ఎన్.ఆర్.సి అంటే ఎందుకంతగా భయపడుతున్నారు?

వివిధ దేశాల నుంచి వచ్చిన లక్షలాది మంది ప్రజలు ఇండియాలో స్థిర నివాసం ఏర్పాటు చేసుకున్నారు. అక్కడ స్థిర నివాసం ఏర్పాటు చేసుకొని, ఇక్కడే ఉండిపోతున్నారు. వారిని అన్నిరకాల సౌకర్యాలు ఉన్నప్పటికీ భారతీయ పౌరసత్వం మాత్రం లేదు. ముస్లిం దేశాల్లో ఉండే హిందువులు, క్రిస్టియన్లు, సిక్కు తదితరులు మైనారిటీలుగా ఉన్న సంగతి తెలిసిందే.

పాకిస్తాన్ లో హిందువులకు ఎలాంటి గౌరవ మర్యాదలు ఉండటం లేదు. అంతేకాదు, వారి గురించి కూడా ప్రభుత్వం పట్టించుకోవడం లేదు. మైనారిటీలపై దాడులు జరుగుతున్నాయి. దీంతో అక్కడి నుంచి ప్రజలు ఇండియాకు వస్తున్నారు. అలా వలస వచ్చిన వాళ్లకు ఇండియా పౌరసత్వం కల్పించే విషయంపై ఓ నిర్ణయం తీసుకుంది. దీనికి సంబంధించి ఎన్.ఆర్.సి బిల్లును తీసుకొచ్చింది. ముస్లిం దేశాల్లో ముస్లింలు మైనారిటీలు కాదు. వాళ్లకు అన్ని రకాల వసతులు అక్కడి ప్రభుత్వాలు కల్పిస్తాయి.

కానీ, పాక్, బంగ్లాదేశ్, ఆఫ్ఘనిస్తాన్ నుంచి లక్షలాది మంది ముస్లింలు ఇండియాకు వచ్చి స్థిరపడ్డారు. ఇప్పుడు వారిని గుర్తించి తిరిగి వారి దేశాలకు పంపించేందుకు ఎన్.ఆర్.సి బిల్లు ఉపకరిస్తుంది. ఈ బిల్లు ఉద్దేశ్యం కూడా ఇదే.

మైనారిటీలకు పౌరసత్వం కల్పిస్తూ… ముస్లింలను తిరిగి వారి దేశాలకు పంపించేందుకు కేంద్రం ప్రయత్నాలు మొదలుపెట్టింది. భారతీయ ముస్లింలకు ఎలాంటి ఇబ్బందులు ఉండవని కేంద్రం చెప్తున్నా.. ఆ మాటలను కొన్ని ముస్లిం పార్టీలు పెడచెవిన పెడుతున్నాయి. తమకు అన్యాయం జరుగుతుందని మండిపడుతున్నాయి.