సామాన్యుడు మూవీ రివ్యూ

హీరో విశాల్ నటించిన కొత్త చిత్రం సామాన్యుడు ఈరోజు ప్రేక్షకుల ముందుకు వచ్చింది. మరి ఈ చిత్రం ఎలా ఉందో చూద్దామా.

కథ:

ఈ సినిమా ప్రధానంగా మిడిల్ క్లాస్ జనాల మీద కేంద్రీకరించబడింది. పోలీస్ కాబోతోన్న పోరస్ (విశాల్) తన చెల్లెలి మరణం వెనుకాల ఉన్న మిస్టరీని చేధించే ప్రయత్నం మొదలుపెడతాడు. ఇందులో భాగంగా నీలకంఠం అనే బిజినెస్ మ్యాన్ తో పోరస్ ఎదురుపడాల్సి వస్తుంది.

అసలు ఈ నీలకంఠం ఎవరు? పోరస్ చెల్లెలి హత్యతో నీలకంఠంకు ఉన్న సంబంధం ఏంటి?

నటీనటులు:

విశాల్ తన పరిణితిని మరోసారి ఈ చిత్రం ద్వారా చూపించాడు. ఎమోషనల్ సీన్స్ లో విశాల్ నటన చాలా బాగుంది. ఇక యాక్షన్ పార్ట్ లో విశాల్ రియలిస్టిక్ అప్రోచ్ తో అదరకొట్టాడు. ముఖ్యంగా సెకండ్ హాఫ్ లో వచ్చే యాక్షన్ సీన్స్ చాలా బాగా డిజైన్ చేసారని చెప్పాలి.

స్క్రీన్ టైమ్ పరంగా డింపుల్ హయతికు ప్రాధాన్యమున్న పాత్ర దక్కింది. అయితే ఆమె పాత్రను సరిగా డిజైన్ చేయలేదనిపిస్తుంది. హీరో పక్కనే ఉండే పాత్రలో యోగి బాబు కామెడీ బాగుంది. ఫస్ట్ హాఫ్ లో తన పాత్ర రిలీఫ్ గా అనిపిస్తుంది. హీరో తల్లిగా తులసి పర్వాలేదు. నెగటివ్ పాత్రలో నటించిన సిరివెన్నెల సీతారామశాస్త్రి కొడుకు రాజా బాగానే చేసాడు. ఇక నీలకంఠంగా నటించిన వ్యక్తి కూడా బాగా చేసాడు.

సాంకేతిక వర్గం:

తు. ప. శరవణన్ ఈ చిత్రాన్ని డైరెక్ట్ చేసాడు. కామన్ మిడిల్ క్లాస్ జనాల కష్టాలు చూపించాలన్న దర్శకుడి ఆలోచనను మెచ్చుకోవచ్చు. అయితే చిత్రాన్ని ఎంగేజింగ్ గా చెప్పడంలో దర్శకుడు పూర్తిగా విఫలమయ్యాడు. రెగ్యులర్ టెంప్లేట్ మోడ్ లోకి వెళ్లిపోవడం కూడా చిత్రాన్ని దెబ్బతీసింది.

యువన్ శంకర్ రాజా సంగీతం బాగుంది. కెవిన్ రాజ్ ఛాయాగ్రహణం ఇంప్రెసివ్ గా ఉంది. శ్రీకాంత్ ఎడిటింగ్ ఇంకాస్త బెటర్ గా ఉండాల్సింది. విశాల్ సొంత సినిమా కాబట్టి నిర్మాణ విలువలకు ఢోకా లేదు.

పాజిటివ్ పాయింట్స్:

• విశాల్
• సెకండ్ హాఫ్ లో వచ్చే యాక్షన్ ఎపిసోడ్స్

నెగటివ్ పాయింట్స్:

• రొటీన్ స్టోరీ
• రొటీన్ స్క్రీన్ ప్లే

చివరిగా:

మొత్తంగా, సామాన్యుడు ఒక రెగ్యులర్ యాక్షన్ డ్రామా, అయితే సరైన ప్రెజంటేషన్, టైట్ స్క్రీన్ ప్లే ఉండుంటే చిత్ర తీరు వేరేగా ఉండుండేది. విశాల్ నటన ఒక్కటే ప్రధాన ప్లస్ పాయింట్ గా ఉన్న ఈ చిత్రం రొటీన్ ట్రీట్మెంట్ కారణంగా దెబ్బతింది.

రేటింగ్ 1.5/5