‘స్టే’ తెచ్చుకునేవి పందులైతే, ‘బెయిల్’ తెచ్చుకునేవి ఏంటి.?

‘స్టే’ తెచ్చుకుంటే పందులట.! అలాగని వైసీపీ ఎంపీ (రాజ్యసభ) విజయసాయిరెడ్డి సెలవిచ్చారు. ఔనా, మరి, ‘బెయిల్’ మీదున్నవాళ్ళని ఏమనాలి.? అంటూ, తెలుగుదేశం పార్టీకి చెందిన నెటిజన్ల నుంచి ప్రశ్నలు ఎదురవుతున్నాయి.

రాజకీయ నాయకులు ‘స్టే’ తెచ్చుకోవడం అనేది చాలా చాలా సర్వసాధారణమైన విషయం. న్యాయస్థానాలు ‘స్టే’ ఎందుకు విధిస్తాయి.? అన్నది చాలా చాలా పెద్ద సబ్జెక్ట్. రాజకీయాల్లో యాక్టివ్‌గా వున్న విజయసాయిరెడ్డి అది తెలియకుండా వుంటుందా.?

అక్రమాస్తుల కేసులో ఏ2 నిందితుడిగా ఆరోపణలు ఎదుర్కొంటున్న విజయసాయిరెడ్డి, ఆ కేసులో ఇప్పటికీ బెయిల్ మీదనే వున్నారు.
ఆయనకేమీ క్లీన్ చిట్ లభించలేదు. కేసులు ఎందుకు ‘సాగతీతకు’ గురవుతాయ్.? న్యాయస్థానాల్లో ‘స్టే’ ఎలా దొరుకుతుంది.? ‘బెయిల్’ ఎలా సంపాదించుకోవచ్చు.? ఇవన్నీ విజయసాయిరెడ్డి కంటే బాగా ఎవరికి తెలుస్తాయ్.?

సో, ‘స్టే’ తెచ్చుకున్నవాళ్ళని ‘పందులు’ అనడం సబబు కాదు. అలా అనాల్సి వస్తే, అంతకన్నా దారుణమైన విమర్శలు విజయ సాయిరెడ్డితో పాటు, వైఎస్ జగన్ మోహన్ రెడ్డి కూడా ఎదుర్కోవాల్సి వస్తుంది.

అదేంటోగానీ, విజయసాయిరెడ్డి ఇలాంటి విషయాల్లో చేసే ప్రతి ట్వీట్, ఆయనకన్నా గట్టిగా, వైఎస్ జగన్ మోహన్ రెడ్డికి తగిలేస్తుంటుంది. ఈ క్రమంలో విజయసాయిరెడ్డి అసలు టార్గెట్ ప్రతిసారీ మిస్ అవుతుండడం విశేషమే మరి.!

‘పులులెప్పుడూ పందులతో పోటీ పడవు. అర్థరాత్రి కోర్టు స్టేలు తెచ్చుకోవు. బీసీలపై కక్ష సాధింపంటూ ఆకరందనలు చేయవు. గంజాయి పాత్రుడూ.. దానకర్ణుడినంటావ్.. 2 సెంట్లు కూడా వదలక కబ్జా చేశావ్.. నీ బతుకే గంజాయి.. అది పీల్చి పీల్చి పిచ్చెక్కి వాగుతూ పోలీసులు వస్తే నక్కలా నక్కుతున్నావ్..’ అంటూ ట్వీటేశారు విజయసాయిరెడ్డి.

‘భోగాపురం రిసార్టులో భోగం మేళాలు పెట్టుకుని, అశ్లీల నృత్యాలు చేసే పావుగుండు పాత్రుడికి సిగ్గూ ఎగూ లేదు.. పెగ్గుంటే చాలు.. గంజాయి తాగి వాగడం, మహిళలతో తిట్టించుకోవడం ఈ నర్సీపట్నం నక్కకి అలవాటే..’ అని విజయసాయిరెడ్డి ఇంకో ట్వీటేశారు.

విజయసాయిరెడ్డి టైమ్ లైన్ (ట్విట్టర్)లో చెక్ చేస్తే, ఎవరు తిట్టించుకుంటున్నారో, ఎవర్ని తిట్టిస్తున్నారో అర్థమవుతుంది. అసలు, రాజకీయంగా ఖేల్ ఖతం అయిపోయిన అయ్యన్నపాత్రుడికి జాకీలేసే పని విజయసాయిరెడ్డి ఎందుకు తీసుకున్నారో.? రాత్రికి రాత్రి అయ్యనను తన విమర్శలతో హీరోని చేసిన విజయసాయిరెడ్డికి, టీడీపీ నుంచి లభిస్తున్న లాభమేంటో మరి.? అన్నది నెటిజనం వ్యక్తం చేస్తున్న అనుమానం.