కడప జిల్లా బద్వేలు అసెంబ్లీ నియోజకవర్గ ఉప ఎన్నికకు సంబంధించి పోటీ వైసీపీ – బీజేపీ మధ్యనే వుండబోతోంది. కాంగ్రెస్ పార్టీ నుంచి అభ్యర్థి నిలబడినా, ఏపీలో కాంగ్రెస్ పార్టీకి అంత సీన్ లేదు. నిజానికి, కాంగ్రెస్ – బీజేపీలది ఒకటే పరిస్థితి. కానీ, కేంద్రంలో అధికారంలో వున్న బీజేపీ, ఏపీలో అధికార పార్టీని నిలదీసే సత్తా తమకు మాత్రమే వుందని హడావిడి చేస్తోంది.
తిరుపతి ఉప ఎన్నికలో చేతులు కాల్చుకున్న బీజేపీ, ఇప్పుడు బద్వేలు ఉప ఎన్నికలో ఏం చేయబోతోంది.? టీడీపీ రేసులో లేకపోవడంతో వైసీపీని ధీటుగా ఎదుర్కోవాల్సిన బాధ్యత మొత్తం బీజేపీ మీద పడింది. గల్లీలో ఫైట్లు.. ఢిల్లీలో హగ్గులు.. అన్న విమర్శలు బీజేపీ, వైసీపీ మీద వున్నాయి. ఆ వ్యవహారంపై బద్వేలు ఉప ఎన్నికతో పూర్తి క్లారిటీ వచ్చేయబోతోంది.
తిరుపతి ఉప ఎన్నికలో వైసీపీ ఆగడాల్ని ఎండగట్టే క్రమంలో బీజేపీ ఒకింత బాగానే కష్టపడినా, పోటీలో వైసీపీని ధీగుగా ఎదుర్కొన్న టీడీపీ అంటే బీజేపీకి పడదు గనుక.. అక్కడ త్రిముఖ పోటీలో బీజేపీ కొంతవరకు వైసీపీకే సహకరించిందన్న ఆరోపణలు లేకపోలేదు.
అందుకేనేమో, బద్వేలు ఉప ఎన్నికకు జనసేన వ్యూహాత్మకంగా దూరమైంది. బద్వేలు ఉప ఎన్నిక వరకు బీజేపీకి జనసేన సహకరించే అవకాశం కూడా కన్పించడంలేదు. ఈ నేపథ్యంలో బీజేపీ ఒంటరిగా, తన సత్తా ఏంటో బద్వేలు ఉప ఎన్నికలో చూపించాల్సిందే. కానీ, బీజేపీకి అంత సీన్ లేదు.
ఈ దెబ్బతో ఏపీలో బీజేపీ వాయిస్ సైలెంటయిపోవడం ఖాయం. 2024 ఎన్నికలకు ముందు జనసేన వేసిన ఈ వ్యూహాత్మక అడుగు బీజేపీతో జనసేన బంధాన్ని తెగతెంపులు చేస్తుందా.? లేదంటే, బీజేపీ తన ఉనికిని చాటుకునే క్రమంలో వైసీపీకి చెప్పుకోదగ్గ స్థాయిలో పోటీ ఇచ్చి, సార్వత్రిక ఎన్నికల నాటికి జనసేనతో కలిసి బలమైన శక్తిగా ఎదుగేందుకు మార్గం సుగమం చేసుకుంటుందా.? వేచి చూడాలిక.
809254 314903amazing post. Neer knew this, regards for letting me know. 305036