ఒకేరోజు పది సినిమాలు విడుదలవుతున్నాయి అంటే వాటి పరిస్థితి ఎలా ఉంటుందో అర్ధం చేసుకోవచ్చు. అవును ఈరోజు ఏకంగా పది సినిమాలు విడుదలవుతున్నాయి. ఇప్పటికీ యానిమల్ డీసెంట్ గానే పెర్ఫర్మ్ చేస్తోంది. దానికి తోడు నాని హై నాన్న క్లాస్ సెంటర్స్ లో మంచి వసూళ్లనే రాబడుతోంది. ఇక మరో వారంలో ప్రశాంత్ నీల్ – ప్రభాస్ ల సలార్ వస్తోంది. ఇన్ని సినిమాల మధ్య ఈరోజు ఏకంగా 10 సినిమాలు విడుదల కావడం విడ్డూరమే.
అయితే వీటిలో కేవలం రెండే సినిమాలు కొద్దో గొప్పో పేరు తెచ్చుకున్నాయి. హారర్ జోనర్ కు చెందిన పిండం, పూర్తిస్థాయి ఎంటర్టైనర్ గా జోరుగా హుషారుగా ప్రమోషన్స్ పరంగా గుర్తింపు తెచ్చుకున్నాయి. ఇక ఆలంబన, దళారి, కలశ, తికమక తండ, శంతల, సఖి, చే లాంగ్ లివ్, మాయలో కూడా బాక్స్ ఆఫీస్ వద్ద పోటీ పడుతున్నాయి.
ఇన్ని సినిమాలు విడుదల అవుతున్నా ఇవి బాక్స్ ఆఫీస్ వద్ద ఏ మేరకు ప్రభావం చూపుతాయి అన్నది సందేహమే!