ఖిలాడి మూవీ రివ్యూ

క్రాక్ తో హిట్ అందుకుని ఫామ్ లోకి వచ్చిన రవితేజ ఆ తర్వాత వరసగా చిత్రాలను లైన్లో పెట్టిన విషయం తెల్సిందే. ఖిలాడీ గతేడాదే విడుదల కావాల్సి ఉన్నా కరోనా కారణంగా వాయిదా పడి, ఈరోజు విడుదలైంది. రమేష్ వర్మ డైరెక్ట్ చేసిన ఈ చిత్రం ఎలా ఉందో చూద్దాం.

కథ:

పది వేల కోట్ల డబ్బు మిస్ అయిన కేసులో భాగంగా సీబీఐ అధికారి అర్జున్ భరద్వాజ (అర్జున్), మోహన్ గాంధీ (రవితేజ)ను టార్గెట్ చేస్తుంటాడు. అసలు సీబీఐ గాంధీ వెనకాల ఎందుకు పడుతుంది? గాంధీకి ఆ పది వేల కోట్ల రూపాయలకు ఉన్న సంబంధం ఏంటి? మనీ లాండరింగ్ లో గాంధీ హస్తం ఉందా? తదితర విషయాలకు సమాధానాలు పెద్ద తెరపై దొరుకుతాయి.

పెర్ఫార్మన్స్:

రవితేజ ఈ చిత్రానికి కచ్చితంగా మేజర్ ప్లస్ పాయింట్ అని చెప్పాలి. ఎప్పటిలానే తన ఎనర్జిటిక్ పెర్ఫార్మన్స్, టిపికల్ డైలాగ్ డెలివరీతో రవితేజ మాస్ ప్రేక్షకులను ఉర్రూతలూగిస్తాడు. ముఖ్యంగా యాక్షన్ సన్నివేశాల్లో రవితేజ పెర్ఫార్మన్స్ సూపర్బ్.

సీబీఐ అధికారిగా అర్జున్ కు ప్రాధాన్యమున్న పాత్ర దక్కింది. రవితేజ, అర్జున్ మధ్య సన్నివేశాలు ఆడియన్స్ ను మెప్పిస్తాయి. అనసూయకు కేవలం గ్లామర్ షో కు మాత్రమే పరిమితమైంది. మురళి శర్మ, వెన్నెల కిషోర్ వంటి టాలెంటెడ్ నటులు ఉన్నా కానీ వారిని సరిగా ఉపయోగించుకోలేదు అనిపిస్తుంది.

ఇక హీరోయిన్లు మీనాక్షి చౌదరి, డింపుల్ హయతి కూడా స్కిన్ షో కు మాత్రమే పరిమితమయ్యారు. వారి పాత్రలకు తీరూ తెన్నూ లేదు.

సాంకేతిక నిపుణులు:

దర్శకుడు రమేష్ వర్మ టేకింగ్ పూర్తిగా గాడి తప్పింది. సంగీత దర్శకుడు దేవి శ్రీ ప్రసాద్ అవుట్ పుట్, అవుట్ డేటడ్ గా అనిపిస్తుంది. టైటిల్ సాంగ్ ఒక్కటి పక్కన పెడితే ఇక మరేదీ కూడా ఆకట్టుకోదు. బ్యాక్ గ్రౌండ్ మ్యూజిక్ కూడా అదే విధంగా రొటీన్ గా సాగింది.

సినిమాటోగ్రఫీ మాత్రం టాప్ స్థాయిలో అనిపిస్తుంది. సినిమా అంతా కూడా రిచ్ టెక్స్చర్ కనిపిస్తుంది. ఎడిటింగ్ అంత ఆకట్టుకోదు. నిర్మాణ విలువలు బాగున్నాయి. సినిమా స్థాయికి మించి ఖర్చు చేసారు అనిపిస్తుంది.

పాజిటివ్ పాయింట్స్:

• రవితేజ
• హీరోయిన్స్ గ్లామర్

నెగటివ్ పాయింట్స్:

• దర్శకుడు
• స్క్రీన్ ప్లే
• మ్యూజిక్

విశ్లేషణ:

థ్రిల్లర్ అని చెప్పుకునే ఖిలాడీ థ్రిల్లింగ్ ఎలిమెంట్స్ కాదు కదా ఎంటర్టైనింగ్ ఎపిసోడ్స్ కూడా లేవు. సినిమా రేసిగా సాగుతుంది కానీ ఒక్క సీన్ లో కూడా లాజిక్ అన్నది కనిపించదు. మొత్తంగా చూసుకుంటే ఖిలాడీ కచ్చితంగా నిరుత్సాహపరుస్తుంది.

తెలుగు బులెటిన్ రేటింగ్: 1.5/5