మాస్‌ మసాలా డైరెక్టర్స్‌కి కేరాఫ్‌ అడ్రస్‌ పూరీ జగన్నాధ్‌. ఆయన సినిమాల్లో హీరోయిన్లు ఎంత హాటో ప్రత్యేకంగా చెప్పక్కర్లేదు. ఆ మాటికొస్తే, సీనియర్‌ డైరెక్టర్‌ రాఘవేంద్రరావుగారు హీరోయిన్స్‌ నడుం మీద రకరకాల పండ్లను ఆటలాడించి, వారి అందాల్ని అందంగా చూపిస్తే, ఆ పండ్ల గోలేం లేకుండానే మన జగన్ సార్‌.. అదేనండీ పూరీ జగన్ గారు అంతకంటే అందంగా గ్లామరస్‌గా చూపిస్తారు హీరోయిన్స్‌ని.
ఇక హీరోల సంగతి చెప్పనే అక్కర్లేదు. పక్కా లోకల్‌. మాస్‌.. ఊరమాస్‌.. అంతే. అక్కడున్నది మహేష్‌ అయినా, రామ్‌ అయినా ఆ మాటికొస్తే కొత్త హీరో అయినా సరే, పూరీ హీరో అంటే ఆ కిక్కే వేరప్పా అనే లెక్కల్లో తమని తాము మౌల్డ్‌ చేసేసుకోవాల్సిందే. సరే ఈ ఇన్‌ఫో అంతా బాగానే ఉంది కానీ, ఆయన తాజాగా తెరకెక్కిస్తున్న చిత్రం తెలుసు కదా.. ‘ఇస్మార్ట్‌ శంకర్‌’. హీరో తీరు అదే మాస్‌ ఊరమాస్‌ కా బాప్‌.. ఇక హీరోయిన్స్‌ ఒక్కరు కాదు, ఇద్దర్ని సెలెక్ట్‌ చేసుకున్నారు మన జగన్ గారు.
మనిసన్నాక కూసింత కళాపోసణ ఉండాలి కదా.. అని అప్పుడెప్పుడో చెప్పిన ఆ పెద్దాయన మాటను ఈయన బాగా ఫాలో అయిపోతుంటారు. అందుకే కథ డిమాండ్‌ చేసిందా.. ఇక అంతే రెచ్చిపోయి ఇద్దరేంటి.. ముగ్గురినైనా హీరోయిన్స్‌గా ఇరికించేయగల సత్తా ఉన్న డైరెక్టర్‌ ఈయన. ఇక మన ఇస్మార్ట్‌ గాళ్స్‌ విషయానికి వచ్చేద్దాం. నిధి అగర్వాల్‌, నభా నటేష్‌ ఈ ఇద్దరే ఈ సినిమాలో ఇస్మార్ట్‌ గాళ్స్‌. ఈ ఇస్మార్ట్‌ గాళ్స్‌తో మన ఇస్మార్ట్‌ శంకర్‌ చేస్తున్న రొమాంటిక్‌ హంగామా మామూలుగా లేదండోయ్‌. రిలీజ్‌ చేస్తున్న ఒక్కో పోస్టర్‌ పిచ్చెక్కించేస్తోంది.
ఇద్దరు హీరోయిన్స్‌తో శంకర్‌ ఆ కెమిస్ట్రీ ఏంటీ.? పాపులర్‌ శృంగార మూవీ (కామసూత్ర)ని తలపించేలా ఆ భంగిమలేంటీ.? అంటూ చర్చలు మొదలెట్టేశారు జనం. నిధి అగర్వాల్‌ హాట్‌నెస్‌కి కొద్దో గొప్పో ఆడియన్స్‌ అలవాటు పడ్డారు. కానీ, ఆ రెండో భామ ఉందే నభా నటేష్‌ ఆమె గ్లామర్‌ మాత్రం కూసింత కొత్తగానే కనిపిస్తోందండోయ్‌. ఎందుకంటే ఆమె తొలి సినిమా ‘నన్ను దోచుకుందువటే’లో చాలా పద్థతిగా కనిపించింది మరి. ఈ సినిమా కోసం పూర్తిగా పద్ధతి వదిలేసి, పూరీ హీరోయిన్‌గా మారిపోయింది చూశారూ.. ఆ మేకోవర్‌ మెచ్చుకోవాల్సిందే.
ఏది ఏమైతేనేం, మొత్తానికి ‘ఇస్మార్ట్‌ శంకర్‌’ ఇస్మార్ట్‌ గ్లామర్‌ గురించి ఎంత చెప్పుకున్నా తక్కువే అనిపించేలా ఉంది ఇప్పటికైతే. ఇక పూర్తిగా మాట్లాడుకోవాలంటే సినిమా చూడాల్సిందే. ఇంతకీ ఈ సినిమా రిలీజ్‌ డేట్‌ ఎప్పుడో ఐడియా ఉంది కదా.. జూలై 18. వాస్తవానికి జూలై 12 నే విడుదల కావాల్సి ఉంది. కానీ, వరల్డ్‌ కప్‌ దెబ్బకి మన ఇస్మార్ట్‌ శంకర్‌ కాస్త ముందు చూపు వహించి కాస్త వెనక్కి జరగడంతో, లేటైనా లేటెస్ట్ రొమాన్స్‌తో జూలై 18న ప్రేక్షకుల ముందుకొచ్చేస్తున్నాడన్నమాట.
291286 962617This design is incredible! You certainly know how to keep a reader amused. Between your wit and your videos, I was almost moved to start my own weblog (properly, almostHaHa!) Wonderful job. I truly loved what you had to say, and more than that, how you presented it. Too cool! 665772
151521 163267When I came more than to this post I can only appear at part of it, is this my net browser or the internet web site? Really should I reboot? 311535
554400 936371Respect to internet site author , some very good selective details . 573275