ఇదీ సంగతి.! ఏపీలో ఉద్యోగులు బలిసి కొట్టుకుంటున్నారు.!

ఎవరన్నా ప్రశ్నిస్తే చాలు.. సిగ్గూ ఎగ్గూ లేకుండా విరుచుకుపడిపోతోంది బులుగు బ్యాచ్.! మరీ ఇంత దారుణమా.? తప్పదు మరి, తీసుకుంటున్న కూలీకి సరిగ్గా పని చేయాలి కదా.? ఇక్కడ కూలీ తీసుకుంటున్నది వైసీపీ పేటీఎం కార్యకర్తలే కాదు, బులుగు మీడియా కూడా.!

ప్రభుత్వ ప్రకటనల రూపంలోనో, ఇంకో రూపంలో బులుగు మీడియాకి కాసుల పంట పండుతోంది. పేటీఎం కార్యకర్తలకు ఏమాత్రం తీసిపోకుండా వైసీపీ అను‘కుల’ మీడియాలో బులుగు కార్యకర్తలు కష్టపడుతున్నారన్నది ప్రముఖంగా వినిపిస్తోన్న వాదన.

ఇదంతా సోషల్ మీడియాలో జరుగుతున్న ‘చర్చ’ తాలూకు సారాంశమే సుమీ. లేకపోతే, ఉద్యోగులు బలిసి కొట్టుకోవడమేంటి.?

‘మా వేతనాల్ని సకాలంలో చెల్లించండి..’ అని ప్రభుత్వానికి ఉద్యోగులు మొరపెట్టుకుంటే అది నేరమట.! ఉద్యోగుల విధి విధానాలపైనా చట్టాలు చేయాలంటూ బులుగు మీడియా ఓ వెకిలి రాత రాసింది. దురదృష్టమేంటంటే, మీడియాని అని చెప్పుకుని ఏడవడమే తప్ప, కాస్తంత కూడా పరిజ్ఞానం అక్కడ బులుగు కార్మికులకు వుండదు.

ఉద్యోగులు నియామకాలు చట్టబద్ధమే.! ఆయా చట్టాలకు లోబడి ఉద్యోగులు విధులు నిర్వహిస్తారు. ఇది కూడా తెలియకుండా, ఉద్యోగుల విధులు, విధానాల గురించి కూడా చట్టం చేయాలంటూ వెకిలి రాతలు రాయాలనడమేంటి.?

అధికారంలో వున్నవారు.. ఏ రూపంలో వేతనం తీసుకున్నాసరే.. వారికి కదా.. కొత్త చట్టాలు రూపొందించాల్సింది. ప్రభుత్వ ఖజానా నుంచి వేతనం తీసుకుంటున్న రాజకీయ నాయకులెవరూ రాజకీయాలు మాట్లాడకూడదనే చట్టం చేయాలి. అప్పుడు కదా, రాజకీయ నాయకుల.. అందునా.. పాలకుల తిక్క కుదిరేది.?

జనం సొమ్ముతో అమలు చేసే సంక్షేమ పథకాలకు సొంత పేర్లు పెట్టుకోకూడదనే చట్టాలు చెయ్యాలి. ఇలాంటి చర్చ జరిగితే.. ఇదీ పాత్రికేయం అన్నట్టు. అది మానేసి, నిస్సిగ్గుగా పాత్రికేయ వ్యభిచారం చేస్తున్నారు బులుగు కార్మికులు.. జర్నలిజం ముసుగులో.

దానికి తోడు సోషల్ మీడియాలో పేటీఎం కార్యకర్తలు ఉద్యోగుల్ని ఉద్దేశించి ‘బలిసి కొట్టుకుంటున్నారు’ అంటూ దిగజారుడు వ్యాఖ్యలు చేస్తున్నారు. పేటీఎం సొమ్ములు తిని బలిసి కొట్టుకోవడం వల్లే.. ఇలాంటి వెకిలితనం వస్తోందంటూ ఉద్యోగస్తులు మండిపడుతున్నారు.