ఈ భూమి మీద మనుషులు ప్రాణాలతో ఉండాలంటే పక్షులు కూడా ప్రాణాలతో ఉండాల్సిందే. భూమి మీద జీవ వైవిధ్యాన్ని సమతుల్యం చేయడానికి పక్షుల అవసరం ఎంతో ఉంది. కానీ అలాంటి పక్షుల రక్షణకు మనిషి ఏమైనా చేస్తున్నాడా? కనీసం వేసవిలో వాటి దాహార్తి తీర్చడానికైనా ప్రయత్నిస్తున్నాడా? ఎవరికి వారు బిజీబిజీగా గడుపుతూ ప్రస్తుత ప్రపంచంలో పరుగులు తీస్తున్నారు. ఇక పక్షులను పట్టించుకునే పరిస్థితి ఎక్కడుంది? కానీ కేరళ ఎర్నాకుళం జిల్లాలోని ముత్తాడం గ్రామానికి చెందిన 70 ఏళ్ల శ్రీమాన్ నారాయణన్ మాత్రం నాకెందుకులే అనుకోలేదు.
వేసవిలో గుక్కెడు నీళ్ల కోసం మనమే ఎంతో అల్లాడుతున్నాం.. అలాంటిది పక్షుల పరిస్థితి ఏమిటి అని ఆలోచించి, వాటికి అండగా నిలవాలని భావించారు. వాస్తవానికి పక్షులు చెరువులు లేదా నదుల్లో నీటిని తాగి తమ దాహార్తిని తీర్చుకుంటాయి. అయితే, వేసవిలో చెరువులు ఎండిపోతాయి. ఇక ఎర్నాకుళం పరిధిలో ఉన్న పెరియార్ నది పూర్తి కాలుష్యంతో నిండిపోవడంతో ఆ నీటిని తాగిన పక్షులు చనిపోతున్నాయి. దీంతో వాటికి నీటిని అందుబాటులో ఉంచాలని నారాయణన్ నిర్ణయించుకున్నారు. ఇందుకోసం దాదాపు రూ.6 లక్షలు వెచ్చించి 10 వేల మట్టిపాత్రలు కొనుగోలు చేశారు. ఊళ్లోవారందరికీ వాటిని పంచిపెట్టి, తమ ఇంటి వద్ద పక్షుల కోసం నీటిని ఉంచాలని కోరారు. అలా వేసవిలో పక్షుల దాహార్తిని తీరుస్తూ వాటికి నారాయణుడిగా మారారు.
రచయిత కూడా అయిన నారాయణన్.. లాటరీ హోల్ సేల్ డీలర్ గా పనిచేస్తున్నారు. తద్వారా వచ్చే ఆదాయంలో అధిక భాగం పక్షుల కోసమే వినియోగిస్తున్నారు. ‘‘నా ముగ్గురు పిల్లల పట్ల నా బాధ్యతను నెరవేర్చాను. ప్రస్తుతం వారు ప్రశాంతమైన జీవితం గడుపుతున్నారు. ఇకపై నాకు వచ్చే ఆదాయాన్ని భవిష్యత్తు కోసం దాచాలని అనుకోలేదు. ప్రస్తుతం నాశనమైతున్న భూమిని వదిలేసి, భవిష్యత్తు కోసం సంపాదన దాయడంలో అర్థం లేదు. లాటరీ వ్యాపారం, నాకున్న చిన్న రెస్టారెంట్ ద్వారా వచ్చే ఆదాయాన్ని పక్షుల కోసం వెచ్చిస్తున్నా’’ అని నారాయణన్ తెలిపారు. ఒక్క మట్టిపాత్రలో ఉంచిన నీళ్లు కనీసం 100 పక్షుల దాహాన్ని తీరుస్తాయని ఆయన వెల్లడించారు.
ప్రజలకు మట్టి పాత్రలు పంచే కార్యక్రమాన్ని గతేడాదే ఆయన ప్రారంభించారు. అది బాగా విజయవంతం కావడంతో ఈ ఏడాది కూడా 10వేల పాత్రలు కొనుగోలు చేసి ప్రజలకు పంచిపెట్టారు. అంతేకాకుండా రూ.15 లక్షల విలువైన 50వేల మొక్కలను ఎర్నాకుళం జిల్లా మొత్తం గతేడాది పంపిణీ చేశారు. ఆ మొక్కలు పెరిగి పళ్లు కాసిన తర్వాత వాటిలో కొన్నింటిని పక్షుల కోసం చెట్లపైనే ఉంచేయాలనే షరతుతో వాటిని జనాలకు పంచిపెట్టారు.
గాంధీజీ జీవితంతో స్ఫూర్తి పొందిన శ్రీమాన్ నారాయణన్.. ఆయన అడుగుజాడల్లోనే నడుస్తున్నారు. గత ఆరేళ్లుగా గాంధీజీ సిద్దాంతాలు, ఆశయాలను విస్తృతంగా ప్రచారం చేయడమే కాకుండా గాంధీజీకి సంబంధించిన పుస్తకాలను అందరికీ పంచుతూ ఉంటారు. పైసా లాభాపేక్ష లేకుండా సమాజానికి ఎంతో సేవ చేస్తున్న నారాయణన్ కు ఇప్పటికే ఎన్నో అవార్డులు వచ్చాయి. ఎంత ఎదిగినా ఒదిగి ఉండాలనే నానుడి ఆయనకు సరిగ్గా సరిపోతుంది. పక్షుల కోసం, ప్రకృతి కోసం ఆయన పడుతున్న తపన చూస్తే.. హ్యాట్సాఫ్ నారాయణన్ జీ అనకుండా ఉండలేం.
750962 672875Merely wanna input that you have a really good internet internet site , I adore the pattern it in fact stands out. 966942
826503 89559This really is truly fascinating, You are a very skilled blogger. Ive joined your rss feed and look forward to seeking a lot more of your magnificent post. Also, Ive shared your internet website in my social networks! 168582
781856 801197This Los angeles Weight Loss diet happens to be an low and flexible going on a diet application meant for normally trying to drop the weight as well within the have a considerably healthier lifetime. shed weight 203992