సినీ పరిశ్రమలో కొన్ని సార్లు సినిమాల మీద వచ్చే వివాదాల వల్ల చివరి నిమిషంలో సినిమా రిలీజ్ ఆగిపోవడం, సినిమా టైటిల్ మార్చాల్సి రావడం లాంటి విషయాలు అప్పుడప్పుడు జరుగుతూనే ఉంటాయి. కానీ మరో 12 గంటల్లో రిలీజ్ అనగా వరుణ్ తేజ్ – హరీష్ శంకర్ కాంబినేషన్ లో రానున్న ‘వాల్మీకి’ సినిమాకి పెద్ద సమస్యే ఎదురైంది.
ఈ సినిమా టైటిల్ ‘వాల్మీకి’ అనేది మార్చాలని బోయ కమ్యూనిటీ వాళ్ళు పోరాడుతూనే ఉన్నారు, ఫైనల్ గా వాళ్లే గెలిచి అనంతపూర్, కర్నూల్ జిల్లాల్లో సినిమా రిలీజ్ కాకుండా కలెక్టర్ నుంచి ఆర్డర్స్ తీసుకున్నారు. రెండు మేజర్ జిల్లాల్లో సినిమా ఆగిపోవడం నిర్మాతల నుంచి బయ్యర్స్ వరకూ అందరికీ నష్టమే. ఆ కారణం ఈ చిత్ర టీం ఇప్పటికిప్పుడు ప్రెస్ మీట్ పెట్టి ఈ సినిమా టైటిల్ ని మార్చారు. ‘వాల్మీకి’ టైటిల్ ని ఈ సినిమాలో వరుణ్ తేజ్ పోషించిన పాత్ర పేరైన ‘గద్దల కొండ గణేష్’గా మార్చారు. అలాగే మరి కాసేపట్లో కొత్త టైటిల్ తో పోస్టర్స్ కూడా రిలీజ్ చేయనున్నారు. అలాగే సినిమాలో టైటిల్ యానిమేషన్ ని కూడా ఇప్పటికిప్పుడు చేసి అన్ని చోట్లకి పంపనున్నారు.
Also Read: వాల్మీకి మూవీ యూఎస్ ప్రీమియర్ షో లైవ్ అప్ డేట్స్
పలు చోట్ల ఈ టైటిల్ మారడం అనేది కాస్త ఇబ్బంది అయినప్పటికీ, ఇక చేసేదేమీ లేదు కాబట్టి ప్రేక్షకులే అడ్జస్ట్ అవ్వాలి. పూజ హెగ్డే, మిర్నాలిని రవి హీరోయిన్స్ గా నటించిన ఈ సిఎంమాని 14 రీల్స్ ప్లస్ బ్యానర్ పై నిర్మించారు.
Also Read: మెగా ప్రిన్స్ వరుణ్ తేజ్ ‘వాల్మీకి’ మూవీ రివ్యూ & రేటింగ్