రాజకీయం నుంచి అవినీతిని విడదీయగలమా.? అదసలు జరిగే ప్రసక్తే కాదు. తన తండ్రి అధికారాన్ని అడ్డంపెట్టుకుని లక్షల కోట్లు దోచేశాడంటూ.. ఆరోపణలు ఎదుర్కొంటున్న వైఎస్ జగన్ మోహన్రెడ్డి పరిపాలనలో అవినీతి వుండదంటే నమ్మేదెలా.? వైఎస్ జగన్ మాత్రం, తాను నీతివంతమైన పాలన అందిస్తానంటున్నారు.. అవినీతికి అసలు ఆస్కారమే వుండని పాలన అందించి తీరతానని శపథం చేస్తున్నారు.
అయినా, ఏ రాజకీయ పార్టీ అయినా తాము అవినీతిని పెంచి పోషిస్తామని చెబుతుందా.? ఛాన్సే లేదు. తెరవెనుకాల చెయ్యాల్సిన పనులు చేసేస్తూ, పైకి మాత్రం.. జనాన్ని మభ్యపెట్టేందుకు ఏవేవో చెబుతుంటారన్నమాట. సో, వైఎస్ జగన్ మోహన్ రెడ్డి విషయంలోనూ ఇందుకు భిన్నంగా జరుగుతుందని ఏమాత్రం అనుకోవడానికి వీల్లేదు. వైఎస్సార్ కాంగ్రెస్ పార్టీ అధికారంలోకి వచ్చిన అతి కొద్ది రోజుల్లోనే ఓ సీనియర్ మంత్రిగారి మీద అవినీతి ఆరోపణలు షురూ అయ్యాయి. పీఏ పేరు చెప్పి ఓ రేంజ్లో వెనకేసుకుంటున్నారట సదరు మంత్రి. పీఏని కలెక్షన్ సెంటర్గా మార్చేసిన వైనం గురించి సొంత పార్టీలోనే ఆసక్తికరమైన చర్చ జరుగుతోంది.
ఈ విషయం ముఖ్యమంత్రి వైఎస్ జగన్ దృష్టికి కూడా వెళ్ళడంతో ఒకటికి రెండుసార్లు మందలించారట కూడా. ఆ మాటకొస్తే, పలువురు మంత్రుల విషయంలో ఇలాంటి ఆరోపణలు రావడంతో.. మంత్రి వర్గం కొలువుదీరిన పది పదిహేను రోజుల్లోనే, ‘పీఏల విషయంలో జాగ్రత్తగా వుండాలి..’ అంటూ ‘ఉమ్మడి హెచ్చరిక’ జారీ చేశారట వైఎస్ జగన్. కానీ, పరిస్థితిలో ఏమాత్రం మార్పు రాలేదట. దాంతో, ఏ అవినీతి మరక అయితే అంటకూడదని వైఎస్ జగన్ అనుకుంటున్నారో.. ఆ మరక ఆల్రెడీ అంటేసిందంటూ వైసీపీ వర్గాల్లోనే చర్చ జరుగుతోంది.
‘అవినీతికి వ్యతిరేకంగా మాట్లాడటం తేలిక.. అవినీతి మరక అంటుకోకుండా వుండడం చాలా కష్టం..’ అన్నది అందరూ చెప్పే మాట. ఇసుక దందాలు అప్పుడే తారాస్థాయికి చేరి ఎంపీ – ఎమ్మెల్యే మధ్య రచ్చకు దారి తీశాయి. తాజాగా, గ్రామ వాలంటీర్ల ఎంపికలోనూ అధికార పార్టీ నేతల మధ్యనే ‘పంపకాల తేడాలు’ వచ్చాయంటూ గుసగుసలు విన్పిస్తున్నాయి. వైసీపీ కార్యకర్తలకు తప్ప, ఇంకెవరికీ ఆ పోస్టులు దక్కడంలేదని ఆల్రెడీ విమర్శలు వెల్లువెత్తుతున్న విషయం విదితమే. అధికార పార్టీకి చెందిన కార్యకర్తలైతేనేం.. వారూ చేతి చమురు వదిలించుకుంటే తప్పద.. ఉద్యోగాలొచ్చే పరిస్థితి లేదట. అంటే, వైసీపీ ఫ్యానుకి ‘అవినీతి’ గాలి ఎక్కువేనన్నమాట.
198381 99535A person essentially support to make seriously articles I would state. This is the initial time I frequented your site page and thus far? I surprised with the research you created to make this particular publish incredible. Fantastic job! 456801
675130 491941This will probably be a terrific blog, would you be interested in doing an interview about just how you developed it? If so e-mail me! 429544
78500 315187Just wanna input on couple of general things, The web site style is perfect, the articles is extremely fantastic : D. 891518