జిల్లాల విభజన తేనెతుట్టెలాంటిదన్నదాంట్లో ఎవరికీ ఎలాంటి సందేహాల్లేవు. అయితే, ఈ విషయంలో అధికార పార్టీకి అడ్వాంటేజెస్తోపాటు, డిజడ్వాంటేజెస్ కూడా వుంటాయి. నెగెటివిటీని అధిగమించడం అంత ఆషామాషీ వ్యవహారం కాదు. అయితే, తెలంగాణలో జిల్లాల విభజన విషయంలో సొంత పార్టీలో వచ్చిన నెగెటివిటీని అధికార తెలంగాణ రాష్ట్ర సమితి తేలిగ్గానే అధిగమించగలిగింది. తెలంగాణలో రాజకీయ పరిస్థితులు వేరు. టీఆర్ఎస్కి తెలంగాణలో బలమైన ప్రతిపక్షం లేదు. కానీ, ఆంధ్రప్రదేశ్లో పరిస్థితి అలా కాదు.
ప్రస్తుతం ఆంధ్రప్రదేశ్లో జిల్లాల లొల్లి క్రమక్రమంగా తీవ్ర రూపం దాల్చుతోంది. సొంత పార్టీకి చెందిన ఓ సీనియర్ ఎమ్మెల్యేతోపాటు, స్పీకర్ పదవిలో వున్న మరో సీనియర్ నేత జిల్లాల విభజనపై పెదవి విప్పారు. ‘జిల్లాల విభజనకు వ్యతిరేకం కాదు..’ అంటూనే తమ సొంత జిల్లా శ్రీకాకుళం విషయంలో పెదవి విరుస్తున్నారు ధర్మాన ప్రసాదరావు, తమ్మినేని సీతారాం.
మరోపక్క, ప్రతిపక్షం తెలుగుదేశం పార్టీ ఈ జిల్లాల విభజనపై ఉలిక్కిపడుతోంది. లోక్సభ నియోజకవర్గాల వారీగా విభజన అంటే అది అస్సలేమాత్రం సమర్థనీయం కాదన్నది టీడీపీ వాదన. సాధారణంగా ఈ తరహా ‘విభజన’ రాజకీయాల వెనుక, అధికార పార్టీలకు రాజకీయ ప్రయోజనాలు సుస్పష్టం. గతంలో వైఎస్ హయాంలో, కొన్ని జిల్లాల్లో నియోజకవర్గాల విభజన తదితర పరిణామాలు గందరగోళంగా సాగాయి. అధికార పార్టీకి ఇలాంటి విషయాల్లో ఎడ్జ్ ఎక్కువ.
తమ రాజకీయ ప్రయోజనాల్ని దృష్టిలో పెట్టుకుని, ప్రత్యర్థుల్ని రాజకీయంగా దెబ్బకొట్టేలా ఈ విభజనలు చేస్తుంటాయి. ఇప్పుడు వైఎస్ జగన్ ప్రభుత్వం కూడా అదే స్కెచ్ వేస్తున్నట్లు తెలుస్తోంది. టీడీపీ బలంగా వున్న చోట్ల గ్రౌండ్ లెవల్లో ‘చీలిక’ తీసుకొస్తే, రాజకీయంగా అడ్వాంటేజ్ అవుతుందని వైసీపీ భావిస్తోందట. దాంతో టీడీపీలో గుబులు బయల్దేరింది.
మరోపక్క వైసీపీలో విన్పిస్తున్న ‘అసహనం’ జస్ట్ పబ్లిసిటీ స్టంట్గానే భావించాల్సి వస్తుందనీ, ఇదంతా విపక్షాల దృష్టి మరల్చడానికేనని టీడీపీ అనుమానం వ్యక్తం చేస్తోంది. దాదాపు ప్రతి జిల్లాల్లోనూ కొత్త జిల్లాల ఏర్పాటు కారణంగా టీడీపీ ఓటు బ్యాంకు చీలిపోయేలా అధికార వైసీపీ వ్యూహం ఖరారు చేసిందట. గతంలో వైఎస్ ఇదే తరహా విభజన రాజకీయాలకు తెర తీసి (అసెంబ్లీ నియోజకవర్గాల విభజన) టీడీపీని దారుణంగా దెబ్బ తీశారనీ, ఇప్పుడూ అదే పరిస్థితి రాబోతోందని రాజకీయ విశ్లేషకులు అభిప్రాయపడుతున్నారు.
కాగా, 2024 ఎన్నికల నాటికి ఆంధ్రప్రదేశ్లో అసెంబ్లీ నియోజకవర్గాల సంఖ్య పెరగబోతోంది. ఈ మేరకు విభజన చట్టంలోనే పొందుపర్చారు. దాంతో, ఈ జిల్లాల విభజనకీ, ఆ నియోజకవర్గాల పెంపు వ్యవహారానికీ పొంతన ఎలా కుదురుతుంది.? రాష్ట్రంలో రాజకీయ సమీకరణాలు ఎలా మారబోతున్నాయి.? అధికార పార్టీకి అడ్వాంటేజ్ అవుతుందా.? లేదంటే విభజన కాస్తా ‘బూమరాంగ్’ వ్యవహారంలా మారి, అధికార పార్టీని ఇరకాటంలో పడేస్తుందా.? వేచి చూడాల్సిందే.
611209 751558As I web site owner I believe the subject material here is real wonderful, appreciate it for your efforts. 620638
487251 285105Someone necessarily assist to make critically articles Id state. This is the initial time I frequented your internet page and thus far? I amazed with the analysis you made to make this actual submit incredible. Exceptional activity! 521449