కీర్తి సురేష్ ప్రధాన పాత్రలో రూపొందించిన గుడ్ లక్ సఖి పలు మార్లు వాయిదా పడి ఎట్టకేలకు ఈరోజు విడుదలైంది. నగేష్ కుకునూర్ డైరెక్ట్ చేసిన ఈ చిత్రం ఎలా ఉందో ఇప్పుడు చూద్దాం.
కథ:
రిటైర్డ్ కల్నల్ (జగపతి బాబు) అనంతపురం జిల్లాలో దేశం కోసం షార్ప్ షూటర్లను సిద్ధం చేయాలనుకుంటాడు. ఈ ప్రాసెస్ లో భాగంగా సఖి (కీర్తి సురేష్) అనే అమ్మాయిని చూస్తాడు. ఏదైనా వస్తువుపై తన ఫోకస్, టార్గెట్ చూసి ఆశ్చర్యపోతాడు. తనకు ట్రైనింగ్ ఇస్తే కచ్చితంగా దేశానికి గర్వకారణంగా నిలుస్తుందని భావిస్తాడు.
అయితే సఖిని ట్రైన్ చేసే క్రమంలో కల్నల్ ఎదుర్కొన్న కష్టాలు ఎలాంటివి? సఖి చివరికి విజయం సాధించి కల్నల్ కు, తన ఊరికి, దేశానికి గర్వకారణంగా నిలుస్తుందా?
నటీనటులు:
మారుమూల పల్లెటూరి పిల్లగా కీర్తి సురేష్ సరిగ్గా సరిపోయింది. ఆమె రూపం, వస్త్రధారణ, డైలాగ్ డెలివరీ అన్నీ కూడా ఈ రోల్ కు పెర్ఫెక్ట్ గా సూట్ అయ్యాయి. స్వతహాగా మంచి నటి అయిన కీర్తి సురేష్ పెర్ఫార్మన్స్ ఓరియెంటెడ్ రోల్ కావడంతో సినిమా మొత్తాన్ని తన భుజాలపై మోసింది.
కోచ్ గా జగపతి బాబు బాగా చేసాడు. తన మోటివేషనల్ స్పీచ్ లు చిత్రంలో సరిగ్గా కుదిరాయి. ఇక ఆదికి స్క్రీన్ ప్రెజన్స్ పరంగా చిన్న పాత్రే అనిచెప్పుకోవాలి. అయితే కీర్తి సురేష్ తో తన కెమిస్ట్రీ నిజంగా బాగా వర్కౌట్ అయింది. నెగటివ్ షేడ్స్ ఉన్న పాత్రలో రాహుల్ రామకృష్ణ బాగానే చేసాడు. బిగ్ బాస్ ఫేమ్ శ్వేతా వర్మ క్యామియో పాత్రలో కనిపించింది.
సాంకేతిక వర్గం:
మహిళా సాధికారిత కాన్సెప్ట్ ను తన చిత్రం ద్వారా చూపించి ఇన్స్పైర్ చేయాలన్న దర్శకుడు నగేష్ కుకునూర్ ఆలోచన బాగుంది. అయితే రైటింగ్ వద్దే గుడ్ లక్ సఖి గాడి తప్పింది. పెద్దగా ఎలాంటి మలుపులు లేకుండా ప్లైన్ గా సాగిపోతుంది ఈ చిత్రం. ఇక ఎగ్జిక్యూషన్ పరంగా సరైన హై మూమెంట్స్ అన్నవే లేవు.
దేవి శ్రీ ప్రసాద్ మ్యూజిక్ బాగుంది. కొన్ని సిట్యువేషనల్ సాంగ్స్ మెప్పిస్తాయి. అలాగే తన బ్యాక్ గ్రౌండ్ స్కోర్ కూడా డీసెంట్ గా సాగింది. చిరంతన్ దాస్ అందించిన సినిమాటోగ్రఫీ ప్రామాణికంగా సాగింది. శ్రీకర్ ప్రసాద్ ఎడిటింగ్ పర్వాలేదు. సౌండ్ మిక్సింగ్ సరిగా లేదు. కొన్ని డైలాగ్స్ క్లారిటీ లేవు. లిమిటెడ్ బడ్జెట్ లో తెరకెక్కిన ఈ గుడ్ లక్ సఖి నిర్మాణ విలువలు బాగానే ఉన్నాయ్.
పాజిటివ్ పాయింట్స్:
- కీర్తి సురేష్
- నిడివి
నెగటివ్ పాయింట్స్:
- స్క్రీన్ ప్లే
- గ్రిప్పింగ్ ప్రెజెంటేషన్ లేకపోవడం
చివరిగా:
షార్ప్ షూటింగ్ నేపథ్యంలో సాగే విలేజ్ ఓరియెంటెడ్ రూరల్ డ్రామా గుడ్ లక్ సఖి. కీర్తి సురేష్, జగపతి బాబు, ఆది పినిశెట్టి వంటి వారు మంచి పెర్ఫార్మన్స్ లతో ఆకట్టుకున్నా నరేషన్ లో మలుపులు లేకపోవడం, సరైన కాన్ఫ్లిక్ట్ పాయింట్ లేకపోవడం చిత్ర ఫ్లో ను దెబ్బ తీశాయి. దీంతో గుడ్ లక్ సఖి బిలో యావరేజ్ డ్రామాగా మారింది.
తెలుగు బులెటిన్ రేటింగ్: 2/5
892846 337336Genuinely fighter messages are supposed to amuse offer praise into the groom and bride. Initial time audio system watching over the top places need to also remember you see, the senior guideline of the speaking, which is your certain person. greatest man speeches brother 288325