నందమూరి కళ్యాణ్ రామ్.. యువ దర్శకుడు పవన్ సాధినేనితో నాలుగేళ్ల క్రితం ఒక ప్రాజెక్ట్ చేయాలి. ప్రేమ ఇష్క్ కాదల్ సినిమాతో అందరినీ ఆకట్టుకున్నాడు పవన్ సాధినేని. అయితే ఆ తర్వాత కొంచెం తడబడిన ఈ యువ దర్శకుడు ఈ మధ్య సేనాపతి, దయ వంటి వెబ్ సిరీస్ లతో తన సత్తా చాటుకున్నాడు. ఇప్పుడు కళ్యాణ్ రామ్ తో పనిచేసే అవకాశం వచ్చింది.
నిజానికి వీరిద్దరూ నాలుగేళ్ల క్రితమే కలిసి పనిచేయాలి. అయితే ఆ ప్రాజెక్ట్ లో కీలక రోల్ కోసం హరికృష్ణను అనుకున్నారు కానీ ఆయన హఠాన్మరణంతో ప్రాజెక్ట్ హోల్డ్ లో పడింది. మళ్ళీ ఇప్పుడు ఈ ప్రాజెక్ట్ పై వర్క్ చేస్తున్నారు.
హరికృష్ణ కోసం అనుకున్న పాత్రను విజయ్ సేతుపతితో చేయిస్తే ఎలా ఉంటుంది అని ఆలోచిస్తున్నాడట దర్శకుడు. మరి విజయ్ సేతుపతి ఈ సినిమా చేస్తాడా? ఏదేమైనా మరికొన్ని రోజుల్లో క్లారిటీ వచ్చేస్తుంది.