పోలవరం ప్రాజెక్టు ఎత్తు తగ్గింపు విషయమై నానా రచ్చా జరుగుతోంది. తెలంగాణ ముఖ్యమంత్రి కేసీఆర్, అసెంబ్లీలోనే పోలవరం ప్రాజెక్టు ఎత్తు తగ్గింపు గురించిన ప్రకటన చేశారు. ఆంధ్రప్రదేశ్ ముఖ్యమంత్రిని ఒప్పించినట్లూ చెప్పారు. మామూలుగా అయితే, కేసీఆర్ ఇలాంటి పబ్లిసిటీ స్టంట్లు చేయడం కొత్తేమీ కాదని చాలామంది అనుకున్నారు. ఆంధ్రప్రదేశ్లోని అధికార వైఎస్సార్ కాంగ్రెస్ పార్టీ నేతలు, ఎట్టి పరిస్థితుల్లోనూ వైఎస్ జగన్, పోలవరం ప్రాజెక్టు ఎత్తు తగ్గింపుని ఒప్పుకోరని చెబుతున్నారు.
అయితే, తాజాగా ఓ ఛానల్ నిర్వహించిన చర్చా కార్యక్రమంలో తెలంగాణ రాష్ట్రానికి చెందిన ఉన్నత విద్యావంతుడు, రాజకీయ విశ్లేషకుడు, కేసీఆర్కి అత్యంత సన్నిహితుడైన ప్రకాష్ మాట్లాడుతూ, పోలవరం ప్రాజెక్టు ఎత్తు తగ్గింపు విషయమై సంచలన వ్యాఖ్యలు చేశారు. పోలవరం ప్రాజెక్టు ఎత్తు తగ్గించాల్సిందేనని తేల్చేశారాయన. అంతే కాదు, తగ్గించే ఉద్దేశ్యం ఆంధ్రప్రదేశ్ ప్రభుత్వానికి లేకపోతే, తదుపరి ఎలాంటి ఉద్యమం చేయాలో తమకు తెలుసని స్పష్టం చేశారు ప్రకాష్.
పైగా, ‘2 టీఎంసీల నీటి నిల్వ సామర్థ్యం కూడా లేని కాటన్ బ్యారేజ్తోనే ఉభయ గోదావరి జిల్లాలు పచ్చని పంట పొలాలతో కళకళ్ళాడుతున్నాయి.. అక్కడివారు అమెరికా సహా ఇతర దేశాల్లో స్థిరపడుతున్నారు.. ఆర్థికంగా ఎంతో ఉన్నత స్థానంలో అక్కడి ప్రజలున్నారు.. సినిమా షూటింగులు కూడా జరుగుతున్నాయి. అలాంటిది, పోలవరం ప్రాజెక్టు ఎత్తు తగ్గించడం ద్వారా 10 టీఎంసీల నీరు తగ్గితే నష్టమేంటి.? భద్రాచలం దేవాలయం మునిగిపోకూడదన్నదే మా ఆలోచన. ప్రస్తుతం ఆంధ్రప్రదేశ్లోనే వున్న ఒకప్పటి తెలంగాణ ప్రాంత భూ భాగంలోని ప్రజల గురించే మా ఆవేదన..’ అంటూ అసలు విషయాన్ని కుండ బద్దలు కొట్టేశారు ప్రకాష్.
పోలవరం ప్రాజెక్టుకి వ్యతిరేకంగా తెలంగాణ రాష్ట్ర సమితి పార్టీ మాత్రమే కాదు, తెలంగాణ రాష్ట్ర ప్రభుత్వం కూడా కోర్టుల్ని ఆశ్రయించిన విషయం అందరికీ తెల్సిందే. కేసీఆర్తో ‘పోలవరం ప్రాజెక్టుకి గులాబీ చెద’ అంశాన్ని వైఎస్ జగన్ ప్రస్తావించి తీరాలి. గోదావరి జలాల్ని ఇరు రాష్ట్రాలూ పంచుకోవడం అన్నది వేరే చర్చ. పోలవరం ప్రాజెక్టు జోలికి తెలంగాణ రాష్ట్ర ప్రభుత్వం రాకుండా చూడాల్సిన బాధ్యత మాత్రం ఆంధ్రప్రదేశ్ ముఖ్యమంత్రి వైఎస్ జగన్ మోహన్రెడ్డి భుజస్కంధాల మీదనే వుంది.
884815 241573Wohh just what I was seeking for, thanks for putting up. 885107
320258 968120Some truly fantastic content material on this web site , appreciate it for contribution. 391418