మాజీ ఎమ్మెల్యే వంగవీటి రాధాకృష్ణ సంచలన వ్యాఖ్యలు చేయడంలో దిట్ట. టైమ్ చూసుకుని, పక్కా టైమింగ్తో ఆయన పొలిటికల్ డైలాగులు చెబుతుంటారు. కానీ, రాజకీయంగా వేసే అడుగులు మాత్రం అన్నీ తప్పటడుగులే. ఓడిపోయే పార్టీలోకి 2019 ఎన్నికల సమయంలో ఆయన రావడమే అందుకు నిదర్శనం.
వంగవీటి రాధాకృష్ణ ఎప్పుడు ఏ పార్టీకి మద్దతిస్తారో ఆయన అనుచరులకూ అర్థం కాదు. అందుకే, రాజకీయంగా ఎదగు బొదుగూ లేకుండా పోయింది వంగవీటి రాధాకృష్ణ జీవితం. వంగవీటి మోహన రంగా తనయుడిగా తప్ప, తనకంటూ ప్రత్యేకమైన గుర్తింపు సంపాదించుకోలేకపోతున్నారు వంగవీటి రాధ.
మొన్నామధ్యన జనసేన పార్టీలో వంగవీటి రాధ చేరిక ఖాయమనే ప్రచారం జరిగింది. ఆ వెంటనే, ఆయన్ను టీడీపీ, గుడివాడ నుంచి వచ్చే ఎన్నికల్లో బరిలోకి దింపనుందనే ఊహాగానాలు వినిపించాయి. ఆ మేరకు గుడివాడలో వంగవీటి రాధ అభిమానులు హంగామా చేశారు కూడా.
కానీ, అనూహ్యంగా ఇప్పుడు అధికార పార్టీకి చెందిన నేతల వెంట వంగవీటి తిరుగుతున్నారు. కాదు కాదు, వంగవీటి రాధ వెంట అధికార పార్టీకి చెందిన నేతలు తిరుగుతున్నారు. మంత్రి కొడాలి నాని అయితే, వంగవీటి రాధ గురించి బహు గొప్పగా చెప్పేస్తున్నారు. రాధ చాలా మంచోడనీ, ఆయనకు లౌక్యం తెలియదనీ, బంగారంలో రాగి కలిపితేనే బావుంటుందనీ, ఆ విషయం బంగారం లాంటి రాధకు ఎన్నోసార్లు చెప్పామనీ కొడాలి నాని అంటున్నారు.
గుడివాడలో తనకు పోటీగా వంగవీటి రాధ నిలబడితే, తాను గెలవలేనని కొడాలి భయపడుతున్నారా.? అన్న అనుమానాలకు కొడాలి నాని తాజా వ్యవహారశైలి బలం చేకూర్చుతోంది. కాగా, తనను హతమార్చేందుకు రెక్కీ నిర్వహించారంటూ వంగవీటి రాధ చేసిన వ్యాఖ్యలతో ఏపీ రాజకీయాల్లో కలకలం బయల్దేరింది.
ఇంతకీ, రాధకి ఎవరి నుంచి ప్రాణ హాని వుంది.? రెక్కీకి సంబంధించిన ఆధారాల్ని ఆయన పోలీసులకు అందిస్తారా.? ఈ విషయమై రాధతో రాసుకు పూసుకు తిరుగుతున్న అధికార పార్టీ నేతలు రాజకీయంగా వాడుకోవాలనుకుంటున్నారా.?
84015 473751I feel your suggestion would be helpful for me. I will let you know if its work for me too. Thank you for sharing this beautiful articles. thanks a great deal 680580
973335 352802Simply a smiling visitor here to share the enjoy (:, btw great style and style . 340075