సినిమా, రాజకీయం, వ్యాపారం.. రంగం ఏదైనా కావాల్సింది ప్రతిభ. ఆలోచన, తెలివి, నిర్ణయాలు తీసుకునే సామర్ధ్యం లేకపోతే ఘనమైన వారసత్వం కూడా నిష్ఫలమే. ముఖ్యంగా సినీ రంగంలో మరీ ఎక్కువ. ఇక్కడ ప్రతి వారం రాతలు మారతాయి. నిలదక్కుకోవాలంటే తాము రాణించి ప్రేక్షకులను గెలవడం చాలా ముఖ్యం. మెగా ఫ్యామిలీ నుంచి వచ్చే వారికి తొలి సినిమా వరకూ ఘనమైన గుర్తింపే దక్కుతుంది. కానీ.. రెండో సినిమా నుంచి వారే నిరూపించుకోవాలి. అంచనాలు అందుకోవాలి. ప్రేక్షకుల్ని మెప్పించాలి. అప్పుడే కెరీర్ ముందుకెళ్తుంది. దీనిని సాధించిన మెగా హీరో వరుణ్ తేజ్. నాగబాబు తనయుడిగా మెగాస్టార్ చిరంజీవి, మెగాభిమానుల అండదండలు పుష్కలంగా ఉన్న వరుణ్ తన టాలెంట్ తో కెరీర్ ను సక్సెస్ ఫుల్ గా లీడ్ చేస్తున్నాడు. నేడు వరుణ్ తేజ్ పుట్టినరోజు.
మెగా వారసత్వం..
మెగా హీరో తొలి సినిమా అంటే భారీగా ఉండాల్సిందే. కానీ.. ఇందుకు విభిన్నంగా కెరీర్ ప్రారంభించాడు వరుణ్. సాఫ్ట్ కథతో ప్రేక్షకుల ముందుకొచ్చాడు. ఫలితమెలా ఉన్నా తన లుక్స్ తో ఆకట్టుకున్నాడు. కంచె సినిమా వరుణ్ ఆలోచనా సరళికి నిదర్శనమని చెప్పాలి. దశాబ్దాల క్రితం నాటి యుద్ధ నేపథ్యం, ప్రేమ భావోద్వేగాల కథలో తన ప్రతిభను కనబరచి భవిష్యత్తు సినీ ప్రయాణాన్ని మార్గం ఏర్పరచుకున్నాడు. సినిమాలో తన నటనతో ప్రేక్షకుల హృదయాలను గెలుచుకున్నాడు. మెగా హీరో అంటే మాస్, యాక్షన్ అని కాకుండా తొలి అడుగులతోనే నటనపై తనకున్న పట్టు చూపించాడు. కథా బలమున్న పాత్రల్లో వరుణ్ తేజ్ మెప్పించి మెగా వారసత్వాన్ని ఘనంగా చాటాడు. తొలిప్రేమ, ఫిదా సినిమాల్లో తన నటనతో మెప్పించాడు. అంతరిక్షం వంటి ప్రయోగాత్మక సినిమాల్లో నటించి పేరు తెచ్చుకున్నాడు. క్యారెక్టర్ ఏదైనా తనకంటూ ఓ ప్రత్యేకత ఉండేలా ప్లాన్ చేసుకున్నాడు వరుణ్.
తండ్రి పేరు నిలబెట్టేలా..
ఇవే కాకుండా ఎఫ్-2, ఎఫ్-3 సినిమాల్లో కామెడీ పండించాడు. ప్రేక్షకులకు కావలసిన వినోదాన్ని పంచాడు. గద్దలకొండ గణేశ్ సినిమాలో ఊర మాస్ పాత్రలో నటించి పాత్ర ఏదైనా తనలోని నటన అంతే ధీటుగా వస్తుందని నిరూపించాడు. పాత్ర కోసం ఎంతైనా కష్టపడగలనని గని సినిమాతో నిరూపించాడు. ఇలా.. మెగా కాంపౌండ్ నుంచి వచ్చినా కూడా తనకంటూ ఓ ప్రత్యేకత చాటుకుంటున్నాడు వరుణ్ తేజ్. తండ్రి నాగబాబు నట వారసుడిగా ఎంట్రీ ఇచ్చి తండ్రి గర్వించే స్థాయిలో వరుణ్ నిలబడి పుత్రోత్సాహాన్ని నింపుతున్నాడు. ప్రస్తుతం వరుణ్ తేజ్ తన 12వ సినిమాగా యాక్షన్ డైరక్టర్ ప్రవీణ్ సత్తారు దర్శకత్వంలో ఓ సినిమా చేస్తున్నాడు. భవిష్యత్తులో వరుణ్ తేజ్ విభిన్నమైన కథాంశాలతో మెప్పించి మరిన్ని విజయాలు అందుకోవాలని కోరుకుంటోంది ‘తెలుగు బులెటిన్’.
861787 565312Wohh exactly what I was searching for, appreciate it for posting . 10411
582033 673939It is perfect time to make some plans for the future and it is time to be happy. Ive read this post and if I could I wish to suggest you some interesting items or suggestions. Perhaps you could write next articles referring to this post. I want to read even much more things about it! 522398