World Cup 2023: వరల్డ్ కప్ క్రికెట్ ఫీవర్ మొదలవబోతోంది. అభిమానులు ఎప్పుడెప్పుడా అని ఎదురుచూస్తున్న ప్రపంచ కప్ (World Cup 2023) షెడ్యూల్ ను ఐసీసీ (ICC) అధికారికంగా విడుదల చేసింది. భారత్ లో అక్టోబర్-నవంబర్ నెలల్లో ఈ మెగా టోర్నీ జరుగనుంది. అక్టోబర్ 5న అహ్మదాబాద్ లో ఇంగ్లాండ్-న్యూజిలాండ్ జట్ల మధ్య జరిగే మ్యాచ్ తో క్రికెట్ సమరం మొదలుకానుంది. లీగ్ దశలో టీమిండియా మొత్తం 9 మ్యాచులు ఆడుతుంది. తొలి మ్యాచ్ అక్టోబర్ 8న ఆస్ట్రేలియాతో తలపడనుంది.
చిరకాల ప్రత్యర్ధి పాకిస్థాన్ తో అక్టోబర్ 15న అహ్మదాబాద్ లో తలపడనుంది. నవంబర్ 15న ముంబైలో, 16 తేదీన కోల్ కతాలో సెమీఫైనల్ మ్యాచులు జరుగుతాయి. నవంబర్ 19న అహ్మదాబాద్ లో ఫైనల్ మ్యాచ్ జరుగుతుంది. సెమీ ఫైనల్స్, ఫైనల్ మ్యాచ్ కు రిజర్వ్ డే (నవంబర్ 20) ఉన్నాయి. ఢిల్లీ, కోల్ కతా, ముంబై, చెన్నై, బెంగళూరు, హైదరాబాద్, అహ్మదాబాద్, ధర్మశాల, లఖ్నవూల్లో మ్యాచులు జరుగుతాయి. హైదరాబాద్ లో మూడు మ్యాచులు జరుగనున్నాయి.