ఏదో సినిమా థియేటర్లో ఆకతాయిలెవరో సీట్లు పగలగొడితే.. దాన్ని జనసేన పార్టీకి ఆపాదించింది బులుగు పార్టీ.! డీ-మార్ట్ స్టోర్‌లో జరిగిన ఆకతాయి పనికి కూడా జనసేన పార్టీని వివాదంలోకి లాగింది బులుగు పార్టీ.! వైఎస్సార్ కాంగ్రెస్ పార్టీ చేసే బులుగు రాజకీయాలు ఇలాగే వుంటాయ్.
మరి, వైసీపీ నేత కుమారుడొకడు.. పోలీస్ స్టేషన్‌కి వెళ్ళి మహిళా కానిస్టేబుల్ మీద దాడి చేస్తే.. దాన్ని వైసీపీకి ఆపాదించాలా.? వద్దా.? కోటిరెడ్డి అనే వ్యక్తి వైసీపీ వార్డు మెంబర్ కొడుకు. వైసీపీ నేత కదా, ఆ మాత్రం కండకావరం వుంటుంది. ఆ కండ కావరంతోనే పోలీస్ స్టేషన్‌కి వెళ్ళి మహిళా కానిస్టేబుల్ మీద దురుసుగా ప్రవర్తించాడు. ఉద్యోగం పోతుందేమోనని ఆలోచించలేదు ఆ మహిళా కానిస్టేబుల్. ఓ మహిళగా తన ఆత్మగౌరవాన్ని కాపాడుకుంది. తన మీదకు దూసుకొచ్చిన కోటిరెడ్డికి చెంప ఛెళ్ళుమనిపించింది. ఈ క్రమంలో కోటిరెడ్డి ఎన్ని బెదిరింపులకు దిగినా, అస్సలేమాత్రం తగ్గలేదు ఆ మహిళా కానిస్టేబుల్. ఈ వ్యవహారం సోషల్ మీడియా లో వీడియో రూపంలో వైరల్ అయింది.
ఆంధ్రప్రదేశ్ రాష్ట్రంలో పోలీస్ వ్యవస్థ వ్యవహరిస్తున్న తీరుపై అనేక విమర్శలొస్తున్నాయి. చాలామంది బాధ్యతగల అధికారులు వైసీపీ నేతల ఒత్తిళ్ళకు తలొగ్గుతున్నారన్న ఆరోపణలున్నాయి. కానీ, ఈ మహిళా కానిస్టేబుల్ అలా కాదు. ధైర్యంగా నిలబడింది. అధికార పార్టీ నాయకుడి కొడుకు విషయంలో భయపడకపోతే, ఉద్యోగం పోతుందని ఏమాత్రం ఆలోచించలేదు.
ఇదిలా వుంటే, కోటిరెడ్డిపై చర్యల విషయమై పోలీసులు ఒకింత నాన్చివేత ధోరణి అవలంభించారనే ఆరోపణలు వినిపిస్తున్నాయి. ఇంకోపక్క, పోలీసులే దురుసుగా ప్రవర్తించారంటూ వైసీపీ స్థానిక నేతలు, సదరు మహిళా కానిస్టేబుల్ మీద గుస్సా అవుతున్నారు. ఆమెపై బదిలి వేటు వేయించేందుకూ ప్రయత్నాలు చేస్తున్నారట.
అన్నట్టు, పోలీస్ స్టేషన్‌కి వచ్చే ముందు కోటిరెడ్డి చేసిన ఘనకార్యమేంటో తెలుసా.? గ్రామ సచివాలయానికి వెళ్ళి అక్కడ కంప్యూటర్లను ధ్వంసం చేయడం.
రాష్ట్రంలో మహిళల భద్రత గురించి గొప్పగా చెబుతోన్న వైసీపీ నాయకులు, తమ పుత్రరత్నాల్ని ఏకంగా మహిళా కానిస్టేబుల్ మీద దౌర్జన్యాలకు ఉసిగొల్పుతున్నారంటే.. ఇదీ, రాష్ట్రంలో శాంతి భద్రతల తీరు. ఒక ఎమ్మెల్సీనేమో, తన వద్ద పనిచేసిన డ్రైవరుని చంపేసి, డెడ్ బాడీని.. మృతుడి ఇంటికే స్వయంగా డోర్ డెలివరీ చేశాడని.. ఇంకొక ప్రజా ప్రతినిధి నగ్నంగా వీడియో కాల్ చేసి బుక్కయి పోయాడని.. ఆరోపణలు ఉండనే ఉన్నాయి.. ఇదీ వైసీపీ బులుగు రాజకీయం.!
2 things that are clear from this incident
అధికారపార్టీ తరఫున ఏ హోదాలో ఉన్నా ఆధిపత్యం ప్రదర్శించడానికి అధికారం అవకాశంగా భావించే #YSRCP నేతలు
మహిళాహోంమంత్రి హయాంలో మహిళా పోలీసు కానిస్టేబుల్ కే కరువైన భద్రత#TDP #Janasena @PawanKalyan @ncbn @naralokesh https://t.co/2FiI9tKotI pic.twitter.com/hzQWBXADUb
— TeluguBulletin.com (@TeluguBulletin) September 7, 2022