జనసేన ‘పవర్’ పంచ్: బెయిల్ మీదున్న జైల్ రెడ్డి.!

నాలుగు విమర్శలు చేయడం, నలభై నాలుగు విమర్శల్ని ఎదుర్కోవడం.. ఇదేదో దేశాన్ని ఉద్ధరించేసే పనిగా పెట్టుకున్నట్టునారు ఆంధ్రప్రదేశ్ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి. లేకపోతే, సీపీఎస్ రద్దు చేస్తానని ఎన్నికల ముందర మాటిచ్చి, ఎన్నికలయ్యాక మాట తప్పిన వైఎస్ జగన్.. కేంద్రం మెడలు వంచి ప్రత్యేక హోదా సాధిస్తానని చెప్పిన వైఎస్ జగన్.. అవన్నీ మానేసి, ‘చంద్రబాబుకి దత్త పుత్రుడు పవన్ కళ్యాణ్..’ అంటూ పద్ధతీ పాడూ లేని ‘లేకి’ విమర్శలు ఎందుకు.?

సరే, రాజకీయాల్లో విమర్శలు సహజమే కావొచ్చు.! 2024 ఎన్నికల్లో ఓడిపోబోతున్నామనే ఆందోళన వైఎస్ జగన్ మోహన్ రెడ్డికి వుండొచ్చు. అంతమాత్రాన, అధికారిక కార్యక్రమాల్లో ప్రజల ముందు అర్థం పర్థం లేని విమర్శలు చేస్తే ఎలా.? దత్త పుత్రుడు రైతుల విషయంలో మొసలి కన్నీరు కార్చుతున్నారనీ, పట్టాదారు పాసుపుస్తకం వున్న ఒక్క రైతుకి సంంబంధించి కూడా చనిపోయాడని చూపలేకపోతున్నారనీ ముఖ్యమంత్రి వైఎస్ జగన్ ఎద్దేవా చేయడాన్ని జనసేన తీవ్రంగా ఖండించింది.

జనసేన కీలక నేతల్లో ఒకరైన బొలిశెట్టి సత్య అయితే, ఏకంగా ‘నువ్వు బెయిల్ మీదున్న జైల్ రెడ్డివి..’ అంటూ తీవ్రస్థాయిలో మండిపడ్డారు. ‘నువ్వెవడివి చంద్రబాబుతో పవన్ కళ్యాణ్‌ని జతకట్టడానికి.? చంద్రబాబునీ, ఆయన కుమారుడు లోకేష్‌నీ జైలుకు పంపకుండా కాపాడుతున్నది నువ్వు.. మీరంతా తోడు దొంగలు..’ అంటూ తీవ్రస్థాయిలో విరుచుకుపడ్డారు.

‘రాజన్న చెత్తపుత్రుడు.. చంచల్‌గూడా జైలు పుత్రుడు..’ అంటూ మొదలు పెట్టిన బొలిశెట్టి సత్య, తన విమర్శల ప్రవాహాన్ని కొనసాగించారు. ‘కౌలు రైతులకు గుర్తింపు కార్డులు ఇవ్వాల్సింది ప్రభుత్వమే. గుర్తింపు కార్డులు లేకపోతే అసలు వాళ్ళు రైతులే కాదా.? ఇదెక్కడి పంచాయితీ.? అంటూ బొలిశెట్టి మండిపడ్డారు. సీపీఎస్ రద్దు సహా అనేక అంశాలపై రాష్ట్ర ప్రజలకు అబద్ధాలు చెప్పి అధికారంలోకి వచ్చిన వైఎస్ జగన్ మోహన్ రెడ్డికి పవన్ కళ్యాణ్‌ని విమర్శించే నైతిక అర్హత లేదన్నారాయన.

‘అయిపోయింది, మీ పనైపోయింది ఏ1 సహా ఏ2, ఏ3 అందరూ హ్యపీగా జైలుకెళ్ళే రోజు దగ్గరలోనే వుంది’ అంటూ బొలిశెట్టి సెటైర్లు వేయడం కొసమెరుపు.