మొన్నామధ్య హైకోర్టు న్యాయమూర్తుల మీద వైసీపీ మద్దతుదారులు సోషల్ మీడియాలో వివాదాస్పద వ్యాఖ్యలు చేసిన వైనం పెను ప్రకంపనలు సృష్టించింది. హైకోర్టు ఈ వ్యవహారంపై తీవ్ర ఆగ్రహం వ్యక్తం చేసింది. ‘కరోనా వార్డులో న్యాయమూర్తుల్ని పడెయ్యాలి..’ అంటూ సదరు వైసీపీ మద్దతుదారులు వ్యాఖ్యలు చేసిన విషయం విదితమే. కరోనా ప్రపంచాన్ని వణికిస్తోన్న మహమ్మారి. పగవాడికి కూడా అది సోకకూడదనే కోరుకోవాలి ఎవరైనా. దురదృష్టవశాత్తూ అది కొందరికి కామెడీ అయిపోయింది.
ఇటీవలే మాజీ మంత్రి, బీజేపీ నేత పైడికొండల మాణిక్యాలరావు కరోనా వైరస్తో ప్రాణాలు కోల్పోయారు. ‘అమరావతికి బీజేపీ అన్యాయం చేసింది.. అందుకే.. పాపం పండింది.. బీజేపీ నేత కరోనాతో చనిపోయారు..’ అంటూ టీడీపీ మద్దతుదారులు కొందరు సోషల్ మీడియాలో జుగుప్సాకరమైన కామెంట్స్ పోస్ట్ చేశారు.
తాజాగా, కేంద్ర మంత్రి అమిత్ షా కరోనా వైరస్ బారిన పడితే.. ఆయనపైనా ఇదే తరహా జుగుప్సాకరమైన వ్యాఖ్యలు చేస్తున్నారు కొందరు టీడీపీ మద్దతుదారులైన నెటిజన్లు. ఇదా పద్థతి.? ఇదా రాజకీయం.? పైడికొండల మాణిక్యాలరావు కరోనా బారిన పడితే, ఆయన త్వరగా కోలుకోవాలని అన్ని రాజకీయ పార్టీలకు చెందిన నేతలూ ఆకాంక్షించారు. ఆయన కరోనా కారణంగా మృతి చెందితే, అన్ని పార్టీలకు చెందిన నేతలూ తీవ్ర ఆవేదన వ్యక్తం చేశారు.
మరి, ఈ సోకాల్డ్ పొలిటికల్ నెటిజన్లకు ఏమయ్యింది.? ‘మీ వెనకాల మేమున్నాం.. మీరెలాగైనా వ్యవహరించొచ్చు..’ అని మొన్నీమధ్యనే ఓ పార్టీకి చెందిన ముఖ్య నేత, తమ మద్దతుదారులైన నెటిజన్లకు భరోసా ఇచ్చిన వైనాన్ని చూశాం. అది హైకోర్టు న్యాయమూర్తులపై జుగుప్సాకరమైన కామెంట్ల వివాదానికి సంబంధించినది. నేతలు ఇలా వుంటే, వారి మద్దతుదారులు ఇంతకన్నా దారుణంగానే వుంటారు మరి.
ఇక, టీడీపీ మద్దతుదారులైన నెటిజన్ల తీరుపై బీజేపీ నేత విష్ణువర్ధన్రెడ్డి తీవ్ర ఆగ్రహం వ్యక్తం చేశారు. రాష్ట్రంలో టీడీపీ తన ఉనినికి కోల్పోతోందనీ, ఈ నేపథ్యంలో అక్కసుని ఇలా వెల్లగక్కుకుంటోందనీ విష్ణువర్ధన్రెడ్డి మండిపడ్డారు. ‘పేటీఎం’ గాళ్ళు, ‘జీ-పే’ గాళ్ళు సోషల్ మీడియాలో ఆయా పార్టీల తరఫున నియమితులవడం వల్లే ఈ దుష్ట సంస్కృతి రోజురోజుకీ విస్తరించేస్తోందన్నది నిర్వివాదాంశం.
ఇవి @JaiTDP కొన్ని అమిత్ షా గారిపైన కామెంట్స్.@ncbn గారు
ఇలాంటివి మీ పార్టీ కార్యకర్తలు తగ్గించుకుని స్వీయనిభందనలు విదుంచుకోంటే ప్రజాస్వామ్యంలోమంచిది. గతంలో ఇలాగే అసందర్భ వాఖ్యలు చేసి ఓక పార్టీని ఆంద్రలో మీరుఅధికారంలోకి తెచ్చారు.@BJP4Andhra ఏమి చేస్తారో 2024 ఏన్నికలలోపు చూడాలి pic.twitter.com/ZKfkWXmZWP— S. Vishnu Vardhan Reddy (@SVishnuReddy) August 3, 2020
860131 966570Wow truly glad i came across your internet site, i??ll be positive to visit back now i??ve bookmarked it??. 974718