చెరగని చిరునవ్వుకి ఆయన కేరాఫ్ అడ్రస్. ప్రత్యర్థుల్ని విమర్శించడానికి కూడా ఆయన ఆ చిరునవ్వే ఉపయోగిస్తుంటారు. సుతిమెత్తగా విమర్శించడంలో బహుశా వైఎస్ రాజశేఖర్రెడ్డికి సాటి ఇంకెవరూ రారేమో. ‘వైఎస్ రాజశేఖర్రెడ్డి నాకు చాలా మంచి మిత్రుడు..’ అని రాజశేఖర్రెడ్డికి రాజకీయ ప్రత్యర్థి అయిన టీడీపీ అధినేత నారా చంద్రబాబునాయుడు పదే పదే చెబుతుంటారంటే.. వైఎస్సార్ ప్రత్యేకత ఏంటో అర్థం చేసుకోవచ్చు.
రాజకీయాల్లో విమర్శలు సహజాతి సహజం. అలాంటి విమర్శల్ని రాజశేఖర్రెడ్డి కూడా చాలానే ఎదుర్కొన్నారు. ఆ సంగతి పక్కన పెడితే, ఆయన హెలికాప్టర్ ప్రమాదంలో చనిపోయి.. ఏళ్ళు గడుస్తున్నాయి. ‘అప్పుడే పదేళ్ళయిపోయిందా.?’ అని చాలామంది ఆశ్చర్యపోతుంటారు. కానీ, తెలుగునాట రాజకీయాలపై వైఎస్ రాజశేఖర్రెడ్డి వేసిన ముద్ర ఎప్పటికీ చెరిగిపోదు. ‘అంతా నిన్న మొన్న జరిగినట్లే వుంటుంది’ అంటే, అది ఆయన ప్రత్యేకత అనుకోవాలేమో.
ఆనాటి వైఎస్సార్ వీడియోలు ఇప్పుడు చూస్తోంటే, ‘ఇంకా ఆయన జీవించే వున్నారేమో..’ అన్న భావన కలగక మానదు. వైఎస్ రాజశేఖర్రెడ్డికి ముందు కూడా చాలామంది సంక్షేమ పథకాలతో ప్రజల్ని ఆకట్టుకున్నారు. కానీ, వైఎస్ రాజశేఖర్రెడ్డి ప్రత్యేకత వేరు. ఆరోగ్యశ్రీ, ఫీజు రీ-ఎంబర్స్మెంట్.. ఈ రెండూ వైఎస్ రాజశేఖర్రెడ్డి హయాంలో తెరపైకి వచ్చిన పథకాలు. వీటిని కేవలం ఓటు బ్యాంకు సంక్షేమ పథకాలుగా చూడలేం. అప్పటికీ, ఇప్పటికీ, ఎప్పటికీ ఈ రెండు సంక్షేమ పథకాలూ తెలుగునాట అమల్లోనే వుంటాయి. వాటి ప్రత్యేకత అలాంటిది మరి.
జలయజ్ఞం సహా ఇతర ప్రాజెక్టులు, సంక్షేమ పథకాలపై వున్నట్లుగానే ఫీజు రీఎంబర్స్మెంట్, ఆరోగ్యశ్రీపైనా భిన్నాభిప్రాయాలు, విమర్శలు వుండొచ్చుగాక. కానీ, వైఎస్సార్ మరణం తర్వాత కూడా ఆరోగ్యశ్రీ, ఫీజు-రీఎంబర్స్మెంట్.. మరింత ప్రత్యేకంగా అమలవుతున్నాయంటే.. వాటి ప్రాధాన్యత ఏపాటిదో అర్థమవుతుంది. రెండోసారి అధికారంలోకి వస్తూనే, ‘మాకు ప్రజలు ఫుల్ మార్కులు ఇవ్వలేదు.. జస్ట్ పాస్ మార్కులు మాత్రమే ఇచ్చారు. అంటే, మేం చేరాలనుకున్న స్థాయిలో ప్రజల్ని చేరుకోలేకపోయామన్నమాట. ఈసారి ఇంకా జాగ్రత్తగా పరిపాలన చేయాల్సి వుంది..’ అని వైఎస్సార్ వ్యాఖ్యానించారు.
దురదృష్టవశాత్తూ రెండోసారి అధికారంలోకి వచ్చాక అతి తక్కువ సమయంలోనే హెలికాప్టర్ ప్రమాదం కారణంగా ప్రాణాలు కోల్పోయారు. ‘వైఎస్సార్ వుండి వుంటే ఉమ్మడి తెలుగు రాష్ట్రం విడిపోయేది కాదేమో..’ అని ఇప్పటికీ చాలామంది చెబుతుంటారు. కాదు, ఆయనే ఈ విభజనకు బీజం వేశారని ఇంకొందరు అంటారు. ఏదిఏమైనా రాష్ట్ర రాజకీయాల్లో వైఎస్సార్ ఓ శకం. ఆయన వర్ధంతి సందర్భంగా జోహార్ వైఎస్సార్.!
335637 713227I was examining some of your content on this internet internet site and I believe this web site is rattling instructive! Maintain putting up. 742905
494588 602340It is really a cool and useful piece of data. Im glad which you shared this beneficial details with us. Please maintain us informed like this. Thanks for sharing. 738531