడుస్తున్నారని.. తానూ వర్షంలో తడిసిన మెగాస్టార్..

ఆసక్తి గా సాగుతోన్న గాడ్ ఫాదర్ ప్రీ రిలీస్ ఈవెంట్ లో చిరంజీవి మాట్లాడటానికి ముందు వర్షం ప్రారంభమైంది. వెంటనే చిరు ను మాట్లాడమని స్టేజి మీదకు పిలిచారు. చిరంజీవి మాట్లాడుతూ తను రాయలసీమ కు ఎప్పుడు వచ్చినా వర్షం వస్తుందని.. ఇంద్ర పాత్ర లోని పాటకు వరుణుడు ఎలా కరుణిస్తాడో అలానే నేను రాయలసీమ కు వచ్చినప్పుడు ఇలా జరగడం విజయానికి శుభ సూచకం అన్నారు.

గతం లో కూడా పులివెందుల వెళ్ళినపుడు, ఇంద్ర లో వర్షం సాంగ్ పూర్తి అయ్యాక కూడా ఇలానే వర్షం కురిసిందని గుర్తు చేసుకున్నారు. ఇంత వర్షం వచ్చినా ఎవ్వరూ కదలకుండా ఉండటం మీ ప్రేమ ని తెలియజేస్తుంది అని ఫాన్స్ ని ఉద్దేశించి అన్నారు.. మెగాస్టార్ తడవకుండా వెంట ఉన్న బృందం గొడుగు పడుతున్నా కూడా.. అందరూ తడుస్తూ తనకు అలా చేయటం వద్దంటూ చిరు అనునయించటం.. మెగాస్టార్ నిజమైన వ్యక్తిత్వాన్ని తెలియజేస్తుంది..

తన ప్రసంగానికి ముందు.. మహేష్ బాబు మాతృమూర్తి దివంగత ఇందిరాదేవి గారికి నివాళులు అర్పించారు. అంతేకాదు నాగార్జున నటించిన ఘోస్ట్ సినిమా, గణేష్ నటించిన స్వాతిముత్యం సినిమా కూడా విజయం సాధించాలని చెప్పి తన గొప్ప మానసు చాటుకున్నారు చిరు.

తాను గాడ్ ఫాదర్ లో నటించినప్పటికీ .. ఏ గాడ్ ఫాదర్ లేకుండా నేను ఈ స్థాయికి రావటానికి నాకు అండగా ఉన్న నా ప్రతీ అభిమాని నాకు గాడ్ ఫాదరే , ఇది నా మనసు అంతరాల లో నుంచి వచ్చిన మాట అని తన అభిమానులకు కృతజ్ఞత తెలియ జేశారు..

తర్వాత వర్షం లో తడుస్తూనే తన ప్రసంగాన్ని కొనసాగించి.. అందర్నీ ఆశ్చర్య పరిచారు మెగాస్టార్…