పెళ్లి అంటే ఇద్దరు మనుషులను ఒక్కటి చేసేది , ప్రతి ఒక్కరి జీవితం లో ఎప్పటికి గుర్తుండిపోయే ఘనమైన వేడుక పెళ్లి .మన తెలుగు సాంప్రదాయం ప్రకారం పెళ్ళికి చాలా విశిష్టత ఉంటుంది. ప్రస్తుత కాలం లో పెళ్లి కార్యక్రమాలు ఒక్క రోజులో ముగిస్తున్నారు , కానీ ఒకప్పుడు పెళ్లి అంటే ఐదురోజుల అద్భుత పండుగ బంధు మిత్రులతో భాజా బజంత్రీలతో అంగరంగ వైభవంగా జరిగేవి . పాత కాలం లో లాగా పెళ్లిళ్లు ఐదురోజులు జరగకపోయినా మన హిందూ సంప్రదాయం లో జరగాల్సిన పెళ్లి వేడుక లో ఎన్నో ఆచారాలు, వ్యవహారాలు ఇప్పటికీ కొనసాగుతున్నాయి.వరుడు వధువు మెడలో మూడు ముళ్ళే ఎందుకు వేస్తాడు? తాళి కట్టిన తర్వాత నూతన వధూవరులు హోమం చుట్టూ ఏడూ ప్రదిక్షణలే ఎందుకు చేస్తారు? అనే విషయాల పైన పూర్తిగా అవగాహన లేదు .
వరుడు వధువు మెడలో మూడు ముళ్ళే ఎందుకు వేస్తారు
వరుడు వధువు కి మూడు ముళ్ళే ఎందుకు వేస్తాడంటే. హిందూ సంప్రదాయం ప్రకారం మూడు అనే సంఖ్యకు చాలా ప్రాధాన్యత ఉంది. త్రిలోకాలు, త్రిమూర్తులు, త్రిగుణాలు ఇలా మూడు అనేది మంగళకరమని భావించేవారు మన పెద్దలు. అందుకే మంగళ సూత్రానికి ఈ మూడు ముళ్ళు అనే నియమం వచ్చింది. ఇంకా వివరంగా చెప్పాలంటే మానవులకు స్థూల ,సూక్ష్మ,కారణ అనే మూడు శరీరాలు ఉంటాయట. పెళ్లి సమయంలో వేసే ఒక్కొక్క ముడి ఒక్కో శరీరానికి వేసేదట.పెళ్లి సమయం లో వధువు కి కట్టే తాళితో ఒక్క బాహ్య శరీరం తో మాత్రమే పెళ్లయినట్లు కాదు మూడు శరీరాలతో మమేకం అవడం అనే అర్ధంలో మూడు ముళ్ళు వేస్తారు.
తాళి కట్టిన తరువాత ఏడూ అడుగులు ఎందుకు వేస్తారు
వరుడు వధువు నడుముపై చేయి వేసి దగ్గరగా తీసుకొని అగ్ని హోత్రమునకు దక్షిణ వైపున నిలబడి తూర్ప్ దిక్కు వైపుగా ఇద్దరూ ముందుగా కుడి అడుగు పెట్టి ఏడడుగులు నడవాలి. సాధారణంగా ఏడూ అడుగులు వేయడం అంటే జీవిత భాగస్వామితో ఏడు జన్మల వరకూ తోడుంటా అని మాట ఇవ్వడం.అందుకే పెద్దలు వివాహబంధాన్ని ఏడడుగుల బంధం అంటారు. ఇందులో వేసే ప్రతీ అడుగుకీ ఒక్కో అర్థం ఉంది.
1. మొదటి అడుగు: ఏకం ఇషే విష్ణుః త్వా అన్వేతు … ఈ మొదటి అడుగుతో విష్ణువు మనిద్దరినీ ఒక్కటి చేయుగాక.
2. రెండవ అడుగు: ‘ద్వే ఊర్జే విష్ణుః త్వా అన్వేతు ఈ రెండవ అడుగుతో మనిద్దరకు శక్తి లభించు నట్లు చేయు గాక.
3. మూడవ అడుగు: ‘త్రీణి వ్రతాయ విష్ణుః త్వా అన్వేతు ఈ మూడవ అడుగు వివాహ వ్రత సిద్ధి కొరకు విష్ణువు అనుగ్రహించు గాక.
4. నాల్గవ అడుగు: చత్వారి మయోభవాయ విష్ణుః త్వా అన్వేతు ఈ నాలగవ అడుగు మనకు ఆనందమును విష్ణువు కలిగించు గాక.
5. ఐదవ అడుగు. పంచ పశుభ్యోవిష్ణు త్వా అన్వేతు ఈ ఐదవ అడుగు మనకు పశుసంపదను విష్ణువు కలిగించు గాక.
6. ఆరవ అడుగు. షృతుభ్యో విష్ణుః త్వా అన్వేతు ఈ ఆరవ అడుగు ఆరు ఋతువులు మనకు సుఖమునిచ్చుగాక.
7. ఏడవ అడుగు… సప్తభ్యో హోతాభ్యో విష్ణుః ఈ ఏడవ అడుగు గృహస్థాశ్రమ ధర్మ నిర్వహణకు విష్ణువు అనుగ్రహించు గాక.