ఎన్టీఆర్, రామ్ చరణ్ ల జోడీ కుదిరింది.. అదిరింది..

ఆర్ఆర్ఆర్ సినిమా రిలీజ్ అయ్యి నాలుగైదు రోజులు అవుతున్నా.. అభిమానులతో పాటు.. యావత్ సినీ ప్రేక్షకులు ఇప్పటివరకూ ఆర్ ఆర్ ఆర్ మానియా లో నే ఉంటూ.. ఈ సినిమా గురించే ముచ్చటించుకుంటున్నారని చెప్పటం ఏమాత్రం అతిశయోక్తి కాదు.. రాజమౌళి అందర్నీ మంత్రముగ్దుల్ని చేసాడు.. ముఖ్యంగా రెండు తెలుగు రాష్ట్రాల్లో ఈ సినిమా రిలీజ్ ఆయిన రోజు నుంచి.. ఓ పండగ వాతావరణం నెలకొంది.

దానికి ముఖ్య కారణం రాజమౌళి కెప్టెన్సీ తో పాటు.. సల సల కాగే నెత్తురులా.. నటన లో విజ్రంభిస్తూ దూసుకెళ్తున్న రెండు నవ యువ కెరటాలు.. ఎన్టీఆర్, రామ్ చరణ్ లు..

వీరి జోడీ నటన ప్రేక్షకులకు కన్నుల పంట అయింది.. వీరిద్దరి అభినయం.. నభూతో నభవిష్యతి లా ఉండి.. అభిమానులతో పాటు సగటు ప్రేక్షకులు, విమర్శకుల చేత కూడా సెహబాష్ అనిపించుకున్నారు ఇద్దరూ.

మల్టీ స్టారర్ సినిమాల లోనే మారాజు సినిమా గా ఆర్ ఆర్ ఆర్ ను చెప్పవచ్చు..

వీరిద్దరి పాత్రలు అంతలా పండటానికి కారణం.. ఇద్దరి మధ్య ఉన్న స్నేహాభావం అని.. రాజమౌళి చాలా వేదికలపై చెప్పాడు.. యువకులు అవ్వడం, స్నేహబంధం ఉండడంతో ఈ సినిమాను వారిద్దరూ ఎక్కడికో తీసుకెళ్లారు. సినిమా పరంగానే కాకుండా వ్యక్తిగతం గానూ మంచి స్నేహితులు వీరు..

తెలుగు సినిమా రంగంలో స్టార్ హీరోల మధ్య స్నేహ సంబంధాలు ఎలా ఉండాలో వీరిద్దరూ చూపించారు. అదీ అభిమానులు వేరు వేరుగా చూసే రెండు పెద్ద కుటుంబాలకు వారసులుగా..

కాబట్టి అభిమానులూ.. ఇద్దరూ నటన పరంగా ఇరగదీసి మీకు సంతోషాన్ని అందించారు..వారిద్దరి మైత్రి, ఆదర్శ నీయంగా, వారి జోడి నటన కన్నుల పండువగా ఉంది.. అభిమానులు కూడా అదే బాటలో పయనిస్తారు కదూ…