ఉప్పెన వంటి సెన్సేషనల్ చిత్రంతో పరిచయమయ్యాడు మెగా హీరో వైష్ణవ్ తేజ్. ఆ సినిమా తర్వాత ఇండస్ట్రీకి మరో ప్రామిసింగ్ హీరో దొరికాడు అనిపించాడు. ఉప్పెనలో తన పెర్ఫార్మన్స్ తో కూడా ఆకట్టుకున్నాడు వైష్ణవ్. అయితే ఆ తర్వాత ఈ మెగా హీరో ఒక్క హిట్ కూడా కొట్టలేదు. వైష్ణవ్ తేజ్ నటించిన తర్వాతి సినిమాలు అన్నీ ప్లాపులుగా నిలిచాయి.
ఈ నేపథ్యంలో వైష్ణవ్ నుండి వస్తోన్న మరో చిత్రం ఆదికేశవ. శ్రీకాంత్ ఎన్ రెడ్డి ఈ చిత్రంతో దర్శకుడిగా పరిచయమవుతున్నాడు. శ్రీలీల ఈ సినిమాలో హీరోయిన్ గా నటిస్తోంది. సితార ఎంటర్టైన్మెంట్స్ ఈ చిత్రాన్ని నిర్మిస్తోంది. ట్రైలర్ చూస్తే రెగ్యులర్ మాస్ మసాలా చిత్రంగా అనిపిస్తోంది.
మరి ఈ చిత్రంతోనైనా వైష్ణవ్ తేజ్ హిట్ కొడతాడా లేదంటే ఈ మెగా హీరోకి మరింత కష్టమవుతోంది. ఇప్పటికే ఉప్పెనతో వచ్చిన మార్కెట్ అంతా పోగొట్టుకున్నట్లు అవుతోంది.