సౌత్ గ్లామర్ భామ శృతి హసన్ గత కొంత కాలంగా సినిమాలు దూరంగా ఉంది. హీరోయిన్ గా తెలుగు, తమిళ భాషల్లో మంచి క్రేజ్ ఉన్న సమయంలోనే ఈ అమ్మడు ఇలా సినిమాలను వదిలేసుకొని టివి షోలు, మ్యూజిక్ ఆల్బమ్ అంటూ షాక్కిచ్చింది. ఇక బాలీవుడ్ లో అయితే హీరోయిన్ గా వెలిగిపోవాలని ఎన్నో కలలు కన్నది. అక్కడ ఎన్ని సినిమాలు చేసిన ఆమె కలలు కల్లలుగానే మిగిలిపోయాయి. దాంతో బాలీవుడ్ లో లాభం లేదనుకుందేమో శృతి ఇప్పుడు సౌత్ పైనే మళ్ళీ ఫోకస్ పెట్టింది. తాజాగా ఆమె రీ ఎంట్రీ ఖాయమైంది.
తాజగా శృతి హాసన్ ఓ తమిళ సినిమాలో నటించేందుకు ఓకే చెప్పింది. విజయ్ సేతుపతి హీరోగా నటిస్తున్న ఈ సినిమాలో శృతి హీరోయిన్. ఈ చిత్రానికి లాభం అనే టైటిల్ ఖరారు చేసారు. ప్రస్తుతం కోలీవుడ్లో విజయ్ సేతుపతి క్రేజీ మాములుగా లేదు. రజని, కమల్, విజయ్, అజిత్ ల తరువాత ఆ రేంజ్ స్టార్ డంను అందుకున్నాడు. ప్రస్తుతం వరుస సినిమాలతో బిజీగా ఉన్న విజయ్ సేతుపతి ఇప్పటికే నాలుగు చిత్రాల్లో నటిస్తున్నాడు.
ఇక గ్లామర్ భామగా సౌత్ లో మంచి స్టార్ ఇమేజ్ తెచ్చుకున్న శృతి హాసన్ సినిమాలకు దూరం అవ్వడంతో ఆమె అభిమానులు చాల టెన్షన్ పడ్డారు. తెలుగు, తమిళ భాషల్లో స్టార్ హీరోయిన్ గా మంచి క్రేజ్ తెచ్చుకున్న సరైన సమయంలో ఇలా కావాలని సినిమాలకు దూరం అవ్వడం ఎందుకు అంటూ చాలా మంది చెప్పిన శృతి వినలేదు. అయితే తాను అనుకున్నట్టుగా మ్యూజిక్ ఆల్బమ్ విడుదల చేసి మంచి పాపులారిటీ తెచ్చుకుంది. ఎన్ని చేసిన సినిమా హీరోయిన్ గా ఇమేజ్ దక్కితే ఆ రేంజ్ వేరని తెలుసుకోందో ఏమో అందుకే రీ ఎంట్రీ ఇచ్చింది అంటూ కోలీవుడ్ జనాలు చెప్పుకుంటున్నారు. మరి ఈ సినిమా తరువాత శృతి వరుసగా సినిమాలు చేస్తుందో లేదో చూడాలి.