ప్రతీ ఏడాదీ భారీ సినిమాలతో పాటు చిన్న చిత్రాలు కూడా ప్రేక్షకుల దృష్టిని ఆకర్షిస్తూ ఉంటాయి. ఈ నేపథ్యంలో 2023లో బాగా నడిచిన చిన్న చిత్రాలు ఏంటో ఒకసారి చూద్దాం. 2023 ఫిబ్రవరి సుహాస్ నటించిన రైటర్ పద్మభూషణ్ విడుదలైంది. ఆ సినిమా మంచి విజయాన్నే అందుకుంది. ఇక మార్చ్ లో బలగం సెన్సేషన్ సృష్టించింది. కమెడియన్ వేణు ఇలాంటి సినిమా తీస్తాడని ఎవరూ ఊహించలేదు.
జూన్ లో వచ్చిన సామజవరగమనా డీసెంట్ హిట్ అనిపించుకుంటే, జులై లో బేబీ కల్ట్ విజయాన్ని సొంతం చేసుకుంది. చిన్న సినిమాల్లో అతి భారీ విజయాన్ని సాధించింది. యూత్ ను ఎక్కువగా ఆకర్షించింది ఈ చిత్రం. ఇక అక్టోబర్ లో వచ్చిన ఫన్ చిత్రం మ్యాడ్, భారీ విజయాన్ని సొంతం చేసుకుంది. యూత్ ఫుల్ కాలేజీ ఎంటర్టైనర్ గా ఈ చిత్రం ఆ వర్గానికి బాగా ఎక్కేసింది.
ఇక నవంబర్ లో తరుణ్ భాస్కర్ చిత్రం కీడా కోలా వెరైటీ కామెడీని ఇష్టపడే వాళ్లకు డీసెంట్ చిత్రం అనిపించుకుంది. ఇక పొలిమేర 2 సంచలన విజయాన్ని అందుకుంది. అలాగే మంగళవారం, కోటబొమ్మాళి కూడా ఓ మాదిరిగా ఆడాయి.