కరోనా ఎఫెక్ట్‌ మొత్తం టాలీవుడ్‌పై ఏ స్థాయిలో పడినదో ప్రత్యేకంగా చెప్పనక్కర్లేదు. షూటింగ్స్‌ ఆగిపోవడంతో ఏప్రిల్ మే నెలల్లో విడుదల అవ్వాల్సిన సినిమాలు విడుదల ఆగిపోతాయని అనుకున్నారు. కాని విడుదలకు సమయం ఉన్న సినిమాలు యధావిధిగా విడుదల అయ్యే ఛాన్స్‌ ఉందని భావించారు. కాని జులై 30వ తేదీన రాబోతున్నట్లుగా ప్రకటించిన మెగా హీరో వరుణ్ తేజ్ 10వ చిత్రాన్ని కూడా వాయిదా వేసే అవకాశం ఉందని యూనిట్‌ సభ్యులు ప్రకటించారు.
షూటింగ్‌కు నెల రోజులు అంతరాయం కలగడంతో అనుకున్న విధంగా సినిమాను విడుదల చేయలేక పోవచ్చు అంటూ నిర్మాణ సంస్థలు అంటున్నాయి. కిరణ్‌ కొర్రపాటి దర్శకత్వంలో ఈ సినిమాను అల్లు బాబీ ఇంకా సిద్దు ముద్దలు నిర్మిస్తున్న విషయం తెల్సిందే. మొదటి సారి అల్లు అరవింద్‌ తనయుడు అల్లు బాబీ నిర్మాణ వ్యవహారాల్లో పూర్తిగా ఇన్వాల్వ్‌ అయ్యి ఈ సినిమాను నిర్మించబోతున్నాడు. కనుక సినిమాపై మొదటి నుండి ఆసక్తి నెలకొంది.
ఇక ఈ చిత్రంలో వరుణ్ తేజ్ బాక్సర్‌గా కనిపించబోతున్నాడు. నవీన్‌ చంద్ర కీలక పాత్రలో కనిపించబోతున్నట్లుగా సమాచారం అందుతోంది. ఈ సినిమా కోసం వరుణ్ తేజ్ దాదాపుగా నాలుగు అయిదు నెలల పాటు బాక్సింగ్‌పై ప్రత్యేక శ్రద్దను కనబర్చి అంతర్జాతీయ ట్రైనర్‌ ఆధ్వర్యంలో శిక్షణ పొందిన విషయం తెల్సిందే. ఇటీవలే రెగ్యులర్‌ షూటింగ్‌ ప్రారంభం అయ్యింది అనుకుంటు ఉండగా షూటింగ్‌ కరోనా లాక్‌ డౌన్‌ కారణంగా ఆగిపోయింది. ఈ సినిమాలో వరుణ్ తేజ్‌కు జోడీగా సాయి మంజేకర్‌ను హీరోయిన్‌గా ఎంపిక చేసిన విషయం తెల్సిందే.
721620 327645I feel you did an awesome job explaining it. Positive beats having to research it on my own. Thanks 203468