ప్రముఖ తమిళ సినీ నటుడు ‘దళపతి’ విజయ్, హైద్రాబాద్లో తెలంగాణ ముఖ్యమంత్రి కల్వకుంట్ల చంద్రశేఖర్ రావుతో సమావేశమయ్యారు. ఓ సినీ నటుడు, ఓ ముఖ్యమంత్రిని కలవడంలో వింతేముంది.? అంటే, ఆయన తమిళ నటుడు.. తెలంగాణ రాష్ట్ర ముఖ్యమంత్రిని కలిశాడు.! అదీ ఆసక్తికరమైన చర్చకు కారణమైన వ్యవహారం.
తమిళ నటుడు విజయ్ – తమిళనాడు బీజేపీ మధ్య చాలా కాలంగా యాగీ జరుగుతోంది. విజయ్ ఏ మతస్తుడు అన్నదానిపై తమిళనాడు బీజేపీ చేసే యాగీ అంతా ఇంతా కాదు. విజయ్ ప్రత్యక్ష రాజకీయాల్లోకి రాలేదు. విజయ్ ఏ రాజకీయ పార్టీకీ అనుకూలంగా మాట్లాడిందీ లేదు. కానీ, రాజకీయాల్లోకి ఆయన్ని లాగడమే కాదు, తీవ్రస్థాయి విమర్శలు విజయ్ మీద బీజేపీ చేస్తుంటుంది.
విజయ్ రాజకీయాల్లోకి రాబోతున్నాడంటూ ఆయన తండ్రి అడపా దడపా ప్రకటనలు చేస్తుంటాడు, ఆ ప్రకటల్ని విజయ్ ఖండిస్తుంటాడు కూడా.
ఈ నేపథ్యంలో, జాతీయ స్థాయిలో కొత్త రాజకీయ ప్రత్యామ్నాయ రాజకీయ శక్తి గురించి ఆలోచన చేస్తున్న తెలంగాణ ముఖ్యమంత్రి కేసీయార్, స్వయంగా విజయ్ని పిలిపించుకుని మాట్లాడారనే ప్రచారం జరుగుతుండడం గమనార్హం. ప్రస్తుత రాజకీయాలపై విజయ్తో కేసీయార్ చర్చించారంటూ పుకార్లు షికార్లు చేస్తున్నాయి.
విజయ్ తరఫున ఈ వ్యవహారంపై అధికారిక స్పందన రాలేదుగానీ, విజయ్ సన్నిహితులు మాత్రం.. సినిమా వ్యవహారాలపైనే విజయ్, కేసీయార్ని మర్యాదపూరక్వకంగా కలిశారని చెబుతున్నారట. బీజేపీకి వ్యతిరేకంగా డీఎంకే అధినేత స్టాలిన్తో కేసీయార్ జత కట్టిన సంగతి తెలిసిందే. తమిళనాడుకి వెళ్ళి స్టాలిన్తో కేసీయార్ గతంలో మంతనాలు కూడా జరిపారు.
మరిప్పుడు, విజయ్ సంగతేంటి.? విజయ్ కొత్త రాజకీయ పార్టీ పెడతారనే సమాచారం ఏమైనా కేసీయార్ వద్ద వుందా.? ‘మర్యాద పూర్వక భేటీ మాత్రమే.. ఎలాంటి రాజకీయాల్లేవు..’ అని అటు విజయ్ తరఫున, ఇటు కేసీయార్ తరఫున ప్రకటన వచ్చినా, ‘మహానుభావులు ఊరకనే కలవరు..’ అన్న చందాన, ఖచ్చితంగా పొలిటికల్ మేటర్ అయితే వుండి వుండాలి ఈ కలయిక వెనుక.
842169 255210I gotta bookmark this website it seems very beneficial . 943399