బిగ్ బాస్ తెలుగు: నేహా చౌదరిని ఎందుకు బయటకు పంపేశారంటే.?

బిగ్ హౌస్‌లో టాలెంటెడ్ పీపుల్ ఎక్కువ రోజులు వుండలేరు. నేహా చౌదరిని బయటకు పంపేయడంతో ఆ విషయం ఇంకోసారి స్పష్టమైపోయింది. నిజానికి, నేహా చౌదరి ఈ వారం బయటకు వెళ్ళిపోతుందని.. ముందే అంతా ఊహించారు. ముందే, అంటే చాలా రోజుల ముందే.! షో ప్రారంభమయిన వెంటనే ఈ విషయమై లీకేలు బయటకు వచ్చాయి. అనుకున్నదే జరిగింది.

అస్సలేమాత్రం నేహా చౌదరి హౌస్‌లో ‘వర్క్’ చేయడంలేదు.? ‘ఆట’ ఆడటంలేదు.. అనడం ఎంతవరకు సబబు.? ఛాన్సే లేదు. పోనీ, ఓట్లు ఆమెకు తక్కువగా వచ్చాయా.? అంటే, అంతకన్నా చాలా తక్కువ ఓట్లు వచ్చిన కంటెస్టెంట్లూ వుంటారు. నేహా చౌదరి కాస్త పాపులారిటీ వున్న టెలివిజన్ సెలబ్రిటీ.

క్రికెట్ సంబంధిత కార్యక్రమాల్లో కనిపిస్తుంటుంది. బుల్లితెరపైనా యాంకర్‌గా గతంలో సందడి చేసింది.. తరచూ బుల్లితెరపై ఏదో ఒక ప్రోగ్రామ్‌లో కనిపిస్తూనే వుంటుంది నేహా చౌదరి. గ్లామరుంది, ముందే చెప్పుకున్నట్లు మల్టిపుల్ టాస్క్‌లు చేయగల టాలెంటెడ్ కంటెస్టెంట్ నేహా చౌదరి.

ప్రస్తుతం క్రికెట్ సీజన్ నడుస్తోంది. క్రికెట్ పట్ల ఆమె అవగాహన ఎక్కువ. బిగ్ బాస్ హౌస్‌లో వుంటే ఏమొస్తుంది.? శుద్ధ దండగ వ్యవహారం. ఆ మధ్య బిగ్ బాస్ విన్నర్ వీజే సన్నీ కూడా ఇదే మాట చెప్పాడు. సో, హౌస్‌లో వుండటం కంటే, బయటకు వచ్చేయడమే మంచిదన్న నిర్ణయానికి వచ్చి వుండాలి నేహా చౌదరి.. అక్కడి వాతావరణాన్ని స్వయంగా చూశాక.

తనంతట తానుగా నేహా చౌదరి బయటకు వచ్చేసి వుండొచ్చని కొందరు, ముందే అగ్రిమెంట్ చేసుకున్న ప్రకారం రైట్ టైమ్‌లో ఆమె ఎవిక్ట్ అయ్యిందని ఇంకొందరు అభిప్రాయపడుతున్నారు. నాగార్జునతోనూ నేహా చౌదరికి సన్నిహిత సంబంధాలున్నాయట. అలా, ఆ కోటాలో హౌస్‌లోకి ఎంట్రీ ఇచ్చి, తనక్కావాల్సిన టైమ్‌లో ఆమ ఎగ్జిట్ అయ్యిందట. అదీ అసలు సంగతి.. అని ప్రచారం జరుగుతోంది.