దేశంలో నాలుగు భాషలు తెలిసిన ముఖ్యమంత్రి వైఎస్ జగన్ మోహన్ రెడ్డి మాత్రమేనట. అందుకే, ఆయన ప్రధాని అయ్యేందుకు అవకాశాలు ఎక్కువగా వున్నాయనీ, ఖచ్చితంగా వైఎస్ జగన్ ప్రధాని అవుతారనీ వైసీపీ నేతలు కొందరు ఆశాభావం వ్యక్తం చేస్తున్నారు. తప్పేమీ లేదు.. దేశంలో ఎవరైనా ముఖ్యమంత్రి అవ్వొచ్చు.. ప్రధాన మంత్రీ అవ్వొచ్చు. కానీ, నాలుగు భాషలు తెలిసిన ముఖ్యమంత్రి.. అనేది ప్రధాన మంత్రి అవడానికి ఓ క్వాలిఫికేషన్ అవుతుందా.? అలాగని నమ్ముతున్నోళ్ళని అసలు రాజకీయ నాయకులనగలమా.? నవ్విపోదురుగాక మనకేటి సిగ్గు.? అన్నట్టు తయారైంది వ్యవహారం.
పీవీ నరసింహారావుకి చాలా భాషలు వచ్చు. ఆ మాటకొస్తే, చాలా మంది రాజకీయ నాయకులకు చాలా భాషలు వచ్చి వుంటాయి. మాతృభాషకి అదనంగా హిందీ, ఇంగ్లీషు భాషలు వచ్చిన రాజకీయ నాయకులు దేశంలో లెక్కలేనంతమంది వున్నారు. ముఖ్యమంత్రి పదవుల్లో వున్నవారికి మరికొన్ని అదనపు భాషలు తెలిసే అవకాశం వుంటుంది. ఆ మాటకొస్తే, దేశంలో వివిధ ప్రాంతాల్లో వ్యాపారాలు నిర్వహిస్తుంటారు గనుక.. అందుకు అనుగుణంగా ఎక్కువ భాషలు నేర్చుకునే రాజకీయ నాయకులు ఎంతోమంది వుంటారు. ఒక్క భాష కూడా రాకపోయినా, రాజకీయాల్లో రాణించొచ్చు.
ఫలానా భాష మాట్లాడితేనే రాజకీయాల్లో ఓ పదవి వస్తుందని ఎవరైనా భావిస్తే.. అంతకన్నా దారుణమైన విషయం ఇంకోటుండదు. ఎలాగైనా, ముఖ్యమంత్రి వైఎస్ జగన్ మోహన్ రెడ్డి దృష్టిలో పడాలన్న దుగ్దతో స్వామి భక్తిని కాస్త ఎక్కువ ప్రదర్శించే కొందరు నాయకులు.. ఇలా డబ్బా కొట్టడం మామూలే. అలాంటివాళ్ళని నిజానికి, ముఖ్యమంత్రి స్థాయి వ్యక్తులు ఎంటర్‌టైన్ చేసే పరిస్థితీ వుండదు. ‘ఇంత సిల్లీగా ఎలా మాట్లాడగలుగుతున్నారు.?’ అని ఆయా నేతలపై అధినేతలు గుస్సా అవడమే కాదు, వారి అమాయకత్వానికి చింతిస్తుంటారు కూడా.
ఆంధ్రప్రదేశ్ రాజకీయాల్లో వైఎస్ జగన్ చక్రం తిప్పుతున్నారు. తెలంగాణలో తన చెల్లెలు షర్మిల ద్వారా రాజకీయంగా పై చేయి సాధించేందుకు ప్రయత్నిస్తున్నారు. ఈ లెక్కన రెండు తెలుగు రాష్ట్రాల్లోనూ వైఎస్ జగన్ హవా ముందు ముందు వుండొచ్చుగాక. తన స్థాయిని పెంచుకుంటూ వెళితే వైఎస్ జగన్, ప్రధాన మంత్రి అవుతారేమో. కానీ, నాలుగు భాషలొస్తే ప్రధాని అవుతారనేంత నిల్ నాలెడ్జ్ నాయకుల్ని పార్టీలో ప్రోత్సహిస్తే మాత్రం.. వైఎస్ జగన్ తన స్థాయిని మరింత తగ్గించుకోవాల్సి వస్తుంది.
అన్నట్టు, వైఎస్ జగన్ మాట్లాడే తెలుగుకి ఎన్ని వంకర్లు వుంటున్నాయో చూస్తున్నాం. ప్రతిపక్ష నేతగా వున్నప్పుడెప్పుడూ ఆయన మాటల్లో పెద్దగా పొరపాట్లు రాలేదు. కానీ, ముఖ్యమంత్రి అయ్యాక.. ఎప్పుడు ఏది మాట్లాడినా ఓ మాట.. అంతకు మించిన మాటలు ఆయన్ని నవ్వులపాల్జేస్తున్నాయి.
668809 186389replica watches are remarkable reproduction of original authentic swiss luxury time pieces. 908508
783613 247386Its difficult to get knowledgeable folks with this topic, but the truth is could be seen as do you know what youre referring to! Thanks 903147
941827 747024Im so pleased to read this. This is the type of manual that needs to be given and not the accidental misinformation thats at the other blogs. Appreciate your sharing this greatest doc. 997639