అతిథి దేవో భవ రివ్యూ: రొటీన్ డ్రామా

హీరోగా పూర్తిగా క్రేజ్ కోల్పోయిన ఆది సాయికుమార్ నటించిన అతిథి దేవో భవ ఈరోజు ప్రేక్షకుల. పొలిమేర నాగేశ్వర్ రావు ఈ చిత్రాన్ని డైరెక్ట్ చేసాడు. మరి ఈ చిత్రంతోనైనా ఆది సక్సెస్ అందుకుంటాడేమో చూడాలి.

కథ:

అభయ్ (ఆది సాయికుమార్) కు మోనోఫోబియా సిండ్రోమ్ అనే వింత జబ్బు ఉంటుంది. తను వైష్ణవి (నువేక్ష)ను ప్రేమిస్తాడు. అయితే కథలో ట్విస్ట్ మాత్రం అజయ్ (ఆదర్శ్ బాలకృష్ణ) వల్ల వస్తుంది. అభయ్ తన ఫ్లాట్ లో వైష్ణవితో ఉండగా అభయ్ ను అదుపులోకి తీసుకుంటాడు.

ఎందుకు అజయ్, అభయ్ ను అరెస్ట్ చేసాడు? మనోఫోబియా సిండ్రోమ్ అనేది అభయ్ కు ప్లస్ అయిందా? మైనస్ అయిందా? అనేవి సినిమాను ముందుకు తీసుకెళ్ళాయి.

నటీనటులు:

మోనోఫోబియా సిండ్రోమ్ తో ఇబ్బంది పడుతోన్న యువకుడిగా ఆది నటన డీసెంట్ గా సాగింది. ఎమోషనల్ సీన్స్ లో కూడా ఆది బాగా చేసాడు. హీరోయిన్ గా చేసిన నువేక్ష చూడటానికి క్యూట్ గా ఉంది. తన పాత్రను కూడా చక్కగా పోషించింది. ఆదితో తన కెమిస్ట్రీ కూడా బాగుంది. ఇది రొమాంటిక్ సీన్స్ లో ఉపయోగపడింది.

హీరో తల్లిగా నటించిన రోహిణి తనకు అలవాటైన పాత్రలో ఈజీగా చేసుకెళ్ళిపోయింది. సప్తగిరి, ఆదర్శ్ బాలకృష్ణ, అదుర్స్ రఘు తన పాత్రలను బాగానే పోషించారు.

సాంకేతిక నిపుణులు:

మోనోఫోబియా సిండ్రోమ్ చుట్టూ కథను నడిపించాలన్న పొలిమేర నాగేశ్వర్ రావు ఐడియాను మెచ్చుకోవచ్చు. దాన్ని ప్రేమ కథతో ముడిపెట్టిన విధానం కూడా చక్కగా కుదిరింది. అయితే సీన్ ఆర్డర్ ను సరిగ్గా రాసుకోవడంలో దర్శకుడు పూర్తిగా విఫలమయ్యాడు. తన ప్రెజంటేషన్ లో ఇంపాక్ట్ మిస్ అయింది. దాని వల్ల కథలో రావాల్సినంత డెప్త్ రాలేదు.

శేఖర్ చంద్ర ఆడియో పరంగా పూర్తిగా న్యాయం చేసాడు. బ్యాక్ గ్రౌండ్ స్కోర్ కూడా డీసెంట్ గా సాగింది. అమర్ నాధ్ బొమ్మిరెడ్డి సినిమాటోగ్రఫీ వర్క్ ఓకే. ఆయన రిచ్ ఫ్రేమింగ్, సెటప్ అన్నీ కూడా చక్కగా కుదిరాయి. కార్తీక్ శ్రీనివాస్ ఎడిటింగ్ కూడా పర్వాలేదు. నిర్మాణ విలువలు బడ్జెట్ కు తగ్గట్లుగా ఉన్నాయి.

పాజిటివ్ పాయింట్స్:

• లీడ్ పెయిర్ మధ్యన కెమిస్ట్రీ

నెగటివ్ పాయింట్స్:

• సరైన డిటైలింగ్ లేకపోవడం
• అతుకుల బొంత స్క్రీన్ ప్లే

విశ్లేషణ:

మొత్తంగా చూసుకుంటే అతిథి దేవో భవ ఒక రెగ్యులర్ రొమాంటిక్ డ్రామా. ఆది, నువేక్ష తమ తమ పాత్రలకు న్యాయం చేసినా కానీ స్క్రీన్ ప్లే ఎంగేజింగ్ గా లేకపోవడం మూలంగా సినిమాపై ఉన్న ఇంప్రెషన్ అంతా పోతుంది. అసలు సినిమాలో సరైన కాన్ఫ్లిక్ట్ పాయింట్ అన్నదే లేకపోవడం మేజర్ మైనస్.

రేటింగ్: 1.5/5