ఎవరన్నా తనని నామినేట్ చేస్తే, హౌస్ మేట్స్ అస్సలు జీర్ణించుకోలేరు.! గత సీజన్లలో పద్ధతి వేరు. ఈసారి పద్ధతి వేరు. దాదాపు అందరు కంటెస్టెంట్లదీ ఒకటే తీరు.. చివరికి శివాజీతోపాటు.!
ఫ్రస్ట్రేషన్.. ఫ్రస్ట్రేషన్.. ఫ్రస్ట్రేషన్.. అసలు ఎందుకీ అసహనం.? ఎలిమినేషన్ ప్రక్రియ కోసం ముందుగా చేపట్టే నామినేషన్ ప్రక్రియ విషయంలో ఎందుకింత ఆందోళన చెందాలి కంటెస్టెంట్లు.?
వారమంతా కంటెంట్ ఇస్తే సరిపోతుంది కదా.? పైగా, వారమంతా కలిసే వుంటారు.. స్నేహంగా వుంటారు. సిల్లీ రీజన్స్తోనే నామినేట్ అవుతుంటారు. అంతకన్నా సిల్లీగా ఎలిమినేట్ అవుతుంటారు. బిగ్ బాస్ ఎవర్ని బయటకు పంపాలనుకుంటే, వాళ్ళు ఔట్ అయిపోతారు. సో, అనవసరంగా గొడవపడి సాధించేది ఏమీ వుండదు.
ఇక, ఈ వారం నామినేషన్ ప్రక్రియలో యావర్ చేసిన యాగీ అంతా ఇంతా కాదు. అమర్ దీప్ గోల మామూలే. పల్లవి ప్రశాంత్ అయితే మరీ ఛండాలం.! ‘ఎవర్నీ నామినేట్ చేయలేను బిగ్ బాస్.. నా దగ్గర పాయింటే లేదు..’ అంటూ మొసలి కన్నీరు కార్చి, సెల్ఫ్ నామినేట్ అయ్యింది అశ్విని. దాని వల్ల ఆమెకు ఒరిగిందేంటో.!
ప్రియాంక కెప్టెన్ అయ్యింది. కానీ, కెప్టెన్గా ఆమెను గుర్తించనంటాడు యావర్. బిగ్ బాస్ ఏం చేస్తున్నట్టు.? మందలించాలి కదా.? ప్చ్.. నిద్దరోతున్నాడు. వీకెండ్ ఎపిసోడ్లో నాగార్జున కడిగి పారేస్తాడో, లైట్ తీసుకుంటాడో.!
శివాజీ విషయానికొస్తే, అవతలి వ్యక్తిని అస్సలు మాట్లాడనివ్వడు. ‘అమ్మా, బొమ్మా..’ అంటూ అత్యద్భుతమైన నటనతో విసిగించేస్తుంటాడు. ఈాసారీ అదే చేశాడు. ఈ వీకెండ్ డబుల్ ఎలిమినేషన్. ప్రియాంక కెప్టెన్ కాబట్టి ఆమె సేఫ్. పల్లవి ప్రశాంత్ చేతిలో ఎవిక్షన్ పాస్ పెట్టేశారు. సో, అతనూ సేఫ్ అనుకోవాలా.?
డబుల్ ఎలిమినేషన్లో పల్లవి ప్రశాంత్ వుంటాడు, ఆ ఎవిక్షన్ పాస్ వాడేసుకుంటాడు, వచ్చేవారం ఔట్ అయిపోతాడు.. ఇదీ నడుస్తున్న టాక్.!