ఆంధ్రప్రదేశ్ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్ మోహన్రెడ్డి అత్యంత ప్రతిష్టాత్మకంగా భావిస్తోన్న గ్రామ వాలంటీర్ల వ్యవస్థ ఈ మధ్య పదే పదే విమర్శలకు కేంద్ర బిందువుగా మారుతోంది. నిజానికి, ‘వాలంటీర్’ వ్యవస్థను ఏర్పాటు చేస్తామని ప్రకటించినప్పటినుంచే, ‘అది కేవలం పార్టీ కార్యకర్తలకోసం’ అన్న విమర్శలు విన్పిస్తున్నాయి. ‘పార్టీ కార్యకర్తలకు, ప్రభుత్వ ఖజానా నుంచి చెల్లింపులు.. పార్టీ ప్రచారం కోసం ప్రభుత్వం ఖర్చు నుంచి వేతనాలు..’ అంటూ చాలా విమర్శలు విపక్షాల నుంచి వచ్చాయి.
కానీ, ఆ వాలంటీర్ వ్యవస్థ అత్యద్భుతంగా పనిచేస్తోందని ముఖ్యమంత్రి వైఎస్ జగన్ పదే చెబుతున్నారు. నిజమే, గ్రామ స్థాయిలో చాలా చోట్ల వాలంటీర్లు అత్యద్భుతంగా పనిచేస్తున్నారు. ఏ వ్యవస్థలో అయినా లోపాలు మామూలే అన్నట్లు, గ్రామ వాలంటీర్ వ్యవస్థలో కూడా లోపాలున్నాయి. ప్రభుత్వ ఉద్యోగుల్లో కొందరు అవినీతిపరులు అక్రమార్కులు వున్నట్లే, వాలంటీర్లలోనూ వున్నారు. అయితే, వాలంటీర్ వ్యవస్థని అత్యంత ప్రతిష్టాత్మకంగా భావిస్తున్న ప్రభుత్వం, ఆ వ్యవస్థ మీద ఆరోపణలు వచ్చినప్పుడు అంతే సీరియస్గా స్పందించాలి.
కానీ, వాలంటీర్ ఎవరి మీదన్నా దాడికి దిగితే.. ఆ ఘటనలో వాలంటీర్ని బాధితుడిగా చూపి, అవతలి వ్యక్తులపై దోషులన్న ముద్ర వేయడం ప్రభుత్వానికిగానీ, ప్రభుత్వాన్ని నడుపుతున్న పార్టీకిగానీ మంచిది కాదు. వాలంటీర్లు దోపిడీలకు పాల్పడుతున్నారు.. వాలంటీర్లు అత్యాచారాలకు పాల్పడుతున్నారు.. వాలంటీర్లు హత్యలకు పాల్పడుతున్నారు.. అంటూ మీడియాలో కథనాలు వస్తున్నాయి. అయినా, ప్రభుత్వం తరఫున చర్యలు కన్పించడంలేదు.
మరోపక్క, ‘వాలంటీర్లలో మెజార్టీ అవకాశాలు మన పార్టీ కార్యకర్తలకే దక్కాయి.. వాలంటీర్ పోస్టులు పార్టీ కార్యకర్తలకే ఇచ్చుకున్నాం..’ అని ఓ సందర్భంలో వైసీపీ ముఖ్య నేత విజయసాయిరెడ్డి వ్యాఖ్యానించిన విషయాన్ని ప్రస్తావిస్తున్నాయి విపక్షాలు. దాంతో, ‘వాలంటీర్లు ఏం చేసినా’ అది వైసీపీ ఖాతాలోకి వెళ్ళిపోతోంది. మరోపక్క, గ్రౌండ్ లెవల్లో బాగా పనిచేస్తోన్న వాలంటీర్లకు అధికార పార్టీకి చెందిన కొందరు నేతల నుంచి తలనొప్పులు ఎదురవుతున్నాయట. ‘పనులన్నీ మీరే చేసేస్తే మాకు పదవులెందుకు.? మా దగ్గరకి జనం రావడంలేదు..’ అంటూ వాలంటీర్లపై దాడులకు దిగుతున్నారు అధికార పార్టీ నేతలు. ‘వాలంటీర్ వ్యవస్థపై అధికార పార్టీ నేతల కినుక.. ముఖ్యమంత్రికి మొర..’ అంటూ వైసీపీ అనుకూల మీడియాలోనే కథనాలు వస్తుండడం గమనార్హం.
కరోనా వైరస్ నేపథ్యంలోనూ ప్రాణాలకు తెగించి మరీ విధులు నిర్వహిస్తున్న వాలంటీర్లను అభినందించాల్సిందే. అదే సమయంలో, వాలంటీర్ వ్యవస్థకే మచ్చ తెచ్చేలా వ్యవహరిస్తున్నవారిని ప్రభుత్వ పెద్దలు, పార్టీ పెద్దలు వెనకేసుకొస్తే అంతకన్నా హాస్యాస్పదం ఇంకేమీ వుండదు. ఇటీవల ఓ వాలంటీర్, పోలీస్ అధికారులపైనే తప్పతాగి బూతులతో విరుచుకుపడితే, ఆ ఘటనలో వాలంటీర్పై చర్యలు తీసుకోవాల్సింది పోయి, పోలీసులపై చర్యలు తీసుకున్నారంటూ ఆరోపణలు వెల్లువెత్తుతున్నాయి. ఇలాంటివి ప్రభుత్వ ప్రతిష్టను మరింత దెద్బతీస్తాయనడం నిస్సందేహం.
888868 510774I conceive this internet web site holds some real superb details for every person : D. 7397